Kitobni o'qish: «О любви и семье. Молитвы. Каноны. Акафисты»

© Оформление. ООО «Издательство „Эксмо“», 2026

Предисловие

Дорогой читатель!

Эта книга о самом сокровенном – о любви и семье, о том, что Господь дает нам как великий дар. Здесь, под одной обложкой, собраны молитвы, каноны и акафисты, к которым обращается верующее сердце в разные времена семейной жизни: и когда человек только ищет свою половину, и когда хранит супружеский союз, и когда с трепетом ждет рождения детей, и когда несет за них свою родительскую молитву.

И прежде всего скажем с любовью и ясностью: молимся мы Богу. О чем бы мы ни просили – о встрече с близким человеком, о мире в доме, о детях, об их здоровье и добром пути, – все это в руках Отца Небесного, Который любит нас прежде, чем мы научаемся просить. Святые иконы и угодники Божии дороги и близки нашему сердцу, но сила, отзывающаяся на нашу молитву, исходит от единого Источника всякого блага – от Господа нашего Иисуса Христа. К Нему обращено всякое прошение, от Него приходит всякое утешение, всякая помощь и всякое исцеление. «Всякое даяние доброе и всякий дар совершенный нисходит свыше, от Отца светов» (Иак. 1: 17). И сколько в этом тихой радости: мы не одни со своими заботами – мы вверяем их Тому, Чья любовь к нам больше нашей собственной.

Когда мы просим о молитве Пресвятую Богородицу или святых угодников Божиих, мы не обращаемся к ним как к тем, кто подает милость сам по себе, помимо Бога. Мы просим их молиться вместе с нами – так же, как просим помолиться близкого и любимого человека, веря, что общая молитва сильна перед Господом. Это древний обычай Церкви, и стоит он на простой и радостной вере: у Бога все живы (Лк. 20: 38). Святые, ушедшие из этой жизни, не перестали любить нас и молиться о нас. Они не заслоняют собою Бога – они наши старшие братья и сестры в вере, прошедшие земной путь до конца. Обращаясь к ним, мы словно входим в одну большую семью – Церковь земную и небесную.

Почему в этой книге собраны именно эти святые? Сборник составлен по живому преданию Церкви. За долгие века молитвенного опыта верующие заметили, что к одним святым чаще обращаются в одних заботах, к другим – в иных. И это не «распределение обязанностей», а отклик на их жизнь: на то, что они сами пережили на земле, и на то, как Господь являл через них Свою помощь.

Так, святитель Николай Чудотворец, который, по житию, тайно дал приданое трем бедным девицам и тем спас их от позора, устроив честные браки, издавна призывается в молитве о добром замужестве. Благоверные князь Петр и княгиня Феврония Муромские, пронесшие верную любовь через испытания и изгнание и отошедшие ко Господу в один день, стали на Руси образом супружеской верности. Святые праведные Иоаким и Анна, до старости не имевшие детей и по молитве разрешенные от бездетности, – первые заступники всех, кто ждет ребенка. Мученики Адриан и Наталия явили любовь, которую не смогла разрушить даже смерть. Каждый святой помещен в этой книге туда, где о нем говорят сами его житие и молитвенный опыт Церкви.

Хранит Церковь память и о многих случаях помощи по молитвам к этим святым и перед этими иконами. Здесь скажем честно и трезво: о подлинности чудес Церковь судит соборно – прежде всего при прославлении святых, – и не всякий пересказ о помощи можно проверить. Поэтому будем сдержанны: благодатная помощь по молитве – не красивая легенда, а часть живого опыта Церкви, засвидетельствованного при канонизации святых. Известны чтимые и чудотворные иконы, прославленные многими исцелениями, – например, Феодоровская икона Божией Матери, перед которой молятся о благополучных родах, или образ «Млекопитательница», к которому прибегают кормящие матери. Но главное чудо, которое стоит искать в молитве, – не внешнее, а внутреннее: чтобы смягчилось собственное сердце, чтобы хватило терпения, прощения, умения любить. Об этом говорит и сам строй собранных здесь молитв.

Книга названа «О любви и семье» неслучайно. Семья в православном понимании – это малая Церковь, а любовь супругов – образ союза Христа и Церкви (Еф. 5: 25–32). Поэтому и содержание выстроено не по алфавиту и не по чину святых, а по живым временам семейной жизни, чтобы тебе легко было найти молитву для своей заботы.

Открывается книга молитвами о даровании супружества. Всякая семья начинается с молитвы, и потому первый раздел – для тех, кто ждет встречи со своим человеком и просит у Бога доброго, благословенного брака. Здесь собраны святые, которые сами стали хранителями честного супружества и не раз помогали тем, кто искал свою половину.

Дальше – молитвы о супружеской любви, согласии и крепости семьи. Ведь семья держится не одним данным когда-то словом, а каждодневной любовью, терпением и верностью. Этот раздел для тех, кто хочет сберечь мир в доме, укрепить согласие между супругами и пройти через размолвки и трудности; святые, к которым здесь обращаются, явили любовь, которую не смогли разрушить ни испытания, ни сама смерть.

Третий раздел – о даровании, рождении и вскармливании детей. Ожидание ребенка – время и радости, и тревоги, и потому здесь собраны молитвы о даровании детей, о благополучном вынашивании, о родах и о вскармливании младенцев, а также о заступниках тех, кто долго ждет ребенка, и помощи будущим и кормящим матерям.

За ним следует раздел о воспитании и учении детей. Дети растут, и родительская молитва растет вместе с ними – о добром нраве, о разуме, об успехах в учебе.

И наконец – молитвы в семейных скорбях, болезнях и нуждах. В каждой семье случаются испытания: болезни, нужда, тревога за близких, охлаждение и раздоры. Этот раздел о помощи в скорбях, об исцелении родных и о том, чтобы вернуть в дом мир, прощение и любовь.

Такой порядок повторяет саму жизнь семьи – от ее начала до зрелости, от первой надежды до терпеливого несения общего креста.

Открывая эту книгу, помни: молитва – не способ добиться желаемого, а разговор с любящим Отцом. Всякое прошение завершай словами предания себя воле Божией, ведь Господь лучше нас знает, что и когда послать нам на пользу души. Молись с верой, терпением и смирением – и да благословит Господь твою семью миром, любовью и согласием.

О даровании супружества

Молитвы Пресвятой Богородице просительные

Молитва первая

Цари́це моя́ преблага́я, Наде́ждо моя́ Богоро́дице, Прия́телище си́рых, и стра́нных Предста́тельнице, скорбя́щих Ра́досте, оби́димых Покрови́тельнице! Зри́ши мою́ беду́, зри́ши мою́ ско́рбь, помози́ ми́ я́ко не́мощну, окорми́ мя́ я́ко стра́нна. Оби́ду мою́ ве́си, разреши́ ту́, я́ко во́лиши: я́ко не и́мам ины́я по́мощи ра́зве Тебе́, ни ины́я Предста́тельницы, ни благи́я Уте́шительницы, то́кмо Тебе́, о Богома́ти; я́ко да сохрани́ши мя́ и покры́еши во ве́ки веко́в. Ами́нь.

К кому́ возопию́, Влады́чице? К кому́ прибе́гну в го́рести мое́й, а́ще не к Тебе́, Цари́це Небе́сная? Кто́ пла́ч мо́й и воздыха́ние мое́ прии́мет, а́ще не Ты́, Пренепоро́чная, Наде́ждо христиа́н и Прибе́жище на́м гре́шным? Кто́ па́че Тебе́ в напа́стех защити́т?

