Kitobni o'qish: «Акафист Пресвятой Богородице перед иконой Ее «Неупиваемая Чаша»»

Сборник

Shrift:

* * *

Акафист
Пресвятой Богородице перед иконой Ее «Неупиваемая Чаша»

Кондак 1

Изря́дное и ди́вное вспоможе́ние нам дарова́ся, образ Твой честны́й, Богоро́дице Де́во, яко изба́вльшеся явле́нием его́ неду́гов душе́вных и теле́сных и ско́рбных обстоя́ний, благода́рныя хвалы́ прино́сим Ти, Всеми́лостивая Засту́пнице. Ты же, Госпоже́ приклони́ся благоутро́бно к на́шим воздыха́нием и во́плем серде́чным, и исцеле́ние пода́ждь стра́ждущим, да с ве́рою воззове́м Ти:

Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.

Икос 1

Ангельстии чи́ни и пра́ведников со́нми непреста́нно сла́вят Тя, Цари́цу Богоро́дицу, Хода́таицу о ро́де челове́честем, в беззако́ниих погруже́ннем и во гресе́х пребыва́ющем, да́руеши бо нам во утеше́ние и спасе́ние ми́лость Свою́ чрез чудотво́рныя ико́ны Твоя́ ихже, яко зве́зды небе́сныя, по всей земли́ на́шей зрим. Ко еди́ному же от сих образо́в, Неупива́емая Ча́ша имену́емому, припа́дающе, из глубины́ се́рдца взыва́ем Ти:

Ра́дуйся, непристу́пнаго Божества́ селе́ние; ра́дуйся, непреста́нное челове́ков удивле́ние.

Ра́дуйся, скорбьми́ грехи́ на́ша очища́ющая; ра́дуйся, печа́льми на́ша не́мощи врачу́ющая.

Ра́дуйся, ми́лость Свою́ нам свы́ше посыла́ющая; ра́дуйся, ско́рбная сердца́ на́ша веселя́щая.

Ра́дуйся, пречу́дное всех с Бо́гом примире́ние; ра́дуйся, му́ки ве́чныя изве́стное избавле́ние.

Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.

Bepul matn qismi tugad.