Kitobni o'qish: «Пробуждение. Стихотворения и поэмы / Уһуктуу»

* * *

© Михаил Иванов, текст, 2025

© Юрий Щербаков, перевод, 2025

© Союз писателей России, 2025

© Анна Головина, Верстка, 2025

Тиийиэм этэ

 
Ханна сүттэ мин Чуонам,
Күлүмүрдүү устубат?
Тоҕо суоҕуй Туой Хайам,
Көстөөх сиртэн көстүбэт?
 
 
Дойдум баара буоллар ньии
Дьоһун буолуо этэ дии,
Кэлиэм этэ биирдэ мин
Ахтылҕаммын сүгэммин.
 
 
Көрсүөм этэ бар дьоммун
Сэһэргэһэн чэпчээри,
Алгыс тылын ыламмын
Иҥэринэн илдьээри.
 
 
Тахсыам этэ үрдүккэ:
Түүлбэр көстөр Хайаҕа,
Ойдом турар күөх бэскэ
Оҕо сааспын ахтыһа.
 
 
Киириэм этэ тиэтэйэн
Чуонам уутун иһээри,
Сүүрүк лыҥкыр ырыатын,
Сүрэхпинэн истээри.
 
 
Сүүрүөм этэ кырдалга
Силбик сиигин силэйэн,
Кыырай тэбиэм кылыйа
Кулан кэммин эргитэн.
 
 
Тиийиэм этэ тэринэн
Төрүт дьонум өтөҕөр,
Сиэри – туому тутуһан
Сүгүрүйүөм төрүппэр…
 

Приехал бы

 
Куда пропала ты, моя Чуона?
Серебряный поток – теперь ручей.
Туой-Хая, пришёл к тебе с поклоном.
Но где же ты, село души моей?
 
 
Не ждёшь меня сегодня, словно прежде,
В далёкие прекрасные года,
Когда сюда стремился я в надежде:
Душой согреюсь – и пройдёт беда.
 
 
Где вы теперь, мои односельчане,
Лечившие сердечной добротой
Нежданные напасти и печали,
Рождённые бесцельной суетой?
 
 
Припасть бы к той сосне на крутосклоне
Не в сновиденьях, а при свете дня!
И детство босоногое догонит,
Мальчишкой снова сделает меня!
 
 
Сбежать бы вниз – к приветливой Чуоне,
Свидетельнице тех далёких дней,
Когда пил воду из её ладоней,
И ничего на свете нет вкусней!
 
 
Босые ноги в заповедных росах
Опять бы искупать в былом селе.
Сегодня память – мой незримый посох
В путях-дорогах по родной земле.
 
 
Приехал бы, да некуда… Гнездовье
Лихой судьбой разорено дотла.
Но родина немеркнущей любовью
К моей душе навеки приросла…
 

Эргэ дьыллыын арахсар түүҥҥэ

 
Эргэ дьыллыын арахсар түүҥҥэ
Тоҕо курус санаа киирэрий?
Сулустар уоттарын халлааҥҥа
Санньыар былыта кууһарый?
 
 
Эргэ дьыллыын арахсар түүҥҥэ
Атаарбыт эбиппин биир сылбын.
Көрөбүн тумарык быыһынан
Олоҕум уҥуоргу кытылын.
 
 
Эргэ дьыллыын арахсар түүҥҥэ
Мин үөрүүм, хомолтом барсаллар.
Кинилэр хайдахтаах да кэмҥэ
Олоҕум сорҕото буолаллар.
 
 
Эргэ дьыллыын арахсар түүҥҥэ
Ситиһиим, сыыстарыым мусталлар.
Ааспыты анаарар түгэҥҥэ
Алҕастар санаабын аймыыллар.
 
 
Эргэ дьыллыын арахсар түүҥҥэ
Эриэккэс иэйиилэр кэлэллэр.
Куһаҕан тимирэр үөдэҥҥэ,
Үчүгэй үрдүккэ күөрэйэр.
 
 
Эргэ дьыллыын арахсар түүҥҥэ
Саҥа хаар ааспыты бүрүйэр.
Араҥас сулуһум үөһэттэн
Аартыкпын сырдата чаҕыллар.
 

Когда прощаюсь со старым годом

 
Уходит старый год – приходит грусть,
И от неё избавишься едва ли.
А небосвод вечерний будто пуст —
Закрыты звёзды облаком печали.
 
 
Уходит старый год, и мне дано,
В грядущее неведомое веря,
Увидеть сквозь тумана полотно
И близкий, и далёкий новый берег.
 
 
Уходит старый год, а было в нём
И радостей, и горестей немало.
Но ни за что с любым минувшим днём
Я не расстанусь там, за перевалом.
 
 
Уходит старый год, а в новый год,
Как спутница моя войти готовясь,
Тяжёлый груз ошибок и забот
Нести с собою заставляет совесть.
 
 
«Уходит старый год, – твердит она, —
Но не гордись осиленным итогом.
Грядущим достиженьям – грош цена,
Коль злобу не оставишь за порогом!»
 
 
Уходит старый год – и ни следа
Пока что нет на снежном покрывале.
Скажи мне, путеводная звезда,
В конце дороги мы или в начале?
 

Күүтэбин көрсүһэр чааспытын

 
Өйдүүбүн, биир сайын ыраахтан —
Аан бастаан эйигин көрбүппүн,
 
 
Кыталык дьүөрэтэ таһааҕын —
Кэрэхсии одуулаан турбуппун.
 
 
Сүрэхпэр умсулҕан иэйиитин
Сахпыта арылхай хараҕыҥ,
 
 
Санньылҕан санаабын сырдатан
Суһумнуу оонньуура суһуоҕуҥ.
 
 
Эриирдээх, эндирдээх айантан
Элэйэр – сылайар кэмнэрбэр
 
 
Умайар сулуһум буолаҥҥын
Угуйа тыгарыҥ иннибэр.
 
 
Ыраата барбыккын сайыһан,
Тэбилик тирэҕим сүппүтэ,
 
 
Тумарык мөссүөҥҥүн суурайан,
Тулабар үрүҥ күн өспүтэ.
 
 
Дьыл-хонук аастаҕын аайытын
Эйиэхэ тардыһыым күүһүрэр,
 
 
Тапталтан талбаара тааламмын
Күүтэбин көрсүһэр чааспытын.
 

Жду встречи час

 
Любимая, то памятное лето
С тобою встречей для меня согрето.
 
 
Я пригвождён был к месту жарким взглядом,
И ничего на свете мне не надо,
 
 
Только б всегда глаза моей любимой
Рождали вдруг восторг неизъяснимый!
 
 
Только бы косы девичьи струились,
Моей душе оказывая милость!
 
 
Только б звездой заветною сияла
Ты для меня на трудных перевалах,
 
 
Одолевать их в жизни помогая!
Куда же ты пропала, дорогая?
 
 
Уехала нежданно без возврата…
Душа, что прежде так была крылата,
 
 
Блуждает в нескончаемом тумане,
Который обязательно обманет.
 
 
Мучительное и святое бремя
Любви моей несу я через время,
 
 
Мечтая страстно о великом чуде…
Жду встречи час, что непременно будет!
 

Саха балаҕана

 
Саханы Саха омук дэппит —
Туруорбах балаҕаны көрөбүн,
Халадаай ырбаахытын кэппит
Саха эмээхсинигэр холуубун.
 
 
Саха мааны эмээхсининии
Ыалдьыты сүрдээҕин кэтэһэр,
Баарынан-суоҕунан маанылыа —
Ол онтон дуоһуйан мичийэр.
 
 
Киһиэхэ эрэлин бэлиэтэ —
Хаһан да хатаммат халҕана,
Көмүлүөк аал уотун күлүмэ —
Сылаас сыһыанын сыдьаайа.
 
 
Саха балаҕана барахсан —
Аас-туор аргыарын кыйдыаҕа,
Сылайбыт-элэйбит айанньыт
Сынньаныа, сылаатын таһаарыа.
 
 
Кыһыҥҥы бытархан тымныыга
Тоҥмуту сылааһа ириэрэр,
Сайыҥҥы сыралҕан куйааска
Сөрүүн салгына имэрийэр.
 