Услы́ши у́бо стена́ние мое́, и приклони́ у́хо Твое́ ко мне́, Влады́чице Ма́ти Бо́га моего́, и не пре́зри мене́, тре́бующаго Твоея́ по́мощи, и не отри́ни мене́ гре́шнаго.

Вразуми́ и научи́ мя́, Цари́це Небе́сная; не отступи́ от мене́, раба́ Твоего́, Влады́чице, за ропта́ние мое́, но бу́ди мне́ Ма́ти и Засту́пница.

Вруча́ю себе́ ми́лостивому покро́ву Твоему́: приведи́ мя́ гре́шнаго к ти́хой и безмяте́жней жи́зни, да пла́чуся о гресе́х мои́х.

К кому́ бо прибе́гну пови́нный а́з, а́ще не к Тебе́, упова́нию и прибе́жищу гре́шных, наде́ждою на неизрече́нную ми́лость Твою́ и щедро́ты Твоя́ окриля́емь?

О Влады́чице Цари́це Небе́сная! Ты́ мне́ упова́ние и прибе́жище, покро́в, и заступле́ние, и по́мощь.

Цари́це моя́ преблага́я и ско́рая Засту́пнице! Покры́й Твои́м хода́тайством моя́ прегреше́ния, защити́ мене́ от вра́г ви́димых и неви́димых, умягчи́ сердца́ злы́х челове́к, возстаю́щих на мя́.

О Ма́ти Го́спода моего́ Творца́! Ты́ еси́ ко́рень де́вства и неувяда́емый цве́т чистоты́.

О Богороди́тельнице! Ты́ пода́ждь ми́ по́мощь немощству́ющему плотски́ми страстьми́ и боле́знующему се́рдцем: еди́но бо Твое́ и с Тобо́ю Твоего́ Сы́на и Бо́га на́шего и́мам заступле́ние, и Твои́м пречу́дным заступле́нием да изба́влюся от вся́кия беды́ и напа́сти, о пренепоро́чная и пресла́вная Бо́жия Ма́ти Мари́е.

Те́мже со упова́нием глаго́лю и вопию́: ра́дуйся, Благода́тная, ра́дуйся, Обра́дованная, ра́дуйся, Преблагослове́нная, Госпо́дь с Тобо́ю.

Молитва из канона молебного ко Пресвятой Богородице, поемого во всякой скорби душевной и обстоянии.

Молитва вторая

О Пресвята́я Де́во, Ма́ти Го́спода Вы́шняго, всеми́лостивая Засту́пнице и Покрови́тельнице все́х, к Тебе́ с ве́рою прибега́ющих!

При́зри с высоты́ небе́сныя сла́вы Своея́ на мя́, припа́дающаго к подно́жию Твоему́, услы́ши смире́нную моли́тву мене́, гре́шнаго и недосто́йнаго раба́ Твоего́, и принеси́ ю́ пред возлю́бленнаго Сы́на Своего́.

О Преблагослове́нная Богоро́дице! Ты́, имену́емая все́х скоропослу́шница и скорбя́щих ра́досте, услы́ши и мене́ ско́рбнаго;

Ты́ – утоле́ние печа́ли, утоли́ и моя́ душе́вныя боле́зни и печа́ли;

Ты́ – купино́ неопали́мая, сохрани́ ми́р и все́х на́с от вредоно́сных о́гненных стре́л вра́жиих;

Ты́ – взыска́ние поги́бших, не попусти́ мене́ поги́бнути в бе́здне грехо́в мои́х;

Ты́ цели́тельница стра́ждущих, исцели́ и мене́, уя́звленнаго от не́мощей душе́вных и теле́сных;

Ты́ – неча́янная ра́досте, ра́достию спасе́ния Твоего́ оте́мли от мене́ стра́х гряду́щаго муче́ния;

Ты́ – спору́чница гре́шных, бу́ди и мне́, гре́шнику, благосе́рдою спору́чницею покая́ния и спасе́ния моего́.

На Тебе́ по Бо́зе все́ мое́ упова́ние возлага́ю, бу́ди ми́ вы́ну неусы́пная хода́таица и всеси́льная предста́тельница пред Сы́ном Твои́м, Го́сподом на́шим Иису́сом Христо́м, укрепи́ во мне́ ве́ру в Него́, утверди́ в любви́ Его́, научи́ мене́ люби́ти и сла́вити и Тебе́, Пресвяту́ю Ма́терь Бо́жию, Преблагослове́нную Мари́ю: вседержа́вному покро́ву Твоему́, Богоро́дице, вруча́ю себе́ на вся́ ве́ки. Ами́нь.

Молитва из Псалтири Божией Матери святителя Димитрия Ростовского (Туптало)

Молитвы Пресвятой Богородице перед иконами

Казанская

О Пресвята́я Госпоже́ Влады́чице Богоро́дице! Со стра́хом, ве́рою и любо́вию припа́дающе пред честно́ю ико́ною Твое́ю, мо́лим Тя́: не отврати́ лица́ Твоего́ от прибега́ющих к Тебе́, умоли́ милосе́рдая Ма́ти, Сы́на Твоего́ и Бо́га на́шего, Го́спода Иису́са Христа́, да сохрани́т ми́рну страну́ на́шу, Це́рковь Свою́ Святу́ю да незы́блему соблюде́т от неве́рия, ересе́й и раско́ла. Не и́мамы бо ины́я по́мощи, не и́мамы ины́я наде́жды, ра́зве Тебе́, Пречи́стая Де́во: Ты́ еси́ Всеси́льная христиа́н Помо́щница и Засту́пница. Изба́ви все́х с ве́рою Тебе́ моля́щихся от паде́ний грехо́вных, от наве́та злы́х челове́к, от вся́ких искуше́ний, скорбе́й, бе́д и от напра́сныя сме́рти: да́руй на́м ду́х сокруше́ния, смире́ние се́рдца, чистоту́ помышле́ний, исправле́ние грехо́вныя жи́зни и оставле́ние прегреше́ний, да вси́ благода́рне воспева́юще вели́чия Твоя́, сподо́бимся Небе́снаго Ца́рствия и та́мо со все́ми святы́ми просла́вим Пречестно́е и Великоле́пое И́мя Отца́ и Сы́на и Свята́го Ду́ха. Ами́нь.

Молитва из акафиста Пресвятой Богородице пред иконой «Казанская» (одобрен решением Священного Синода Русской Православной Церкви от 8 декабря 1867 года (№ 2860).

