«Молитвы в телесных недугах» kitobidan iqtiboslar
моще́й твои́х и твоея́ по́мощи и заступле́ния тре́бующим неоску́дныя ми́лости незави́стно подава́яй, не оста́ви и нас, си́рых и безпо́мощных, тебе́ моля́щихся, избавля́я от вся́кия ско́рби, гне́ва и ну́жды, от гла́да, губи́тельства, тру́са, пото́па, огня́, меча́, наше́ствия иноплеме́нник и междоусо́бныя бра́ни
Небе́сных во́инств Архистрати́зи, мо́лим вас при́сно мы недосто́йнии, да ва́шими моли́твами огради́те нас кро́вом крил невеще́ственныя ва́шея сла́вы, сохраня́юще ны, припа́дающия приле́жно и вопию́щия: от бед изба́вите ны, я́ко чинонача́льницы Вы́шних сил
Я́ко врача́ всеизря́дна и моли́твенника благоприя́тна, к ра́це твое́й притека́юще, Сампсо́не богому́дре преподо́бне, соше́дшеся любо́вию, псалмы́ и пе́сньми, ра́дующеся, Христа́ прославля́ем, такову́ю тебе́ благода́ть подава́юща исцеле́ний.
Бо́жиею укрепля́яся, мужественно потруди́лся еси́ на по́льзу оби́тели твоея́, ку́пно же и про́тиву враго́в Правосла́вия и благоче́стия христиа́нскаго. И наста́вив сицево́му ополче́нию и́ночествующих, победи́тели тех предста́вил еси́ Влады́це своему́ и Бо́гу. Того́ моли́ спасти́ся душа́м на́шим
Ми́ром благода́ти пома́зан, преблаже́нне о́тче Ермола́е, иере́й Бо́га Вы́шняго яви́лся еси́ и благоче́стия све́тлый пропове́дник, му́ченик же тве́рдый и безме́здный врач притека́ющих к тебе́. Сла́ва Да́вшему тебе́ кре́пость, сла́ва Венча́вшему тя, сла́ва Де́йствующему тобо́ю всем исцеле́ния
Го́споди, сотвори́, что́бы боле́знь эта была́ в очище́ние мно́гих мои́х грехо́в. Влады́ко Го́споди, я в рука́х Твои́х, поми́луй меня́ по во́ле Твое́й и, е́сли мне поле́зно, исцели́ меня́ вско́ре. Досто́йное по дела́м мои́м прие́млю; помяни́мя, Го́споди, во Ца́рствии Твое́м! Сла́ва Бо́гу за все
Вознося́ славосло́вие Триеди́ному Бо́гу, ты моли́твенно взыва́л: «И́мя Тебе́ – Любо́вь: не отве́ргни меня́ заблужда́ющагося; И́мя Тебе́ – Си́ла: укрепи́ меня́ изнемога́ющаго и па́дающаго; И́мя Тебе́ – Свет: просвети́ ду́шу мою́, омраче́нную жите́йскими страстя́ми; И́мя Тебе́ – Мир: умири́ мяту́щуюся ду́шу мою́. И́мя Тебе́ – Ми́лость: не перестава́й ми́ловать меня́». Ны́не благода́рная твоему́ предста́тельству всеросси́йская па́ства мо́лится тебе́: Христоимени́тый и пра́ведный уго́дниче Бо́жий!
Возсия́ от спу́да земна́го сокро́вище нетле́нное моще́й твои́х, уго́дниче Бо́жий, я́ко, благоче́стно пожи́в в ве́ре Христа́ Бо́га на́шего, дости́гл еси́ доброде́телей соверше́нства, и, оста́вив сла́дость жития́ преходя́щаго, в пеще́ре горы́ Поча́евския в поще́ниих, моли́твах и труде́х свя́то подвиза́лся еси́, и те́ми те́ло твое́ увя́дил еси́
Му́ченик Твой, Го́споди, Три́фон во страда́нии свое́м вене́ц прия́т нетле́нный от Тебе́, Бо́га на́шего: име́яй бо кре́пость Твою́, мучи́телей низложи́, сокруши́ и де́монов немощны́я де́рзости. Того́ моли́твами спаси́ ду́ши на́ша.
Правосла́вныя ве́ры побо́рниче, земли́ Росси́йския печа́льниче, па́стырем пра́вило и о́бразе ве́рным, покая́ния и жи́зни во Христе́ пропове́дниче, Боже́ственных Та́ин благогове́йный служи́телю и дерзнове́нный о лю́дех моли́твенниче, о́тче пра́ведный Иоа́нне, цели́телю и преди́вный чудотво́рче, гра́ду Кроншта́дту похвало́ и Це́ркве на́шея украше́ние, моли́ Всеблага́го Бо́га умири́ти мир и спасти́ ду́ши на́ша.