 
Килэйэн-халайан дьэндэйбит
Күндү дыбарыас да буолбатар,
Хас саха сүрэҕин мэлдьитин
Иһирэх өйдөбүл манньытар.
 
 
Төһөлөөх элбэх үтүө дьон
Балаҕантан куорсун анньынан
Бар дьонун аатырдар аналлаах
Үрдүккэ көппүтэ буолуоҕай?
 
 
Саха сылаас балаҕаныгар
Баараҕай бокулуон уурабын,
Омугу омук гыммыт үтүөҕэр
Сахалыы махталбын этэбин.
 

Якутская избушка

 
Жил Саха-трудяга без дворцов.
Колыбель народа вековая —
Кажется, что выйдет на крыльцо
Из неё в старинном халадае¹
 
 
Бабушка моя… Её судьба —
Как судьба простых якутов дома:
Приютить готова всех изба
И друзей, и вовсе незнакомых.
 
 
Заходи любой на огонёк —
Нет замков внутри и нет снаружи!
Отогреет душу камелёк
И оборонит от лютой стужи!
 
 
Неказистая, а сколь тепла
В той избушке, что зовётся клетью!
Сколько же она людей спасла
От беды и смерти в лихолетье!
 
 
Для неё всегда служить добру —
Самая великая награда:
Выстоять в морозы, а в жару
Подарить заветную прохладу!
 
 
Не красоты терема-дворца,
А в избе заветные минуты
Сохраняют навсегда сердца
В благодарной памяти якутов!
 
 
Сколько их шагнуло за порог,
Избяным напутствием хранимы!
Не осилить множества дорог
Без духовной помощи незримой!
 
 
Сколько песен мой народ поёт
Об избе, что стала отчим кровом!
А сегодня просится в полёт
И моё восторженное слово!
 

Дьүкээбил дьиримин сөхпүтүм

 
Ардахтаах сиппэрэҥ күннэргэ
Анаабыр сиригэр кэлбитим,
Дьыбардаах күһүҥҥү киэһэҕэ
Дьүкээбил дьиримин сөхпүтүм.
 
 
Дьүкээбил уоттара умайан
Сулустар дьиэрэҥкэй тэптилэр,
Халлааммыт сабыыта арыллан
Көстөллөр тааллыбат дьиктилэр.
 
 
Дьүкээбил аллараа налыйан
Таптал Хайатын кууспалаата,
Сымнаҕас солколуу долгуйан
Суһумнуу, тэлимнии оонньоото.
 
 
Анаабыр сүүрүгэр суунаары
Таһымныыр чүөмпэҕэ умуста,
Уон араас өҥүнэн күлүмнээн
Уонна дьэ олуһун тубуста.
 
 
Бу маннык эриэккэс көстүүттэн
Уйулҕам олуһун долгуйда,
Мин санаам дьэрэкээн өҥнөнөн
Муҥутуур үрдүккэ күөрэйдэ.
 

Любовался северным сияньем

 
Я прилетел в осенний Анабар
В морозный и неповторимый вечер.
Необорима власть природных чар —
Сиянием небес был сразу встречен!
 
 
Не видел грандиозней полотна —
На нём, искрясь, переливались краски.
Как будто разноцветная волна
Их к звёздам подняла из дивной сказки!
 
 
Как этот шёлк небес неуловим!
Как трепетно волшебное созданье!
И вот уже над сопкою Любви
Заполыхало вечное Сиянье!
 
 
Оно заполонило Анабар,
И отразили медленные воды,
Как зеркала, его холодный жар,
Струящийся на реку с небосвода.
 
 
Когда одолевает суета,
С тех пор я одержим одним желаньем:
Из памяти явись, о, Красота!
Очисти душу северным сияньем!
 

Үөрбүтүм ийэбин үөрдэртэн

 
Бастакы булт сүдү үөрүүтүн,
Туохха да тэҥнэммэт иэйиитин,
Хаҥыл хаан оргуйар оонньуутун
Билбитим уон икки саастаахпар.
 
 
Аан бастаан ыалакы* бултааммын
Мунду күөл ферматын таһыттан.
«Дьоһуннаах булчуппун» умнаммын
Дьиэм диэки киһиргии сүүрбүтүм.
 
 
Үөрбүтүм – ийэккэм үөрүүттэн
Дьолломмут хараҕын көрөммүн,
«Оҕокком улааппыт» – диэн баран,
Сүүспүттэн сыллаан ылбытыттан.
 
 
Байанай бэлэҕин туппуппун
Өйдүүбүн, сүрэхтэн тахсыбат.
Ийэбин үөрдүбүт мин булпун
Ханнык да өлгөм булт солбуйбат.
 

Мамина радость

 
Восторгу моему пределов нет!
А подарил его охотничий обычай —
Ведь стать мужчиной и в двенадцать лет
Враз помогает первая добыча!
 
 
И вот она! У озера Мунду
Я подстрелил – о, счастье! – куропатку.
От радости великой не иду —
Лечу, бегу домой во все лопатки!
 
 
А мама разделила мой восторг,
Глаза её – что звёзды с небосвода!
– Как я горжусь, что взрослый мой сынок —
Теперь добытчик и кормилец рода!
 
 
Не сосчитать, сколь подарил потом
Мне байанай² добычи на охоте.
Но радость мамы – не забыть о том!
Ценней трофея в мире не найдёте!
 

Ньургуһун тылынна

 
Сир үрдэ сылыйан
Сандал саас сандаарда,
Садырыын халыйан
Харалдьык хараарда.
 
 
Тоҥ буору тобулан
Ньургуһун таҕыста,
Сырдыкка тардыһан
Күн диэки таласта.
 
 
Сарыалга куустаран
Сэргэхтик мичийдэ,
Сиккиэргэ ууратан
Кыбыстан тэтэрдэ.
 
 
Дьолуттан долгуйан
Нуоҕайа хамсаата,
Сибэкки тылынан
Истиҥник ыллаата.
 
 
Кырачаан үөрүүтэ,
Эдэр саас таптала,
Сүрэхпит иэйиитэ
Ньургуһун тылынна.
 

Расцвёл подснежник

 
Теплеет на груди земной —
Запахло в воздухе весной!
 
 
Не счесть её лихих шагов —
Проталин, лужиц, ручейков!
 
 
Уже подснежник тут как тут —
Пробился через мерзлоту,
 
 
Мечтая солнечную нить
Всю через стебель пропустить!
 
 
Розовощёкая заря
Поцеловала бунтаря.
 
 
Смутился было наш цветок,
Да ветерок ему помог,
 
 
Дыханьем свежим охладил
Волненья молодого пыл!
 
 
Несёт он гордо с вышины
Непобедимый гимн весны!
 
 
Цветёт подснежник – знать, в крови —
Зов обновленья и любви!
 
 
Весенней радости цветок,
В тебе души моей исток!
 

Дойдулуун көрсүһүү

 
Төрөөбүт дойдубун көрсөөру
Ыраахтан айаннаан мин кэллим.
Аар байҕал дойдубун мэҥиэстэн
Баар буолан ааспытын мэлдьэһэр.
 
 
Киэҥ далай күүгэннии оргуйан
Көбүөхтүүр, эҥсиллэр тыаһыгар
Кэрэгэй дьылҕалаах мин дойдум
Кэп туонар ырыатын истэбин.
 
 
Очумаас Туой Хайам арҕаһа
Олоххо тардыһыы бэлиэтэ.
Ордубут дойдубут биһиэхэ
Ыҥырар ытык сир кэриэтэ.
 
 
Былыттар ыанньыйа туоланнар
Бу үрдүк чыпчаалга мусталлар.
Санаалар былыттар буоланнар
Субуһан, наарданан усталлар.
 
 
Төһөлөөх элбэх дьон бу манна
Төлкөтүн түөрэҕэ түстэҕэ?!
Дойдутун сүтэрэн айманан
Үс кута ыһыллан бардаҕа?!
 
 
Харахпар элэҥнээн көстөллөр
Сиэдэрэй симэхтээх хочолор,
Кулгаахпар дьиэрэйэн иһиллэр
Дьоллоох дьон оһуохай тойуга.
 