«Нечаянная Радость»

Пресвята́я Де́во, Всеблага́го Сы́на Ма́ти Всеблага́я, гра́да Москвы́ Покрови́тельнице, все́х су́щих во гресе́х, ско́рбех, беда́х и боле́знех Ве́рная Предста́тельнице и Засту́пнице! Приими́ моле́бное пе́ние сие́ от на́с, недосто́йных ра́б Твои́х, Тебе́ возноси́мое, и я́коже дре́вле гре́шника, на вся́к де́нь мно́гажды пред честно́ю ико́ною Твое́ю моли́вшагося, не презре́ла еси́, но дарова́ла еси́ ему́ неча́янную ра́дость покая́ния и преклони́ла еси́ Сы́на Твоего́ мно́гим и усе́рдным к Нему́ хода́тайством ко проще́нию сего́ гре́шнаго и заблу́ждшагося, та́ко и ны́не не пре́зри моле́ния на́с, недосто́йных рабо́в Твои́х, и умоли́ Сы́на Твоего́ и Бо́га на́шего, да и все́м на́м, с ве́рою и умиле́нием покланя́ющимся пред цельбоно́сным о́бразом Твои́м, да́рует неча́янную по коего́ждо потре́бе ра́дость: гре́шником, погря́зшим во глубине́ зо́л и страсте́й, – вседе́йственное вразумле́ние, покая́ние и спасе́ние; су́щим в ско́рбех и печа́лех – утеше́ние; обрета́ющимся в беда́х и озлобле́ниих – соверше́нное си́х избы́тие; малоду́шным и ненаде́ждным – наде́жду и терпе́ние; в ра́дости и изоби́лии живу́щим – непреста́нное Благоде́телю Бо́гу благодаре́ние; бе́дствующим – милосе́рдие; су́щим в боле́зни и долгонеду́жии и оста́вленным врача́ми – неча́емое исцеле́ние и укрепле́ние; ижди́вшим от неду́га у́м – ума́ возвраще́ние и обновле́ние; отходя́щим в ве́чную и несконча́емую жи́знь – па́мять сме́ртную, умиле́ние и сокруше́ние о гресе́х, ду́х бо́др и тве́рдую на милосе́рдие Судии́ наде́жду. О Госпоже́ Пресвята́я! Умилосе́рдися о все́х, чту́щих всечестно́е и́мя Твое́, и все́м яви́ всемо́щный покро́в Тво́й и заступле́ние; во благоче́стии, чистоте́ и честне́м жи́тельстве пребыва́ющия до после́дняго и́х сконча́ния во бла́гости соблюди́; злы́я бла́ги сотвори́; заблу́ждшия на пу́ть пра́вый наста́ви; вся́кому де́лу благо́му и Сы́ну Твоему́ уго́дному споспешеству́й; вся́кое де́ло зло́е и богопроти́вное разруши́; в недоуме́нии и тру́дных и опа́сных обстоя́ниих обрета́ющимся незри́мую по́мощь и вразумле́ние с Небесе́ низпосли́; от искуше́ний, собла́знов и поги́бели спаси́; от все́х злы́х челове́к и от враго́в ви́димых и неви́димых защити́ и сохрани́; пла́вающим спла́вай; путеше́ствующим спутеше́ствуй; су́щим в ну́жде и гла́де бу́ди Пита́тельница; неиму́щим кро́ва и приста́нища бу́ди покро́в и прибе́жище; наги́м пода́ждь одея́ние; оби́димым и непра́ведно гони́мым – заступле́ние; клевету́, поноше́ние и хуле́ние терпя́щия незри́мо оправда́й; клеветники́ и хули́тели пред все́ми обличи́; ожесточе́нно вражду́ющим неча́емое пода́ждь примире́ние, и все́м на́м дру́г ко дру́гу любо́вь, ми́р и благоче́стие и здра́вие с долгоде́нствием. Супру́жества в любви́ и единомы́слии сохрани́; супру́ги, во вражде́ и разделе́нии су́щия, умири́, соедини́ я́ дру́г ко дру́гу и положи́ и́м сою́з любве́ неразруши́мый; ма́терем, детородя́щим, ско́рое пода́ждь разреше́ние; младе́нцы воспита́й; ю́ныя уцелому́дри, отве́рзи и́м у́м к восприя́тию вся́каго поле́знаго уче́ния, стра́ху Бо́жию, воздержа́нию и трудолю́бию наста́ви; от дома́шния бра́ни и вражды́ единокро́вныя ми́ром и любо́вию огради́. Безма́терних сиро́т бу́ди Ма́терь, от вся́каго поро́ка и скве́рны отврати́ я́ и всему́ благо́му и Богоуго́дному научи́, прельще́нныя же и во гре́х и нечистоту́ па́дшия, скве́рну греха́ отъя́вши, из бе́здны поги́бели изведи́. Вдо́в бу́ди Уте́шительница и Помо́щница, ста́рости бу́ди же́зл, от внеза́пныя сме́рти без покая́ния все́х на́с изба́ви, и все́м на́м христиа́нскую кончи́ну живота́ на́шего, безболе́зненну, непосты́дну, ми́рну и до́брый отве́т на стра́шнем Суди́щи Христо́ве да́руй. Преста́вльшияся в ве́ре и покая́нии от жития́ сего́ со А́нгелы и все́ми святы́ми жи́ти сотвори́, сконча́вшимся внеза́пною сме́ртию ми́лостива бы́ти Сы́на Твоего́ умоли́, и о все́х усо́пших, и́же не и́мут сро́дников, о упокое́нии и́х Сы́на Твоего́ умоля́ющих, Сама́ бу́ди непреста́нная и те́плая Моли́твенница и Хода́таица, да вси́ на Небеси́ и на земли́ ве́дят Тя́, я́ко тве́рдую и непосты́дную Предста́тельницу ро́да христиа́нскаго, и, ве́дуще, сла́вят Тя́ и Тобо́ю Сы́на Твоего́, со Безнача́льным Его́ Отце́м и Единосу́щным Его́ Ду́хом, ны́не и при́сно и во ве́ки веко́в. Ами́нь.

Молитва из акафиста Пресвятой Богородице пред иконой «Нечаянная Радость». Текст акафиста имеет официальное церковное благословение.

«Трех радостей»

Пресвята́я Де́во, Всеблага́го Сы́на Ма́ти Всеблага́я, первопресто́льнаго гра́да и свята́го хра́ма сего́ покро́ве, все́м же су́щим во гресе́х, ско́рбех, беда́х и боле́знех ве́рная Предста́тельнице и Засту́пнице! Не пре́зри моле́ния недосто́йных ра́б Твои́х, но умоли́ Сы́на Твоего́ и Бо́га на́шего, да все́м на́м, с ве́рою и умиле́нием покланя́ющимся пред чудотво́рным о́бразом Твои́м си́м, да́рует по коего́ждо потре́бе ра́дость: су́щим в ско́рбех и печа́лех – утеше́ние; в беда́х и озлобле́ниих пребыва́ющим – соверше́нное си́х избы́тие; малоду́шным и ненаде́жным – наде́жду и терпе́ние; в ра́дости и изоби́лии живу́щим – непреста́нное Бо́гу благодаре́ние; су́щим в многонеду́жии – неча́емое исцеле́ние и укрепле́ние; все́м на́м – вседе́йственное вразумле́ние, покая́ние же и спасе́ние.

О Госпоже́ Пресвята́я, умилосе́рдися о все́х, чту́щих всечестно́е и́мя Твое́, и яви́ на́м всемо́щный покро́в Тво́й и заступле́ние. Вся́кому де́лу, Сы́ну Твоему́ уго́дному, споспе́шествуй; вся́кое де́ло зло́е разруши́; в недоуме́нии и тру́дных и опа́сных обстоя́ниих обрета́ющимся незри́мую по́мощь и вразумле́ние с Небесе́ низпосли́. И все́м на́м да́ждь любо́вь дру́г ко дру́гу, благоче́стие и здра́вие с долгоде́нствием. Преста́вльшихся в ве́ре и покая́нии от жития́ сего́ со А́нгелы и все́ми святы́ми жи́ти сотвори́, да вси́ на земли́, я́ко на Небеси́, ве́дуще Тя́ тве́рдую и непосты́дную Предста́тельницу ро́да христиа́нскаго, сла́вят Безнача́льнаго Отца́ со Единоро́дным Его́ Сы́ном и Всесвяты́м и Животворя́щим Его́ Ду́хом ны́не и при́сно и во ве́ки веко́в. Ами́нь.

