YENƏ CANIM SÖZ GƏZİR

Azərbaycan ədəbiyyatının 80-ci illər nəslinə mən­sub olan Xaqani Qayıblı öz poetik səsi və nə­fəsi ilə seçilən qələm sahiblərindəndir. Onun şeirlərində bənzərsiz dil və duyum koloriti, ruh ənginliyi, ifadə səmimiliyi dərhal diqqəti çəkir. Uzun illər Vətəndən uzaqlarda yaşasa da, mənsub olduğu torpaq və xalqla mənəvi bağlarını qoruyub saxlaması Xaqani Qayıblının şeirlərinin bədii siqlətini daha da artırır. Bu poetik toplu müəllifin oxucularla ikinci görüşüdür.