 
Төрөөбүт дойдубар сырыттым
Ол онтон дуоһуйуу ылбатым.
Ардыгар дойдулуун көрсүһүү
Ыар санаа баттыга аргыстаах…
 

Встреча с родиной

 
Я побывал на родине моей,
Добравшись, как всегда, с большим трудом
Туда, где начинал свой путь, верней,
Туда, где прежде был родимый дом.
 
 
На этом месте пенится волна,
За ней другие катятся вдогон.
В их шум как будто песня вплетена,
Печали песня из былых времён.
 
 
Священная гора Туой-Хая —
Одна её вершина над водой.
И, чтоб ступить на землю предков, я
Плыву сейчас над горькою бедой.
 
 
Над этим бесприютным островком
Недаром тучи чёрные висят
Тяжёлые, как мысли о былом,
О том, что не вернуть его назад.
 
 
Землица благодатная навек
Искусственного моря стала дном.
И жизни дух утратил человек —
Теряешь всё, когда теряешь дом…
 
 
Непоправимый, неизбывный грех —
Лишить людей родимых очагов.
…Мне чудится опять сердечный смех
Счастливых, «допотопных» земляков.
 
 
Я побывал на родине моей.
Да, раньше окрылял такой визит.
А вот теперь уже немало дней
Тяжёлым камнем на душе лежит…
 

Чорооммут күөнүгэр көстөллөр

 
Хараарбыт чоруун мас чороонтон
Үйэлэр тыыннара илгийэр,
Аастыйбыт туманы нөҥүөлээн
Ааспыт кэм эҥсиэлэ иһиллэр…
 
 
Оһуорун-мандарын сэргээммин
Былыргы мындаатын көрөбүн,
Кырыалаах сахтарга тиийэммин
Өбүгэм мындырын сөҕөбүн.
 
 
Сэһэргиир, хас биирдии сурааһын,
Урааҥхай сахабыт олоҕун:
Киэҥ куйаар истиэптэн саҕалаан,
Дьүкээбил суһумар диэритин…
 
 
Чорооммут күөнүгэр көстөллөр:
Кыргыһыы кырыыстаах үйэтэ,
Таһымныыр үрэхтии кутуллар
Маанылаах аһылык – үүт илгэ.
 
 
Ыһыахпыт долгуйар туоната,
Оһуохай алгыстаах эргиирэ,
Олоҥхо хоһуйбут олоҕо,
Кэлиэхтээх кэрэмэс кэмнэрэ…
 
 
Чорооммут бэйэтин анала
Ыалдьыты маанылаан көрсөргө,
Сылайан-элэйэн кэлбиккэ
Кымыһы күндүлээн кутарга.
 
 
Чорооммут тэбилик тирэҕэ
Дьөһөгөй оҕотун туйаҕа —
Сахабыт боҕуйбат сүһүөҕэ,
Охтубат, кэхтибэт бэлиэтэ…
 

Древний чорон³

 
Почернел от старости чорон.
Чудится, что из него струится
Вещее дыхание времён,
Что листает древние страницы.
 
 
Ясно вижу на одной из них
Мастера великого, который
На чороне в заповедный миг
Сотворяет дивные узоры.
 
 
В тех узорах – каждый завиток —
Уранхайцев⁴ долгие скитанья,
Путь, что с юга жаркого пролёг
К северному нашему сиянью.
 
 
Те узоры – словно письмена
О счастливых и печальных битвах.
«Белым изобилием»⁵ полна,
Жизнь саха в узорах – как молитва!
 
 
Вижу радость ысыаха⁶ в них,
Заповедный круг осуохая⁷,
Олонхо⁸ бессмертные огни,
Где душа народная живая.
 
 
О, чорон, как сохранил в себе
Ты предназначения основу —
Быть добра носителем в судьбе
И кумысом угощать любого?
 
 
И сегодня ты служить готов
Для Саха народа славной чашей!
Память прокатившихся веков,
Символ веры в будущее наше!
 

Таптал күүһүгэр сүгүрүйэбин

 
Араҥас сулуһун көрөммүн
Номоҕу долгуйа саныыбын:
Үс ини-бии булчут хоһуунун,
Ньургуһун кэриэтэ кыысчааны.
 
 
Куһаҕан санаалаах хара күүс
Биир кэрэ кыысчааны аптаабыт,
Өлөрү утуйарга холообут
Булчут уол ол кыыһы таптаабыт.
 
 
Халлааҥҥа дабайан тахсаннар
Муус буолан чоҥкуччу тоҥмуттар,
Тоҥноллор даҕаны кинилэр
Таптал кэрэһитэ буолбуттар.
 
 
Кыыс кыыл таба талыыта буолан —
Түөрт көмүс туйаҕа – түөрт сулус.
Кэнниттэн сырсыбыт үс уолан —
Үс сулус буоланнар тоҥмуттар.
 
 
Араҥас сулуһун көрөммүн
Номоҕу мэлдьитин саныыбын,
Араҥас сулуһун сөҕөммүн
Таптал күүһүгэр сүгүрүйэбин.
 

Преклоняюсь перед силой любви

 
Большая Медведица в небе вечернем плывёт.
Об этом созвездии песню поёт мой народ.
 
 
Прекрасная дева встаёт из веков глубины.
Три брата-охотника были в неё влюблены.
 
 
Но в сердце красавица лишь одного приняла.
Другие на брата-счастливца не ведали зла.
 
 
Зато разъярился на девушку чёрный колдун —
Ему отказала невеста себе на беду.
 
 
Бежали влюблённые в небо на крыльях любви,
Да только настигло заклятие этих двоих.
 
 
Она оленихою стала… Четыре звезды
На небе ночном – то её золотые следы!
 
 
И суженый с братьями девушке не помогли,
Застыли навеки в холодной небесной дали.
 
 
Печальную песню они не дают забывать,
На небе ночном появляясь все вместе опять.
 
 
Влюблённых, Большая Медведица, благослови
Волшебною силой воистину вечной любви!
 

Галатеям буолаҕын

 
Мин эйиэхэ Пигмалиоммун,
Оттон эн Галатеям буолаҕын.
Күүтэбин, сүрэҕим тапталынан
Минньигэс иэйиинэн туолуоҕун.
 
 
Аан бастаан эн кэрэ мөссүөҥҥүн
Өйбөр оҥорон ойуулаатым,
Нохтоллоох сүрэхпэр сөҥөртүм,
Хайҕахтаах быарбар иҥэртим.
 
 
Ол онтон ситэҥҥин, тупсаҥҥын
Кубалыы кынтайан кылбаардыҥ,
Сибэкки кэриэтэ тыллаҥҥын
Сир үрдүн киэргэтэ сырдаттыҥ.
 
 
Чөмчүүк таас кэрэтин көрөммүн
Эйигин мин иэйиим чочуйда,
Өр күүппүт ырабын тутаммын
Сүрэҕим кутаалыы умайда.
 
 
Тапталтан дьолбутун булаары
Умнабыт күн бүппэт түбүгүн,
Халлаантан сулуһу тутаары
Билиммэт курдукпут үрдүгүн.
 
 
Бу сиргэ мэлдьитин хас уолан
Бэйэтин Галатеятын көрдүөҕэ,
Таптал, ымыы чыычааҕа буолан,
Сир үрдүн кэрийэ көтүөҕэ.
 

Ты – моя Галатея

 
Я, как Пигмалион,
Всю жизнь ждал Галатею:
Она взойдёт на трон
И сердцем завладеет!
 
 
Как скрашивал мне дни
Тот образ не случайный!
И я его хранил,
Словно святую тайну!
 
 
Тот образ расцветал
В моём воображенье:
Всё ярче красота
Не с каждым ли мгновеньем?
 
 
Над силою любви
Любой закон не властен!
Тебя я оживил,
Моё земное счастье!
 
 
Сбываются мечты,
Когда поверишь в чудо!
Если захочешь ты,
Звезду с небес добуду!
 
 
Страдая и любя,
Вершите жизнь смелее!
И каждый для себя
Создайте Галатею!
 

Ийэкээм түннүгэ

 
Тоҥ былыт айманар айанын
Холуубун олоҕум сүүрүгэр,
Сыл-хонук аастаҕын аайытын
Ийэбин саныырым күүһүрэр.
 