Молитва из акафиста Пресвятой Богородице пред иконой «Трех радостей» (утвержден Священным Синодом Русской Православной Церкви 27 декабря 2024 года (№ 150).

«Тихвинская»

Молитва первая

О Пресвята́я Де́во, Ма́ти Го́спода вы́шних си́л, Небесе́ и земли́ Цари́це, гра́да и страны́ на́шея Всемо́щная Засту́пнице. Приими́ хвалебноблагода́рственное пе́ние сие́ от на́с, недосто́йных ра́б Твои́х, и вознеси́ моли́твы на́ша ко престо́лу Бо́га Сы́на Твоего́, да ми́лостив бу́дет непра́вдам на́шим и проба́вит бла́гость Свою́ чту́щим всечестно́е и́мя Твое́ и с ве́рою и любо́вию покланя́ющимся чудотво́рному о́бразу Твоему́. Не́смы бо досто́йни от Него́ поми́ловани бы́ти, а́ще не Ты́ уми́лостивиши Его́ о на́с, Влады́чице, я́ко вся́ Тебе́ от Него́ возмо́жна су́ть. Сего́ ра́ди к Тебе́ прибега́ем, я́ко к несомне́нней и ско́рой Засту́пнице на́шей: услы́ши на́с, моля́щихся Тебе́, осени́ на́с вседержа́вным покро́вом Твои́м и испроси́ у Бо́га Сы́на Твоего́ па́стырем на́шим ре́вность и бде́ние о душа́х, градоправи́телем му́дрость и си́лу, судия́м пра́вду и нелицеприя́тие, наста́вником ра́зум и смиренному́дрие, супру́гом любо́вь и согла́сие, ча́дом послуша́ние, оби́димым терпе́ние, оби́дящим стра́х Бо́жий, скорбя́щим благоду́шие, ра́дующимся воздержа́ние, все́м же на́м ду́х ра́зума и благоче́стия, ду́х милосе́рдия и кро́тости, ду́х чистоты́ и пра́вды. Е́й, Госпоже́ Пресвята́я, умилосе́рдися на немощны́я лю́ди Твоя́, разсе́янныя собери́, заблу́ждшия на пу́ть пра́вый наста́ви, ста́рость поддержи́, ю́ныя уцелому́дри, младе́нцы воспита́й, и при́зри на все́х на́с призре́нием ми́лостиваго Твоего́ заступле́ния, воздви́гни на́с из глубины́ грехо́вныя, и просвети́ серде́чныя о́чи на́ша к зре́нию спасе́ния, ми́лостива на́м бу́ди зде́ и та́мо, в стране́ земна́го прише́льствия и на Стра́шнем Суде́ Сы́на Твоего́; преста́вльшияся же в ве́ре и покая́нии от жития́ сего́ отцы́ и бра́тию на́шу в ве́чней жи́зни со а́нгелы и со все́ми святы́ми жи́ти сотвори́. Ты́ бо еси́, Госпоже́, сла́ва небе́сных и упова́ние земны́х, Ты́ по Бо́зе на́ша Наде́жда и Засту́пница все́х, притека́ющих к Тебе́ с ве́рою. Тебе́ у́бо мо́лимся, и Тебе́, я́ко Всемогу́щей Помо́щнице, са́ми себе́ и дру́г дру́га и ве́сь живо́т на́ш предае́м, ны́не и при́сно и во ве́ки веко́в. Ами́нь.

Молитва вторая

Благодари́м Тя́, о Преблага́я и Пречи́стая, Преблагослове́нная Де́во, Влады́чице, Ма́ти Христа́ Бо́га на́шего, о все́х благодея́ниях Твои́х, я́же показа́ла еси́ ро́ду челове́ческому, наипа́че же на́м, христоимени́тым лю́дем Росси́йскаго наро́да, о ни́хже ниже́ са́мый а́нгельский язы́к к похвале́нию дово́лен бу́дет, я́коже и ны́не удиви́ла еси́ неизрече́нную Свою́ ми́лость на на́с, недосто́йных рабе́х Твои́х, преесте́ственным самоприше́ствием пречи́стыя Твоея́ ико́ны, е́юже всю́ просвети́ла еси́ Росси́йскую страну́. Те́мже и мы́, гре́шнии, со стра́хом и ра́достию покланя́ющеся, вопие́м Ти́: о Пресвята́я Де́во, Цари́це и Богоро́дице, спаси́ и поми́луй Святе́йшаго Патриа́рха Моско́вскаго и всея́ Руси́, архиере́и же и вся́ лю́ди, и пода́ждь стране́ побе́ды на вся́ враги́, и сохрани́ вся́ гра́ды и страны́ христиа́нския, и се́й святы́й хра́м от вся́каго наве́та вра́жия изба́ви, и все́м вся́ на по́льзу да́руй, ны́не прише́дшим с ве́рою и моля́щимся рабо́м Твои́м, и покланя́ющимся пресвято́му о́бразу Твоему́, я́ко благослове́нна еси́ с ро́ждшимся от Тебе́ Сы́ном и Бо́гом ны́не и при́сно, и во ве́ки веко́в. Ами́нь.

Молитвы из акафиста Пресвятой Богородице пред иконой «Тихвинская». Текст акафиста имеет официальное церковное благословение.

Молитва святителю Николаю, архиепископу Мир Ликийских, чудотворцу

О всехва́льный и всечестны́й архиере́ю, вели́кий чудотво́рче, святи́телю Христо́в, о́тче Нико́лае, челове́че Бо́жий и ве́рный ра́бе, му́жу жела́ний, сосу́де избра́нный, кре́пкий сто́лпе церко́вный, свети́льниче пресве́тлый, звездо́ осиява́ющая и освеща́ющая всю вселе́нную. Ты еси́ пра́ведник, я́ко фи́никс процве́тший, насажде́нный во дво́рех Го́спода своего́, живы́й в Ми́рех, ми́ром облагоуха́л еси́ и ми́ро приснотеку́щее благода́ти Бо́жия источа́яй. Твои́м ше́ствием, пресвяты́й о́тче, мо́ре освяти́ся, егда́ многочуде́сныя твоя́ мо́щи ше́ствоваху во град Ба́рский, от восто́ка до за́пада хвали́ти и́мя Госпо́дне.

О преизя́щный и преди́вный чудотво́рче, ско́рый помо́щниче, те́плый засту́пниче, па́стырю предо́брый, спаса́ющий слове́сное ста́до от вся́ких бед! Тебе́ прославля́ем и тебе́ велича́ем, я́ко наде́жду всех христиа́н, исто́чника чуде́с, защи́тителя ве́рных, прему́драго учи́теля, а́лчущих корми́теля, пла́чущих весе́лие, наги́х одея́ние, боля́щих врача́, по мо́рю пла́вающих управи́теля, пле́нников свободи́теля, вдов и сиро́т пита́теля и засту́пника, целому́дрия храни́теля, младе́нцев кро́ткаго наказа́теля, ста́рых укрепле́ние, по́стников наста́вника, тружда́ющихся упокое́ние, ни́щих и убо́гих изоби́льное бога́тство.