 
Саныыбын сүрэҕим долгуйа
Күн тэҥэ сыдьаайар киһибин,
Кып – кыра оҕочоон саастарга
Дуулаҕа дурдабын-хаххабын.
 
 
Тэйэрим алаһа дьиэбиттэн
Дьылҕа Хаан ыйааҕар ыйдаран,
Ыраахха диэритин түннүктэн
Одуулуу хааларыҥ атааран.
 
 
Сылайан-элэйэн кэлэрбэр,
Харыс да тэйбэтэх кэриэтэ,
Сып-сылаас мичээрдээх, түннүккэр,
Турарыҥ эн уолгун кэтэһэ.
 
 
Билигин эн суоххун бу сиргэ —
Бэйэм да балачча сааһырдым,
Үгүс хаар кыырпаҕа бүрүйэн —
Аастыйда хап-хара баттаҕым.
 
 
Ол дьиэҕэ атын ыал олорор,
Түннүктэр тоҥуйдук көрөллөр.
Тумаҥҥа саспыты өйдөтөр
Аар хатыҥ суугуна иһиллэр.
 
 
Ийэкээм түннүгэ билигин
Киэҥ халлаан барыта буоллаҕа,
Үөһээҥҥи дойдуттан, бу миигин,
Арчылаан харыстыы турдаҕа…
 

Мамино окно

 
О, жизнь моя, ты – вечное движенье,
Как облака в небесной глубине.
Но с каждым улетающим мгновеньем
Всё чаще мама в душу смотрит мне…
 
 
С той самой всепрощающей улыбкой,
С которою, наверное, она
Склонялась над моей когда-то зыбкой
И баловала сына-шалуна.
 
 
И с этою улыбкой знакомой,
За нею пряча горькую слезу,
Сколь раз потом ей провожать из дома
Меня пришлось в житейскую грозу!
 
 
Я возвращался, и она встречала
С улыбкою заветной всё равно!
Моей судьбы основа и начало —
Любимой мамы вечное окно.
 
 
Проходят годы быстрой чередою,
И волосы, что гладила она,
Давно уже покрылись сединою.
А из того знакомого окна
 
 
Глядят теперь уже другие лица.
Чужие люди в мой заходят дом…
И лишь берёза старая клонится,
Грустя листочком каждым о былом.
 
 
Окно для мамы, верю я, отныне —
Во весь необозримый небосвод.
И в горнем мире думая о сыне,
Она меня, как прежде, бережёт…
 

Сайыны ахтабын

 
Кырыалаах кыһыҥҥы киэһэҕэ
Куоракка таас дьиэбэр олорон,
Саймаархай салгыннаах кэмнэри —
Сайыны олуһун ахтабын.
 
 
Ахтабын чаҕылҕан дапсыырын,
Аҕырым сардырҕас кыымнарын,
Этиҥмит модуннук сүллэрин,
Эдэрдии сүрэҕим кыынньарын.
 
 
Ахтабын курулас ардахха
Арыллан хантайан турарбын,
Тиэргэҥҥэ халыйбыт чалбахха
Сиэмминиин хараабыл ыытарбын.
 
 
Ахтабын былыттар ыһыллан
Аалай күн кылбайан тахсарын,
Айылҕа ол онтон уһуктан,
Аттыбар көй чыычаах ыллыырын.
 

Скучаю о лете

 
Порой зимой в квартире городской,
Где за окном ненастный вечер стынет,
Я думаю с печалью и тоской
О летней нескончаемой теплыни.
 
 
А как же в этот час не тосковать
По вспышкам молний над родимым домом?
Готово сердце застучать опять
Как будто в унисон раскатам грома!
 
 
Хочу, как в детстве, бегать босиком!
Как надоела эта злая стужа!
Под благодатным дождиком вдвоём
С весёлым внуком перемерим лужи!
 
 
И вдруг увидим: солнце из-за туч
Прохожему любому, словно другу,
Протягивает свой заветный луч!
…А, вроде, за окном притихла вьюга?
 

Куччугуй Ботуобуйа

 
Куччугуй Ботуобуйа үрэҕэр
Олус да үчүгэй буолара
Сайыҥҥы нуһараҥ киэһэҕэ
Сүүрүктэр сипсиһэр кэмнэрэ.
 
 
Килбик кыыс кэриэтэ сэмээрдик
Күлүмнэс уулара усталлар,
Халлаантан сулустар түһэннэр
Хараарар чүөмпэҕэ умсаллар.
 
 
Туус маҥан хатыҥнар киирэннэр
Кытылга сэлэһэ тураллар,
Будьурхай баттахтаах иирэлэр
Уу кырсын сэрэнэн бигииллэр.
 
 
Киэһээҥҥи сарыалга куустаран
Кытылга эдэр саас дьаарбайар.
Туолбут ый суолугар уйдаран
Таптаһар сүрэхтэр булсаллар.
 
 
Куччугуй Ботуобуйа үрэҕэр —
Эдэр кэм эриэккэс түгэнэ!
Эргий дуу сылааскын сыдьаайан,
Санньыйбыт санаабын сырдатан.
 

Малая Ботуобия

 
Малая Ботуобия,
Встрече с тобою я рад.
Трогает волны речные
Ласковый летний закат.
 
 
Звёзды срываются с неба,
Чтобы украсить тебя!
Скромница-речка, и мне бы
Жить, ни о чём не скорбя,
 
 
Словно берёзки-сестрицы
На золотом берегу.
Жаль, над тобою склониться
Ивушкой я не могу.
 
 
Малая Ботуобия.
Лучшие годы мои.
Только сегодня другие
Здесь говорят о любви.
 
 
Ведомо каждое слово
Этой заветной волне.
Юность, вернёшься ли снова
Хоть на мгновенье ко мне?
 

Суоллар

 
Саҥа суол иннибэр тыргыллар
Сылдьыбатах айаммар ыҥыран.
Суоллар элбэҕи да билэллэр,
Элбэҕи биһиэхэ кэпсииллэр.
 
 
Оҕо сылдьан суоллары сөҕө,
Олохпор ханыылыы көрөрүм,
Охсуута суох, киэҥ, сырдык суолу
Олоҕум тутуһуон саныырым.
 
 
Хас киһи барыта хайаан да
Бастакы хардыытын оҥорор,
Айанын аартыгар үктэнэн
Анаммыт суолунан аттанар.
 
 
Биьиги дьылҕабыт айана
Эмиэ суол – түһүүлээх, тахсыылаах,
Эндирдээх да буолан ылааччы,
Эмискэ туораан да барааччы.
 
 
Аарыктаах айаным суолугар
Элбэх да сиринэн сырыттым.
Мин ырам ыҥырар уотугар —
Тиийэммин тохтоору сырыстым.
 
 
Ол уокка айаннаан кэлэбин —
Иннибэр атын уот угуйар,
Сылаабын отойун умнабын
Айаным өссө да салҕанар…
 

Дороги

 
Зовут меня дороги
В далёкие края.
Дорог на свете много,
И все – мои друзья!
 
 
Не сразу покорялась
Мне этой жизни суть.
Когда-то мне казалось,
Что лёгок каждый путь,
 
 
Что лишь шагнёшь с порога
В кипучие дела,
И каждая дорога —
Просторна и светла!
 
 
Пришло, как озаренье:
Дорога – что судьба!
Она – преодоленье
И вечная борьба
 
 
За тот огонь заветный,
Что светит впереди.
Он – не в дали крайсветной —
В твоей горит груди!
 
 
Открытие простое:
Иди всегда вперёд!
Ведь снова за мечтою
Дорога нас зовёт!
 

Айан ырыата

 
Эриэ дэхси суолунан
Элэҥнэтэн иһэбин,
Эндирдэри билиммэт
Эрэллээх тимир аппынан.
 
 
Элэс гынан ааһаллар
Элбэх араас көстүүлэр:
Эйимнэрдээх үрэхтэр,
Элгээннэрдээх хочолор.
 
 
Эйэҥнэспит талахтар
Эккирииргэ дылылар,
Эмдэй – сэмдэй хатыҥнар
Эһиэкэйдээн тэйэллэр.
 
 
Элэктэһэн ылаллар
Эгэлэйдиир көтөрдөр.
Эккирэтэр, арыаллыыр
Эйэҕэстэй кыһыл Күн.
 
 
Элэйбэккэ айаннааҥ
Эдэр – сэнэх эрдэххэ,
Эһигини күүтэллэр
Эҥин элбэх кэрэлэр.
 

Дорожная песня

 
Мой конь ретивый, созданный из стали,
Не хвастая, скажу: быстрее всех!
Летит он по широкой магистрали,
Не ведая препятствий и помех!
 
 
Какие перед ним лежат просторы!
Какая необъятная земля!
Поля степные, реки и озёра,
Холмы, пригорки и опять поля!
 
 
Какую зелень выпустил из почек
По рощам придорожным звонкий май!
И, кажется, берёзы вдоль обочин
Выплясывают свой осуохай!
 
 
Не перегнать мою машину птицам,
Но всё ж соревноваться норовят!
А в небе солнце радостью лучится,
С ним у души сегодня – полный лад!
 
 
Друзья мои, долой тоску, тревогу,
И лень, и нерешительность – долой!
За мною следом – в новую дорогу,
Пока ещё вы молоды душой!
 

Дорообо, кыһыҥҥы сарсыарда!

 
Дорообо, кыһыҥҥы сарсыарда!
Кэллиҥ эн, көм хаары оймооҥҥун,
Түүннүктэр таастарын кырыарда
Дьэрэкээн оһуору уураҥҥын.
 
 
Тыҥ хатар дьыбара дьааһыйан
Будулҕан туманы үрэйдэ,
Хара түүн суруйбут сэһэнин —
Кыыл суолун кыраһа бүрүйдэ.
 
 
Кыһыл күн сис үрдүн таарыйан
Наҕыллык күөрэйэн таҕыста,
Тумарык сабыытын быыһылаан
Сир иэнин симиктик сырдатта.
 
 
Көмнөҕү бүрүммүт бэс мастар
Кэриигэ тураннар нуктууллар,
Күөх лабаа киистэлэр быганнар
Кэлэр кэм сайынын саныыллар.
 
 
Сарсыарда кэлбитин уруйдаан
Тоҥсоҕой тоҥсуура дорулуур,
Нус – бааччы олоҕу туоһулаан
Үөлэспит унаарыйа буруолуур.
 

Здравствуй, зимнее утро!

 
Здравствуй, утро зимнее, задорное!
Столько ты снежинок принесло,
Что закрыло доверху узорное,
С росписью морозною стекло!
 
 
Ты ночную стужу огорошило,
Ледяной развеяло туман.
И следы зверья все запорошены
На груди охотничьих полян!
 
 
Заспанное солнышко румяное
Нехотя ползёт на небосвод.
Злобное, метельное, буранное
От него в сугробы заползёт,
 
 
Спрячется под елями и соснами.
В снежных шубах с головы до пят
Сладко грезит будущими вёснами
На лесной опушке их отряд!
 
 
Крепко спят колючие красавицы,
Дятел тратит понапрасну прыть!
Дым печной над крышей поднимается.
Здравствуй, утро! Продолжаем жить!
 

Оҕо сааспыт ардаҕа

 
Оҕо сааспыт ардаҕа
Отой атын курдуга,
Сайа охсон, санааҕа,
Салгынныын да ордуга.
 
 
Үрүйэчээн сыһыынан
Кылыгырыы сүүрэрэ,
Солко былыт быыһынан
Сайдам күммүт күлэрэ.
 
 
Ытыспытын тоһуйан
Таммах тута ооньуурбут,
Онтон олус дуоһуйан
Тутум үрдүүр буоларбыт.
 
 
Чалбааттана хаһыйан
Чалбах уутун ыһарбыт,
Күнү көрсө хайыһан
Кустук өҥүн көрөрбүт.
Оҕо сааспыт ардаҕа
Түргэнник да аастаҕа…
Саатар биирдэ эн кэлиий,
Сылам кэммин эргитиий!
 

Дожди детства

 
Детства босоногого дожди,
Кажется, особенными были.
Каждый дождик в душу находил
Путь-дорогу будто без усилий.
 
 
Как звенели новые ручьи —
Чище в жизни не слыхал вокала!
Разрывая облаков слои,
Солнце детвору благословляло!
 
 
Детство – это счастья берега!
Говорю сейчас не понарошку:
Как чудесно капли-жемчуга
Собирать в раскрытые ладошки!
 
 
Пробежать по лужам босиком,
Брызги золотые поднимая,
И глядеть туда, за окоём,
Где явилась радуга такая,
 
 
Что пером её не описать!
Только в сказках есть такое слово!
…Дождик за окном идёт опять,
Не похожий на дожди былого…
 

Мин үтүө санаалаах дьылҕабар

 
Мин үтүө санаалаах Дьылҕабар
Мэлдьитин махтана саныыбын:
 
 
Бу биирдэ бэриллэр олохпор
Билбиппэр Ийэ сир сыламын.
 
 
Алҕаһыыр, сыыстарар түгэммэр
Дьаһайа-дьарыйа тутара,
 
 
Атахпар эрэллик тирэнэр
Кыах биэрэн илиитин уунара.
 
 
Ардыгар атаахтаан ыларым —
Хайҕалга-мааныга тиксэрим,
 
 
Ол онтон аарыктаах айаным
Тэтимин уон оччо эбэрим.
 
 
Будулҕан тумаҥҥа мунаммын
Суолбуттан туорааммын барбатым,
 
 
Аартыкпар ыраахтан тыргыллар
Арчылыыр сулуспар сирдэттим.
 
 
Мин үтүө санаалаах Дьылҕабар
Баараҕай махталбын этэбин —
 
 
Бу биирдэ бэриллэр олохпор
Көрбүппэр күн сирин кэрэтин.
 

За всё, что совершается в судьбе

 
За всё, что совершается в судьбе,
Я благодарен, жизнь моя, тебе.
 
 
Ты в круговерти яростной земной
Всегда вела дорогою прямой.
 
 
Пускай подстерегала там беда —
Меня ты не бросала никогда.
 
 
И для меня надёжна и крепка
Твоя, на помощь скорая, рука.
 
 
Была не мачехой, а матерью родной!
Была и есть. И ты гордилась мной,
 
 
Когда народу пользу приносил,
Когда работал, не жалея сил,
 
 
Когда порой, ветрам наперекор,
Упрямо выбирался на простор.
 
 
И совесть путеводною звездой
Не гасла над нелёгкою стезёй.
 
 
О, жизнь моя, благодарю тебя
За то, что я, страдая и любя,
 
 
Свой оставляю в этом мире след
На той земле, родней которой нет!
 

Сааспыт кэллэ мичийэн

 
Барар кэмэ кэлбитин
Кыһын отой ылыммат,
Сылаас, тымныы көрсүһэн
Кииристилэр күөнтэһэн.
 
 
Туллук үөрэ кылбааран,
Мөккүөрдэрин быһааран,
Илдьэ барда кыһыны
Кынатыгар кыбытан.
 
 
Чыычаах ыллаан чугдаарар,
Сылаас кэми уруйдуур,
Оҕо аймах айманар,
Сыыртан түһэн айдаарар.
 
 
Үөрүү-көтүү үрдээтэ,
Күлүү-салыы элбээтэ,
Күнү кытта сиэттиһэн
Сааспыт кэллэ мичийэн
Кэллэ кини дохсуннук,
Хоһуун уоллуу омуннук —
Халыҥ хаары тэлэйэн,
Туман күөнүн силэйэн.
 
 
Кэрэ кыыстыы нарыннык,
Иһирэхтик, намыыннык
Сыһыыларын кэрийдэ,
Симэхтэрин бэрийдэ.
 
 
Сааскы салгын абылаан
Эдэр сүрэх аһыллан,
Таптал дьикти иэйиитэ
Сандал саастыын кэлистэ…
 

Пришла весна

 
Смириться бы зиме – былая власть ушла.
Смириться и уйти. Но зол старухи нрав!
И нескончаем бой – бой стужи и тепла,
Сражение снегов и пробуждённых трав!
 