Услы́ши нас, моля́щихся тебе́ и прибега́ющих под кров твой, яви́ предста́тельство твое́ о нас к Вы́шнему и исхода́тайствуй твои́ми богоприя́тными моли́твами вся поле́зная ко спасе́нию душ и теле́с на́ших: сохрани́ святу́ю оби́тель сию́ (или́ храм сей), вся́кий град и весь, и вся́кую страну́ христиа́нскую, и лю́ди живу́щия от вся́каго озлобле́ния по́мощию твое́ю, ве́мы бо, ве́мы, я́ко мно́го мо́жет моли́тва пра́веднаго, поспешеству́ющая во благо́е; тебе́ же пра́веднаго, по Преблагослове́нней Де́ве Мари́и, предста́теля ко Всеми́лостивому Бо́гу и́мамы, и к твоему́, преблаги́й о́тче, те́плому хода́тайству и заступле́нию смире́нно притека́ем: ты нас соблюди́, я́ко бо́дрый и до́брый па́стырь, от вся́ких враго́в, губи́тельства, тру́са, гра́да, гла́да, пото́па, огня́, меча́, наше́ствия иноплеме́нников, и во вся́ких беда́х и ско́рбех на́ших подава́й нам ру́ку по́мощи, и отве́рзи две́ри милосе́рдия Бо́жия: поне́же недосто́йни есмы́ зре́ти высоту́ небе́сную, от мно́жества непра́вд на́ших, свя́зани у́зами грехо́вными, и николи́же во́ли Созда́теля на́шего сотвори́хом, ни сохрани́хом повеле́ний Его́.

Те́мже преклоня́ем коле́на сокруше́нна и смире́нна се́рдца на́шего к Зижди́телю своему́, и твоего́ оте́ческаго заступле́ния к Нему́ про́сим: помози́ нам, уго́дниче Бо́жий, да не поги́бнем со беззако́нии на́шими, изба́ви нас от вся́каго зла и от вся́кия ве́щи сопроти́вныя, упра́ви ум наш и укрепи́ се́рдце на́ше в пра́вой ве́ре, в не́йже твои́м предста́тельством и хода́тайством, ни ра́нами, ни преще́нием, ни мо́ром, ни ко́им гне́вом от Созда́теля своего́ ума́лени бу́дем, но ми́рное зде поживе́м житие́ и да сподо́бимся ви́дети блага́я на земли́ живы́х, сла́вяще Отца́ и Сы́на и Свята́го Ду́ха, Еди́наго в Тро́ице сла́вимаго Бо́га и покланя́емаго, ны́не и при́сно, и во ве́ки веко́в. Ами́нь.

Акафист святителю Николаю, архиепископу Мир Ликийских, чудотворцу

Конда́к 1

Возбра́нный Чудотво́рче и изря́дный уго́дниче Христо́в, ми́ру всему́ источа́яй многоце́нное ми́лости ми́ро и неисчерпа́емое чуде́с мо́ре, восхваля́ю тя́ любо́вию, святи́телю Нико́лае; ты́ же, я́ко име́яй дерзнове́ние ко Го́споду, от вся́ких мя́ бе́д свободи́, да зову́ ти́:

Ра́дуйся, Нико́лае, вели́кий Чудотво́рче.

И́кос 1

А́нгела о́бразом, земна́го су́ща естество́м, яви́ тебе́ всея́ тва́ри Созда́тель: благопло́дную бо добро́ту души́ твоея́ прови́дев, преблаже́нне Нико́лае, научи́ все́х вопи́ти тебе́ си́це:

Ра́дуйся, от утро́бы ма́терния очище́нный; ра́дуйся, да́же до конца́ освяще́нный.

Ра́дуйся, рожде́нием свои́м роди́телей удиви́вый; ра́дуйся, си́лу душе́вную а́бие по рождестве́ яви́вый.

Ра́дуйся, са́де земли́ обетова́ния; ра́дуйся, цве́те Боже́ственнаго сажде́ния.

Ра́дуйся, лозо́ доброде́тельная виногра́да Христо́ва; ра́дуйся, дре́во чудото́чное рая́ Иису́сова.

Ра́дуйся, кри́не ра́йскаго прозябе́ния; ра́дуйся, ми́ро Христо́ва благоуха́ния.

Ра́дуйся, я́ко тобо́ю отго́нится рыда́ние; ра́дуйся, я́ко тобо́ю прино́сится ра́дование.

Ра́дуйся, Нико́лае, вели́кий Чудотво́рче.

Конда́к 2

Ви́дяще твои́х ми́р излия́ние, Богому́дре, просвеща́емся душа́ми и телесы́, ди́внаго тя́ мирото́чца живоно́сна, Нико́лае, разуме́юще: чудесы́ бо, я́ко вода́ми, благода́тию Бо́жиею излива́ющимися, напая́еши ве́рно вопию́щих Бо́гу: Аллилу́иа.

И́кос 2

Ра́зум неуразуме́нный вразумля́я о Святе́й Тро́ице, бы́л еси́ в Нике́и со святы́ми отцы́ побо́рник испове́дания правосла́вныя ве́ры: ра́вна бо Отцу́ Сы́на испове́дал еси́, соприсносу́щна и сопресто́льна, А́рия же безу́мнаго обличи́л еси́. Сего́ ра́ди ве́рнии научи́шася воспева́ти тебе́:

Ра́дуйся, вели́кий благоче́стия сто́лпе; ра́дуйся, ве́рных прибе́жища гра́де.

Ра́дуйся, тве́рдое Правосла́вия укрепле́ние; ра́дуйся, честно́е Пресвяты́я Тро́ицы носи́ло и похвале́ние.

Ра́дуйся, Отцу́ равноче́стна Сы́на пропове́давый; ра́дуйся, А́рия возбеси́вшагося от Собо́ра святы́х отгна́вый.

Ра́дуйся, о́тче, отце́в сла́вная красото́; ра́дуйся, все́х богому́дрых прему́драя добро́то.

Ра́дуйся, о́гненная словеса́ испуща́яй; ра́дуйся, до́бре ста́до свое́ наставля́яй.

Ра́дуйся, я́ко тобо́ю ве́ра утвержда́ется; ра́дуйся, я́ко тобо́ю е́ресь низлага́ется.

Ра́дуйся, Нико́лае, вели́кий Чудотво́рче.

Конда́к 3

Си́лою, да́нною ти́ свы́ше, слезу́ вся́ку отъя́л еси́ от лица́ лю́те стра́ждущих, богоно́сне о́тче Нико́лае: а́лчущим бо яви́лся еси́ корми́тель, в пучи́не морсте́й су́щим изря́дный прави́тель, неду́гующим исцеле́ние и все́м вся́к помо́щник показа́лся еси́, вопию́щим Бо́гу: Аллилу́иа.

И́кос 3

Име́яше вои́стину, о́тче Нико́лае, с Небесе́ пе́снь тебе́ воспева́ема бы́ти, а не от земли́: ка́ко бо кто́ от челове́к возмо́жет твоея́ святы́ни вели́чия пропове́дати? Но мы́, любо́вию твое́ю побежда́еми, вопие́м ти́ си́це:

Ра́дуйся, о́бразе а́гнцев и па́стырей; ра́дуйся, свято́е очисти́лище нра́вов.

Ра́дуйся, доброде́телей вели́ких вмести́лище; ра́дуйся, святы́ни чи́стое и честно́е жили́ще.