 
Но вот и отступил, водою ставший лёд.
И снова мир пришёл в объятия земли.
Решающим в бою стал пуночек прилёт —
Они опять весну на крыльях принесли!
 
 
Для солнечных деньков пришла теперь пора,
Под небом голубым вновь птицам петь дано.
О лыжах и санях забыла детвора —
Ведь у неё других забав полным-полно!
 
 
И хлещет через край здесь радости волна,
Весёлой суетой не каждый ли согрет?
Ещё бы! С женихом весна обручена!
А краше жениха, чем божье солнце, – нет!
 
 
Что им, двоим, туман и потаённый снег!
Размечут над землёй любые облака!
У солнечной семьи счастливым будет век:
Пройдёт его она вот так – в руке рука
 
 
По тундре и тайге, по рощам и лугам,
Даря тепло и свет сердечно всем вокруг!
Чтоб полетела весть к далёким берегам:
Побеждена зима! Разбито царство вьюг!
 
 
Весна во всём права, и ей не прекословь —
Все настежь на земле распахнуты сердца!
…Поверим, что и к нам вернётся вновь любовь —
У счастья по весне не может быть конца!
 

Эргиллэн кэлээри

 
Сайыммыт, мунан дуу, төнүннэ,
«Дьахтар сайына» диэн ааттанан,
Сааһыран саһарбыт сөкүгэ
Умсаахтыыр күн уота саккыраан.
 
 
Суйдаммыт лабаалар өйдөнөн,
Үөрбүттүү далбаатаан ылаллар,
Тэлгэммит сэбирдэх өгдөҥнөөн,
Лыах буолан көтөөрү талаһар.
 
 
Оннооҕор ньургуһун сибэкки
Тыллыбыт сыһыыга иккиһин,
Одуулуур оҕолуу дьиктиргээн
Бу дьураал, кугдаархай сир иэнин.
 
 
Арай дьэ, үөрдүспүт кубалар,
Наҕыллык сапсынан ааһаллар,
Кэмсинэ барбакка кинилэр
Көһүтэр күөх дуолга ыксыыллар.
 
 
Билэллэр кубалар, билэллэр,
Күөх сайын букатын барбытын,
Көтөллөр кубалар, көтөллөр,
Эһиил саас эргиллэн кэлээри…
 

Отчего-то лето заблудилось

 
Отчего-то лето заблудилось,
Осенью вернулось наяву.
И лучи свои – скажи на милость —
Щедро льёт на жухлую траву.
 
 
Не у почки ли на ветке голой,
Как весною, набухает грудь?
Листья стайкой бабочек весёлых
Из-под ног пытаются вспорхнуть.
 
 
Расцвели подснежники на диво.
Кто их на цветенье окрылял?
И глядят по-детски сиротливо
На пустые, горькие поля.
 
 
Птицы – не цветы. Осенней драме
Их не провести, не обмануть.
Машут белоснежными крылами,
В южный край прокладывая путь.
 
 
Лебеди! Мудрей и благородней
Нету птиц в родимой стороне!
Знают: надо улететь сегодня,
Чтоб домой вернуться по весне!
 

Аар хатыҥ

 
Биир киэһэ дьаарбайа сылдьаммын
Бөһүөлэк килбэйэр киинигэр
Аар хатыҥ турарын көрүстүм,
Ааспыты ахтыстым кинилиин.
 
 
Аан бастаан билсиспит эбиппит
Түөрт уон сыл аннараа өттүгэр:
Эн – мааны хатыҥчаан үүннэриҥ,
Мин – эдэр устудьуон уол этим.
 
 
Үгүс да саҥыйах кэттэҕиҥ
Үрүҥ хаар үрдүгэр үллүктээн,
Силбиги – силлиэни биллэҕиҥ
Сэллээбэт ардахтар илитэн.
 
 
Барытын билиммэт кэриэтэ
Билигин да эн олус кэрэҕин,
Сайыммыт кэлбитин бэлиэтэ
Суһумнуур сиэдэрэй симэҕиҥ.
 
 
Күн уотун сарыала аан бастаан
Күөх солко лабааҕын сырдатар,
Кыыс курдук кыыһаҕын кыбыстан,
Кубалыы таһааныҥ куоҕайар.
 
 
Сиккиэр тыал эйиэхэ эйэргээн
Синньигэс биилгиттэн кууспалыыр,
Сэбирдэх сүрэхтии ибирдээн
Сып – сылаас иэйиигин туоһулуур.
 
 
Күлүккэр нап – нарын хахыйах
Күн диэки көтүөхтүү тардыһар,
Сылайбыт былыттар баттааннар
Сир диэки санньыйбыт эн лабааҥ.
 
 
Аар хатыҥ мэлдьитин чэчирээ,
Кырдьаҥҥын кэхтимэ хаһан да,
Бу сиргэ турарыҥ тухары
Ол эдэр устудьуон уол баар буолуо.
 

Белая берёза

 
Хоть говорят, что жизнь идёт по кругу,
Как оценить круговращенье дней?
В родном селе я повстречал подругу…
Когда же познакомились мы с ней?
 
 
Не сорок лет назад, когда студентом
Проведывал родимые края?
Я вижу, как на старой киноленте:
Вот юная берёзка, рядом – я.
 
 
О, сколько вьюг над нами пролетело!
Сколько дождей отмерили года!
Ты, может быть, и постарела телом,
А вот душой осталась молода!
 
 
Явило время трещины-морщины,
И гибкость потерял девичий стан.
Но тот же самый – модный и старинный —
Одела ты зелёный сарафан!
 
 
Игривый ветер шёлк его ласкает,
И ты опять как будто смущена.
Сегодня ты красивая такая,
Что загляделась на тебя весна!
 
 
Тянусь к тебе всем существом, родная!
Как без тебя прожил я столько лет?
Жаль только, не узнал и не узнаю,
Что шелестишь листвою мне в ответ.
 
 
Как прежде, к солнцу тянешь ветви-руки
Ты – и сестра, и спутница, и мать.
Наверно стоит долго быть в разлуке,
Чтоб эту мудрость вечную понять!
 
 
Живи, моя красавица, судьбою
Якутии, свой возраст не тая!
И рядом с ненаглядною тобою
Студентом юным вечно буду я.
 

Тымныы тыал эрийэр сиһигэр

1967 сыллаахха Туой Хая сэлиэнньэтэ, кини тулатынааҕы Чуона өрүһүн сирэ – дойдута барыта Бүлүү муората диэн ааттаммыт уу анныгар тимирдиллибитэ. Итини кэриэстээн, бу үтүө – мааны дойду тимирдиллибитэ 30 сылыгар, бу дойдуттан ордон хаалбыт Туой Хая оройугар Таас дьахтар памятнига туруоруллубута.

 
Тымныы тыал эрийэр сиһигэр,
Тулатын киэҥ байҕал иилээбит
 
 
Туой Хайа оройун үрдүгэр
Соҕотох Таас дьахтар тунаарар!
 
 
Түөһүгэр таҥара кириэһэ
Тахсар күн уотугар кылбайар,
 
 
Анныгар үөр сылгы кэриэтэ
Долгуннар дохсуннук харбыыллар.
 
 
Саҕаҕы одуулуур хараҕар
Саспыттар кутурҕан кыымнара,
 
 
Илиитэ халлааҥҥа харбаспыт,
Хаһыыта уолугар хаайтарбыт.
 
 
Баҕардар үҥэрэ буолаарай
Бар дьонун дьылҕатын арчылаан?!
 
 
Эбэтэр сулана ытатар
Суох буолбут дойдуга ахтылҕан?!
 
 
Төрөөбүт дойдуга ахтылҕан
Курустук сүрэххэ кутуллар,
 
 
Ньүөлүтэр амырыын ыарыытын
Тулуйбат оннооҕор таас сүрэх…
 

Есть остров посреди большой воды

Туой Хая – глиняная гора – название горы и села. Эта местность была затоплена в 1967 году в связи с открытием алмазной трубки «Мир» и строительством Вилюйской ГЭС. Жители села были принудительно переселены в другие места.

 
Есть остров посреди большой воды,
Как символ нескончаемой беды.
 
 
Туой Хая. Одетая в гранит,
Там каменная женщина стоит.
 