Ра́дуйся, свети́льниче всесве́тлый и вселюби́мый; ра́дуйся, све́те златоза́рный и непоро́чный.

Ра́дуйся, досто́йный А́нгелов собесе́дниче; ра́дуйся, до́брый челове́ков наста́вниче.

Ра́дуйся, пра́вило ве́ры благочести́выя; ра́дуйся, о́бразе кро́тости духо́вныя.

Ра́дуйся, я́ко тобо́ю от страсте́й теле́сных избавля́емся; ра́дуйся, я́ко тобо́ю сла́достей духо́вных исполня́емся.

Ра́дуйся, Нико́лае, вели́кий Чудотво́рче.

Конда́к 4

Бу́ря недоуме́ния смуща́ет ми́ у́м, ка́ко досто́йно е́сть пе́ти чудеса́ твоя́, блаже́нне Нико́лае? Никто́же бо мо́жет я́ исчести́, а́ще бы и мно́ги язы́ки име́л и глаго́лати восхоте́л; но мы́, ди́вно Бо́гу в тебе́ прославля́ющемуся, дерза́ем воспева́ти: Аллилу́иа.

И́кос 4

Слы́шаша, богому́дре Нико́лае, бли́жнии и да́льнии вели́чие чуде́с твои́х, я́ко по возду́ху ле́гкими благода́тными крила́ми навы́кл еси́ су́щих в беда́х предваря́ти, ско́ро от те́х избавля́я все́х, вопию́щих к тебе́ такова́я:

Ра́дуйся, избавле́ние от печа́ли; ра́дуйся, подая́ние благода́ти.

Ра́дуйся, неча́емых зо́л прогони́телю; ра́дуйся, жела́емых благи́х насади́телю.

Ра́дуйся, ско́рый уте́шителю в беде́ су́щих; ра́дуйся, стра́шный наказа́телю оби́дящих.

Ра́дуйся, чуде́с пучи́но, Бо́гом излия́нная; ра́дуйся, зако́на Христо́ва скрижа́ли, Бо́гом пи́санныя.

Ра́дуйся, кре́пкое па́дающих возведе́ние; ра́дуйся, пра́во стоя́щих утвержде́ние.

Ра́дуйся, я́ко тобо́ю вся́кая ле́сть обнажа́ется; ра́дуйся, я́ко тобо́ю вся́кая и́стина сбыва́ется.

Ра́дуйся, Нико́лае, вели́кий Чудотво́рче.

Конда́к 5

Боготе́чная звезда́ яви́лся еси́, наставля́я по мо́рю пла́вающих лю́те, и́мже сме́рть предстоя́ше вско́ре иногда́, а́ще не бы ты́ предста́л еси́ призыва́ющим тя́ в по́мощь, Чудотво́рче святы́й Нико́лае; уже́ бо несты́дно бесо́м лета́ющим и погрузи́ти корабли́ хотя́щим запрети́в, отгна́л еси́ и́х, ве́рныя же научи́л еси́ спаса́ющему тобо́ю Бо́гу взыва́ти: Аллилу́иа.

И́кос 5

Ви́деша отрокови́цы, на бра́к скве́рный нищеты́ ра́ди угото́ванныя, вели́кое твое́ к ни́щим милосе́рдие, преблаже́нне о́тче Нико́лае, егда́ ста́рцу роди́телю и́х но́щию узельцы́ три́ зла́та тая́ся пода́л еси́, самаго́ со дще́рьми избавля́я от паде́ния грехо́внаго. Того́ ра́ди слы́шиши от все́х си́це:

Ра́дуйся, ми́лости превели́кия сокро́вище; ра́дуйся, промышле́ния о лю́дех прия́телище.

Ра́дуйся, пи́ще и отра́до к тебе́ прибега́ющих; ра́дуйся, хле́бе неснеда́емый а́лчущих.

Ра́дуйся, бога́тство, бе́дне живу́щим на земли́, Бо́гом да́нное; ра́дуйся, воздви́жение ско́рое убо́гих.

Ра́дуйся, бы́строе ни́щих услы́шание; ра́дуйся, скорбя́щих прия́тное попече́ние.

Ра́дуйся, трие́х де́в непоро́чный невести́телю; ра́дуйся, чистоты́ усе́рдный храни́телю.

Ра́дуйся, ненаде́жных наде́яние; ра́дуйся, всего́ ми́ра наслажде́ние.

Ра́дуйся, Нико́лае, вели́кий Чудотво́рче.

Конда́к 6

Пропове́дует ми́р ве́сь тебе́, преблаже́нне Нико́лае, ско́раго в беда́х засту́пника: я́ко мно́гажды во еди́нем часе́, по земли́ путеше́ствующим и по мо́рю пла́вающим, предваря́я, посо́бствуеши, ку́пно все́х от злы́х сохраня́я, вопию́щих к Бо́гу: Аллилу́иа.

И́кос 6

Возсия́л еси́ све́т живо́тный, избавле́ние нося́ воево́дам, непра́ведную сме́рть прия́ти иму́щим, тебе́, до́брый па́стырю Нико́лае, призыва́ющим, егда́ вско́ре я́влься во сне́ царе́ви, устраши́л еси́ его́, си́х же неврежде́нных отпусти́ти повеле́л еси́. Сего́ ра́ди с ни́ми ку́пно и мы́ благода́рственно вопие́м ти́:

Ра́дуйся, усе́рдно призыва́ющим тя́ помога́яй; ра́дуйся, от непра́веднаго убие́ния избавля́яй.

Ра́дуйся, от ле́стныя сохраня́яй клеветы́; ра́дуйся, непра́ведныя разруша́яй сове́ты.

Ра́дуйся, растерза́яй лжу́ я́ко паучи́ну; ра́дуйся, возноша́яй сла́вно и́стину.

Ра́дуйся, непови́нных от у́з разреше́ние; ра́дуйся, и мертвеце́в оживле́ние.

Ра́дуйся, прояви́телю пра́вды; ра́дуйся, помрачи́телю непра́вды.

Ра́дуйся, я́ко тобо́ю непови́ннии изба́влени от меча́; ра́дуйся, я́ко тобо́ю наслади́шася све́та.

Ра́дуйся, Нико́лае, вели́кий Чудотво́рче.

Конда́к 7

Хотя́ богоху́льное ерети́ческое отгна́ти злосмра́дие, ми́ро вои́стину благово́нное, та́инственное яви́лся еси́, Нико́лае: лю́ди Мире́йския упа́сл еси́ и ве́сь ми́р свои́м благода́тным ми́ром испо́лнил еси́. И от на́с у́бо богоме́рзкое грехо́вное злосмра́дие отжени́, да благоприя́тно Бо́гу вопие́м: Аллилу́иа.

И́кос 7

Но́ваго тя́ Но́я, наста́вника ковче́га спаси́тельнаго разуме́ем, о́тче святы́й Нико́лае, бу́рю все́х лю́тых разгоня́ющаго направле́нием свои́м, тишину́ же Боже́ственную принося́щаго вопию́щим такова́я:

Ра́дуйся, обурева́емых ти́хое приста́нище; ра́дуйся, утопа́ющих изве́стное храни́лище.

Ра́дуйся, пла́вающих посреде́ пучи́н до́брый ко́рмчий; ра́дуйся, треволне́ния морска́я уставля́ющий.

Ра́дуйся, превожде́ние су́щих в ви́хрех; ра́дуйся, согре́яние су́щих во мра́зех.

Ра́дуйся, сия́ние, ско́рбный мра́к разгоня́ющее; ра́дуйся, свети́ло, вся́ концы́ земли́ просвеща́ющее.

Ра́дуйся, от бе́здны грехо́вныя челове́ки избавля́яй; ра́дуйся, в бе́здну а́дскую сатану́ вверга́яй.

Ра́дуйся, я́ко тобо́ю дерзнове́нно бе́здну милосе́рдия Бо́жия призыва́ем; ра́дуйся, я́ко тобо́ю от пото́па гне́ва изба́вльшеся, ми́р с Бо́гом обрета́ем.

Ра́дуйся, Нико́лае, вели́кий Чудотво́рче.

Конда́к 8

Стра́нное чу́до явля́ется притека́ющим к тебе́, блаже́нне Нико́лае, свяще́нная твоя́ це́рковь: в не́й бо и ма́лое моле́ние принося́ще, ве́лиих неду́гов прие́млем исцеле́ние, а́ще то́кмо по Бо́зе упова́ние на тя́ возложи́м, ве́рно вопию́ще: Аллилу́иа.

И́кос 8

Ве́сь еси́ все́м вои́стину помо́щник, богоно́се Нико́лае, и собра́л еси́ вку́пе вся́ прибега́ющия к тебе́, я́ко свободи́тель, пита́тель и вра́ч ско́рый все́м земны́м, на похвалу́ все́х подвиза́я вопи́ти к тебе́ си́це:

Ра́дуйся, вся́ких исцеле́ний исто́чниче; ра́дуйся, лю́те стра́ждущим помо́щниче.

Ра́дуйся, заре́, сия́ющая в нощи́ грехо́вней блужда́ющим; ра́дуйся, росо́ небото́чная в зно́и трудо́в су́щим.

Ра́дуйся, подава́яй тре́бующим благострое́ние; ра́дуйся, уготовля́яй прося́щим изоби́лие.

Ра́дуйся, мно́гажды проше́ние предваря́яй; ра́дуйся, ста́рым седи́нам си́лу обновля́яй.

Ра́дуйся, мно́гих заблу́ждших от пути́ и́стиннаго обличи́телю; ра́дуйся, та́ин Бо́жиих ве́рный служи́телю.

Ра́дуйся, я́ко тобо́ю за́висть попира́ем; ра́дуйся, я́ко тобо́ю благонра́вное житие́ исправля́ем.

Ра́дуйся, Нико́лае, вели́кий Чудотво́рче.

Конда́к 9

Вся́кия утоли́ боле́зни, вели́кий на́ш засту́пниче Нико́лае, растворя́я благода́тная врачева́ния, услажда́ющая ду́ши на́ша, сердца́ же веселя́щая все́х усе́рдно к по́мощи твое́й притека́ющих, Бо́гу же вопию́щих: Аллилу́иа.

И́кос 9

Вити́я суему́дренныя нечести́вых ви́дим тобо́ю посра́мленныя, богому́дре о́тче Нико́лае: А́рия бо ху́льника, разделя́юща Божество́, и Саве́ллия, смеша́юща Святу́ю Тро́ицу, препре́л, на́с же во Правосла́вии укрепи́л еси́. Сего́ ра́ди вопие́м ти́ си́це:

Ра́дуйся, щи́те, защища́яй благоче́стие; ра́дуйся, мечу́, посеца́яй злоче́стие.

Ра́дуйся, учи́телю Боже́ственных веле́ний; ра́дуйся, губи́телю богопроти́вных уче́ний.

Ра́дуйся, ле́ствице, Бо́гом утвержде́нная, е́юже восхо́дим к Небеси́; ра́дуйся, покро́ве, Бо́гом зда́нный, и́мже покрыва́ются мно́зи.

Ра́дуйся, нему́дрых умудри́вый твои́ми словесы́; ра́дуйся, лени́вых подви́гнувый твои́ми нра́вы.

Ра́дуйся, све́тлосте за́поведей Бо́жиих неугаси́мая; ра́дуйся, луче́ оправда́ний Госпо́дних пресве́тлая.

Ра́дуйся, я́ко уче́нием твои́м сокруша́ются ерети́ческия главы́; ра́дуйся, я́ко тобо́ю ве́рнии сподобля́ются сла́вы.

Ра́дуйся, Нико́лае, вели́кий Чудотво́рче.

Конда́к 10

Спасти́ хотя́ ду́шу, пло́ть твою́ ду́хови покори́л еси́ вои́стину, о́тче на́ш Нико́лае: молча́ньми бо пре́жде и боре́ньми с по́мыслы, дея́нию богомы́слие приложи́л еси́, богомы́слием же ра́зум соверше́н стяжа́л еси́, и́мже дерзнове́нно с Бо́гом и А́нгелы бесе́довал еси́, всегда́ вопия́: Аллилу́иа.

И́кос 10

Стена́ еси́ похваля́ющим, преблаже́нне, чудеса́ твоя́ и все́м к заступле́нию твоему́ прибега́ющим; те́мже и на́с, в доброде́тели убо́гих, от нищеты́, напа́сти, неду́гов и ну́жд разли́чных свобожда́й, вопию́щих ти́ с любо́вию такова́я:

Ра́дуйся, от убо́жества ве́чнаго изыма́яй; ра́дуйся, бога́тство нетле́нное подава́яй.

Ра́дуйся, бра́шно неги́блющее а́лчущим пра́вды; ра́дуйся, питие́ неисчерпа́емое жа́ждущим жи́зни.

Ра́дуйся, от мяте́жа и бра́ни соблюда́яй; ра́дуйся, от у́з и плене́ния свобожда́яй.

Ра́дуйся, пресла́вный в беда́х засту́пниче; ра́дуйся, превели́кий в напа́стех защи́тниче.

Ра́дуйся, мно́гих от поги́бели исхи́тивый; ра́дуйся, безчи́сленных неврежде́нно сохрани́вый.

Ра́дуйся, я́ко тобо́ю лю́тыя сме́рти гре́шнии избега́ют; ра́дуйся, я́ко тобо́ю жи́знь ве́чную ка́ющиися получа́ют.

Ра́дуйся, Нико́лае, вели́кий Чудотво́рче.

Конда́к 11

Пе́ние Пресвяте́й Тро́ице па́че ины́х прине́сл еси́, преблаже́нне Нико́лае, умо́м, сло́вом и де́лом: мно́гим бо испыта́нием правове́рная повеле́ния уясни́л еси́, ве́рою, наде́ждою и любо́вию наставля́я на́с в Тро́ице Еди́ному Бо́гу воспева́ти: Аллилу́иа.

И́кос 11

Светоза́рную лучу́ во мра́це жития́ су́щим неугаси́мую ви́дим тя́, Бо́гом избра́нне о́тче Нико́лае: с невеще́ственными бо а́нгельскими све́ты бесе́дуеши о несозда́нном Тро́ическом Све́те, ве́рных же ду́ши просвеща́еши, вопию́щих ти́ такова́я:

Ра́дуйся, озаре́ние Трисо́лнечнаго Све́та; ра́дуйся, денни́це незаходи́маго Со́лнца.

Ра́дуйся, свеще́, Боже́ственным пла́менем возжже́нная; ра́дуйся, я́ко угаси́л еси́ бесо́вский пла́мень нече́стия.