 
Крест православный на её груди
Как будто молит: «Горе отведи!»
 
 
А у подножья бьют о валуны
Свирепых волн шальные табуны.
 
 
У женщины всегда в глазах тоска.
И каменная тянется рука
 
 
К свинцовым небесам в немой мольбе —
Зла преступленье зачеркнуть в судьбе,
 
 
Когда ушёл под воду отчий кров,
А с ним и счастье многих земляков.
 
 
О родине, пропавшей сквозь года,
Безмолвное рыдание всегда.
 
 
О, эта нескончаемая боль,
Что разъедает раны, словно соль!
 
 
Лишь только сердце в каменной груди
Способно эту боль перенести…
 

Аргыый наллаан уһуктар

 
Сандал күммүт көтөөрү
Сардаҥатын ыспахтыыр,
Саҥа көтөр көччөхтүү
Сарыалынан сапсынар.
 
 
Улам үөһэ күөрэйэн
Уота-күөһэ күөдьүйэр,
Киҥкир ойуур үрдүнэн
Кутаалана умайар.
 
 
Күнтэн түспүт кыырпахтар
Кырсаадалар кыыһаллар,
Кыра күннэр буоланнар
Кэрии сырдаан сандаарар.
 
 
Көтөр-сүүрэр айманан
Кэлии-барыы олустуур,
Кэҕэ этэн чоргуйан
Кэлэр кэми уруйдуур.
 
 
Күөрэгэйбит чугдааран
Күөххэ дайан дьырылыыр,
Күлүмүрдэс халлаантан
Көмүс дорҕоон кутуллар.
 
 
Дьикти кэрэ доҕуһуол
Дьиэрэһийэ тарҕанар,
Айгыр-силик айылҕа
Аргыый наллаан уһуктар…
 

Пробуждение

 
Какое радостное солнце!
Вот-вот взмахнёт крылом заря
И птицей сказочной сорвётся,
Земле прекрасный день даря!
 
 
Ждёт сторона моя лесная,
Когда он выйдет на простор.
Всё жарче в небесах пылает
Чудесный солнечный костёр.
 
 
Спустилось ласковое пламя
В цветы с небесной вышины.
Жарки не зря зовут жарками —
Они от солнца рождены!
 
 
Проснулись и зверьё, и птицы,
И рыба плещется в реке.
Считает, сколько счастью длиться,
Кукушка где-то вдалеке.
 
 
В груди как будто сердцу тесно
От этих радостных минут!
Об этом жаворонки песни
Свои безумолчно поют!
 
 
О, эта музыка начала!
Сегодня и отныне впредь
Любому дню не вполнакала —
Всей мощью солнечной гореть!
 

Иһийэммин истэбин

 
Чуумпу дьиэбэр киирэбин.
Ардах түһэр суугунун
Иһийэммин истэбин.
Дьэҥкир курус таммахтар
Тохтообокко биир тэҥник
Таммалыыллар чопчутук.
 
 
Өһөспүттүү тоҥсуйар
Таммах санаам хаттыгын,
Устар кэммит тэтимин
Тиэтэтэрдии суккуллар.
Күүтэр күммүт бөҕүөрэн
Куоппут былыт кэтэҕэр.
 
 
Сиппэрэҥҥэ, самыырга
Туллан түспүт тулаайах
Сэбирдэхтэр көтөллөр.
Түннүктэрбэр сыстаннар
Оҕо сааһым илдьитин
Кэпсээн ааһар курдуктар…
 
 
Маннык силбик кэмнэргэ
Хаҥыл санаам тэһииргээн
Көҥүл көтөр куйаарга.
Хоһоон сүмэ тылларын
Куотар таммах быыһыттан
Көрдөөн күүспүн барыыбын…
 

Слушаю шум дождя

 
Убаюканный дождём,
Крепко спит родимый дом.
Что же делать – много дней
Длится этот водолей.
Неизбывна и горька
От его шагов тоска.
 
 
Светлым мыслям невпопад
Капли чёрные стучат.
Замедляет время ход…
Солнце больше не взойдёт?
И его заветный луч
Не проглянет из-за туч?
 
 
На оконное стекло
Ветром листья нанесло.
И они с надеждой льнут:
Может, пустят их в уют?
Шепчет жёлтая листва
Мне печальные слова.
 
 
Ждут, наверное, ответ.
Но беспомощен поэт.
Серость, сырость и тоска…
Не рождается строка.
Муза плачет – не по ней,
Видимо, сезон дождей…
 

Кыһыны таптыыбын

 
Кыһыны олуһун таптыыбын —
Көм хаары дуоһуйа оймуубун,
Чысхааны кытары сырсабын,
Чолбону сонургуу көрөбүн.
 
 
Дьыбартан хойдубут туманы
Түөспүнэн силэйэ хаамабын,
Кымыстыы кыынньыбыт салгыны
Чачайа ыймахтаан ылабын.
 
 
Халлаантан ыһыллар кыырпахтар
Үөр туллук буоланнар дайаллар,
Көй көмүс кутуллар утахтар —
Өрүллэр, өһүллэр суһуохтар.
 
 
Көмнөҕү суорҕанныы бүрүнэн
Сис тыаҕа барыта иһийэр,
Күөх сааһы айылҕа кэтэһэн
Көмүк хаар анныгар утуйар.
 
 
Ойдом тиит кырыарбыт мутугар
Оҕуруо тиһигэ тиһиллэр,
Тоҥуу хаар кылбайар ньууругар
Айылҕа оһуора дыргыллар.
 

Люблю зиму

 
Люблю мороз, люблю колючий ветер,
Который обгоняю иногда!
Люблю, когда мне путеводно светит
Высокая полярная звезда!
 
 
Люблю, раздвинув занавес тумана,
Что над землёй якутскою повис,
Хлебнуть его ядрёного дурмана,
Как настоящий пенистый кумыс!
 
 
Люблю, когда пушистых хлопьев стаи,
Как пуночки, взлетают из-под ног.
Когда позёмку на глазах сплетает
В девичью косу шалый ветерок.
 
 
Глубоким сном зима тайгу сковала.
Моей лесной родимой стороне
Так сладко спать под снежным одеялом
И видеть сны о будущей весне!
 
 
Как лиственница сказочно одета —
Сосулек бисер, снега бахрома.
Воистину, тебя прекрасней нету,
Якутская красавица-зима!
 

Сырдык санаа кэлистэ

 
Саймаарыйан наскыйан
Саҥа хаарбыт налыйда,
Саппаҕырбыт санаабын
Саба түһэн кыйдаата.
 
 
Саҥа хаарга уйдаран
Сырдык санаа кэлистэ,
Сандаарыйар сыһыыга
Саҥа ыллык үктэннэ.
 
 
Үрүҥ көмүс утахтар
Үөрэ – дьүөрэ түстүлэр,
Үрүмэччи үөрүнүү
Үмүөрүһэ дайдылар.
 
 
Толоон, хонуу киэлитин
Талыы суорҕан бүрүйдэ.
Тула өттүм кылбайан
Толбоннура киэркэйдэ.
 
 
Саҥа хаары көрөммүн
Сүргэм күҥҥэ күөрэйдэ,
Салгын куппун үөрдэммин
Саҥа хоһоон үөскээтэ.
 

Снизошло озарение

 
Умиротворенья негу
Дарит сердцу белый свет.
Заметает первым снегом
И моей печали след.
 
 
Постиженье жизни сути —
Озаренье нынче мне
Дарит это первопутье
По якутской целине.
 
 
Вить серебряные нити
Продолжает снегопад.
Словно бабочки, – глядите —
Хлопья белые парят.
 
 
Как волшебно и как просто
Нынче на груди земной
Все осенние коросты
Снег врачует чистотой!
 
 
Сердце дышит красотою,
Рвётся ввысь, под облака.
И в душе – сама собою —
Оживает вдруг строка.
 

Ахтылҕан

 
Мин болүүн дьиктини түьээтим
Төрөөбүт түөлбэбэр сырыттым,
Туой-Хайам үрдүгэр дабайдым,
Халлааҥҥа көтүөхтүү чэпчээтим.
 