Ра́дуйся, све́тлое правове́рия пропове́дание; ра́дуйся, доброзра́чное све́та ева́нгельскаго сия́ние.

Ра́дуйся, мо́лние, е́реси пожига́ющая; ра́дуйся, гро́ме, устраша́ющий соблазня́ющия.

Ра́дуйся, и́стиннаго научи́телю ра́зума; ра́дуйся, та́инственнаго изъяви́телю ума́.

Ра́дуйся, я́ко тобо́ю попра́ся поклоне́ние тва́ри; ра́дуйся, я́ко тобо́ю научи́хомся покланя́тися Творцу́ в Тро́ице.

Ра́дуйся, Нико́лае, вели́кий Чудотво́рче.

Конда́к 12

Благода́ть, да́нную ти́ от Бо́га, све́дущии, ра́дующеся, твою́ па́мять пра́зднуем по до́лгу, пресла́вный о́тче Нико́лае, и к чу́дному заступле́нию твоему́ вседу́шно притека́ем; пресла́вных же твои́х дея́ний, я́ко песка́ морска́го и мно́жества зве́зднаго исчести́ не могу́ще, недоуме́нием объя́ти бы́вше, вопие́м к Бо́гу: Аллилу́иа.

И́кос 12

Пою́ще твоя́ чудеса́, восхваля́ем тя́, всехва́льне Нико́лае: в тебе́ бо Бо́г, в Тро́ице прославля́емый, ди́вно просла́вися. Но а́ще и попремно́гу соста́вленныя от души́ псалмы́ и пе́сни прино́сим ти́, Чудотво́рче святы́й, ничто́же твори́м ра́вно дарова́нию чуде́с твои́х, и́мже удивля́ющеся, вопие́м к тебе́ такова́я:

Ра́дуйся, Царя́ ца́рствующих и Го́спода госпо́дствующих служи́телю; ра́дуйся, служи́телей Его́ небе́сных сожи́телю.

Ра́дуйся, лю́дем ве́рным поможе́ние; ра́дуйся, ро́да христиа́нскаго возвыше́ние.

Ра́дуйся, побе́ды тезоимени́тый; ра́дуйся, венцено́сче наро́читый.

Ра́дуйся, все́х доброде́телей зерца́ло; ра́дуйся, все́х притека́ющих к тебе́ кре́пкое забра́ло.

Ра́дуйся, по Бо́зе и Богоро́дице, все́ на́ше упова́ние; ра́дуйся, теле́с на́ших здра́вие и ду́ш спасе́ние.

Ра́дуйся, я́ко тобо́ю от ве́чныя сме́рти свобожда́емся; ра́дуйся, я́ко тобо́ю безконе́чныя жи́зни сподобля́емся.

Ра́дуйся, Нико́лае, вели́кий Чудотво́рче.

Конда́к 13

Опресвяты́й и пречу́дный о́тче Нико́лае, утеше́ние все́х скорбя́щих, ны́нешнее на́ше приими́ приноше́ние и от гее́нны изба́витися на́м Го́спода умоли́ богоприя́тным твои́м хода́тайством, да с тобо́ю воспева́ем: Аллилу́иа.

Этот конда́к читается трижды, затем и́кос 1 и конда́к 1.

И́кос 1

А́нгела о́бразом, земна́го су́ща естество́м, яви́ тебе́ всея́ тва́ри Созда́тель: благопло́дную бо добро́ту души́ твоея́ прови́дев, преблаже́нне Нико́лае, научи́ все́х вопи́ти тебе́ си́це:

Ра́дуйся, от утро́бы ма́терния очище́нный; ра́дуйся, да́же до конца́ освяще́нный.

Ра́дуйся, рожде́нием свои́м роди́телей удиви́вый; ра́дуйся, си́лу душе́вную а́бие по рождестве́ яви́вый.

Ра́дуйся, са́де земли́ обетова́ния; ра́дуйся, цве́те Боже́ственнаго сажде́ния.

Ра́дуйся, лозо́ доброде́тельная виногра́да Христо́ва; ра́дуйся, дре́во чудото́чное рая́ Иису́сова.

Ра́дуйся, кри́не ра́йскаго прозябе́ния; ра́дуйся, ми́ро Христо́ва благоуха́ния.

Ра́дуйся, я́ко тобо́ю отго́нится рыда́ние; ра́дуйся, я́ко тобо́ю прино́сится ра́дование.

Ра́дуйся, Нико́лае, вели́кий Чудотво́рче.

Конда́к 1

Возбра́нный Чудотво́рче и изря́дный уго́дниче Христо́в, ми́ру всему́ источа́яй многоце́нное ми́лости ми́ро и неисчерпа́емое чуде́с мо́ре, восхваля́ю тя́ любо́вию, святи́телю Нико́лае; ты́ же, я́ко име́яй дерзнове́ние ко Го́споду, от вся́ких мя́ бе́д свободи́, да зову́ ти́:

Ра́дуйся, Нико́лае, вели́кий Чудотво́рче.

Моли́тва пе́рвая

О всесвяты́й Нико́лае, уго́дниче преизря́дный Госпо́день, те́плый на́ш засту́пниче и везде́ в ско́рбех ско́рый помо́щниче! Помози́ ми́, гре́шному и уны́лому, в настоя́щем се́м житии́, умоли́ Го́спода Бо́га дарова́ти ми́ оставле́ние все́х мои́х грехо́в, ели́ко согреши́х от ю́ности моея́, во все́м житии́ мое́м, де́лом, сло́вом, помышле́нием и все́ми мои́ми чу́вствы; и во исхо́де души́ моея́ помози́ ми́, окая́нному, умоли́ Го́спода Бо́га всея́ тва́ри Соде́теля, изба́вити мя́ возду́шных мыта́рств и ве́чнаго муче́ния: да всегда́ прославля́ю Отца́, и Сы́на, и Свята́го Ду́ха, и твое́ ми́лостивное предста́тельство, ны́не и при́сно и во ве́ки веко́в. Ами́нь.

Моли́тва втора́я

О всеблаги́й о́тче Нико́лае, па́стырю и учи́телю все́х, ве́рою притека́ющих ко твоему́ заступле́нию и те́плою моли́твою тебе́ призыва́ющих! Ско́ро потщи́ся и изба́ви Христо́во ста́до от волко́в губя́щих е́; и вся́ку страну́ христиа́нскую огради́ и сохрани́ святы́ми твои́ми моли́твами от мирска́го мяте́жа, тру́са, наше́ствия иноплеме́нников и междоусо́бныя бра́ни, от гла́да, пото́па, огня́, меча́ и внеза́пныя сме́рти. И я́коже поми́ловал еси́ трие́х муже́й, в темни́це седя́щих, и изба́вил еси́ и́х от царе́ва гне́ва и посече́ния ме́чнаго, та́ко поми́луй и мене́, умо́м, сло́вом и де́лом во тме́ грехо́в су́ща, и изба́ви мя́ гне́ва Бо́жия и ве́чныя ка́зни. Я́ко да твои́м хода́тайством и по́мощию, Свои́м же милосе́рдием и благода́тию, Христо́с Бо́г ти́хое и безгре́шное житие́ да́ст ми́ пожи́ти в ве́це се́м, и изба́вит мя́ от шу́ияго стоя́ния, сподо́бит же десна́го со все́ми святы́ми во ве́ки веко́в. Ами́нь.

Текст акафиста имеет официальное церковное благословение.