 
Аллара Чуонабыт дьоьуннук
Субуллар күөх лиэнтэ кэриэтэ,
Кундэлэс ууларын дьалкытар
Бүлүүгэ тиэрдээри тиэтэтэ.
 
 
Уҥуоргу кырдалга долгуйар
Сибэкки сиэдэрэй муората,
Лиҥкир тиит ойуура кэккэлиир,
Хатыҥнаах чараҥа суугунуур.
 
 
Иннибэр бөьүөлэк сандаарар,
Үөруу-дьол уотунан сыдьаайар,
Бар дьонум биир сиргэ мустаннар
Саргылаах ыһыа5ы ыспыттар.
 
 
Эмискэ уһуктан кэлэбин,
Ахтыл5ан ньүөлүтэр сүрэхпин,
Хараҥа бай5алга тимирбит
Төрөөбүт дойдубун саныыбын.
 
 
Күүһүрэр ахтылҕан ыарыыта
Сыл-хонук ааста5ын аайытын:
Ханнаный мин дойдум Туой-Хайам?!
Ханнаный хаарыаннаах мин Чуонам?!
 

Ностальгия

 
Приснились мне родимые края,
Приснилось счастье: будто я вот-вот
С горы любви, с горы Туой-Хая
Отправлюсь в нескончаемый полёт.
 
 
Увидеть я б тогда, наверно, смог,
Как богатырь Вилюй без суеты
Вплетает синей лентою в венок
Чуону – речку детства и мечты.
 
 
Как на её знакомом берегу
Бушует море целое цветов,
Как их красу надёжно берегут
Сплошные стены вековых лесов.
 
 
А вот посёлок. Но в его домах
Сегодня не сидит таёжный люд.
Встречая вместе праздник Ысыах,
Односельчане наш обычай чтут.
 
 
Пронзает сердце вновь утраты боль,
И сновидений рвётся череда.
О, родина, не вижусь я с тобой:
На месте том – холодная вода.
 
 
Ищу в душе ответ всё чаще я,
Но не найти печальней и верней.
Где ты, гора любви Туой-Хая?
Где ты, Чуона?
В памяти моей…
 

Сайыҥҥы киэһэҕэ

 
Сайыҥҥы киэһэҕэ,
Саймаархай кэмнэргэ,
 
 
Эмискэ кэлэллэр
Эриэккэс иэйиилэр.
 
 
Мин Чуонам үрэҕэр
Дьаарбайа киириэҕим,
 
 
Дьиримниир сүүрүгэр
Дуоһуйа харбыаҕым.
 
 
Ый куппут муостатын
Далаһа оҥостуом,
 
 
Дугуйа хаамаммын
Үрэҕи туоруоҕум.
 
 
Уҥуоргу кытылтан
Сибэкки хомуйуом,
 
 
Тапталбын көрсөммүн
Долгуйа бэлэхтиэм.
 
 
Хайаҕа тахсаммын
Халлааҥҥа чугаһыам,
 
 
Чолбону тутаммын
Чуонабын сырдатыам.
 

Летний вечер

 
Дом. Летний вечер. Тишина.
Душа желаньями полна
 
 
Простыми, словно всё вокруг.
Не волшебство ли это, друг,
 
 
Когда одним живёт душа:
Сойти к Чуоне не спеша,
 
 
Чтоб серебристая вода
Заботы смыла навсегда,
 
 
Чтоб лунный мостик мне помог
Попасть на дальний бережок,
 
 
Где будто ждут моей руки
Цветы – живые огоньки.
 
 
Я соберу из них букет
Для той, кого дороже нет.
 
 
А если тот подарок мал,
Взбегу на горный перевал
 
 
И с небосклона уведу
Любви высокую звезду.
 
 
Пусть над Чуоною в ночи
Горят заветные лучи!
 

Көтөрүм үрдүккэ

 
Оҕо сылдьан түһээн
Хайаттан тэбинэн,
Илиибин даллатан
Халлааҥҥа көтөрүм.
 
 
Көтөрүм үрдүккэ —
Көтөрүм сырдыкка.
 
 
Сааһыран кырдьаммын
Түүн үөһэ уһуктан
Элбэҕи эргитэн
Ааспыты саныыбын.
 
 
Көппүппүн үрдүккэ —
Көппүппүн сырдыкка…
 

Взлетал всё выше

 
Как в детстве, мне уже не снится,
Что руки-крылья распахну
И, как стремительная птица,
Познаю неба глубину.
 
 
Как высоко стремленье это
В объятья неземного света!
 
 
Сны укорачивает время,
Взлетать душе всё тяжелей.
Полночных размышлений бремя
Лежит, бессонное, на ней.
 
 
Уже неподалёку где-то
Объятья неземного света…
 

Дьоллоохпун

 
Дьоллоохпун!
Күн сиригэр олорорбуттан,
Күөх от долгулдьуйа үүннэриттэн,
Көй салгынынан тыынарбыттан.
 
 
Дьоллоохпун!
Тулабар үөр чыычаах ыллыырыттан,
Оҕо-аймах дьоллоох күлүүтүттэн,
Сиэним бэбээрэ ытыырыттан.
 
 
Дьоллоохпун!
Таптал умсулҕанын билбиппиттэн,
Доҕор эрэллээх өйөбүлүттэн,
Хоһоон абылаҥа баарыттан
 

Счастлив!

 
Я счастлив,
Что живу на свете этом,
Что нивы солнцем ласковым согреты,
Что воздух пью, что слаще его нету!
 
 
Я счастлив,
Что весною песни птиц волнуют,
Что детский смех везде звенит, ликуя,
Что снова внука на руки беру я!
 
 
Я счастлив,
Что любовь дана судьбою,
Что верный друг всегда во всём со мною,
Что я делюсь заветною строкою!
 

Мин билбэппин

 
Мин билбэппин —
Кыһыл күн тоҕо төгүрүгүн,
Арай билэбин —
Күнэ суох олох отой суоҕун.
 
 
Мин билбэппин —
Кыһын тоҕо олус тымныытын,
Арай билэбин —
Сандал саас сандааран кэлиэҕин.
 
 
Мин билбэппин —
Күһүҥҥү тыал туохтан ытыырын,
Арай билэбин —
Аар хатыҥ күөх тиити таптыырын.
 
 
Мин билбэппин —
Туохтан сүрэҕим нүөлүйэрин,
Арай билэбин —
Уол кыыһы кытылга күүтэрин.
 
 
Мин билбэппин —
Хантан алдьархай ааҥныаҕын,
Арай билэбин —
Аанньалларым арчылыахтарын.
 
 
Мин билбэппин —
Хас сыл миэхэ бэриллибитин,
Арай билэбин —
Олоҕу олус диэн таптыырбын.
 
 
Мин билбэппин —
Хоһооннорбун ким сөбүлүөҕүн,
Арай билэбин —
Тыыннааҕым тухары суруйуохпун.
 
 
Мин билбэппин —
Киһи өйө тугу кыайбатын,
Арай билэбин —
Элбэҕи да мин билбэппин.
 

Я не знаю

 
Я не ведаю, не знаю:
Солнечный откуда свет?
Но зато я точно знаю,
Что без солнца жизни нет.
 
 
Я не ведаю, не знаю:
Почему мороз и лёд?
Но зато я точно знаю:
Всё равно весна придёт!
 
 
Я не ведаю, не знаю:
Почему осенний срок?
Но зато я точно знаю:
Забурлит в берёзе сок!
 
 
Я не ведаю, не знаю:
Отчего мне не до сна?
Но зато я точно знаю:
Ждёшь любви – придёт она!
 
 
Я не ведаю, не знаю:
Где несчастий тайный ход?
Но зато я точно знаю,
Что Господь убережёт.
 
 
Я не ведаю, не знаю:
Что отпущено судьбой?
Но зато я точно знаю:
Эту жизнь люблю любой!
 
 
Я не ведаю, не знаю:
Кто стихи мои прочтёт?
Но зато я точно знаю:
Рвётся вновь душа в полёт!
 
 
Я не ведаю, не знаю:
Мир – вопрос или ответ?
Но зато я точно знаю,
Что предела знанью нет!
 

Күһүҥҥү түүн

 
Хараҥа тыаһа суох сыбдыйан
Халлааны сабардаан барыйда,
 
 
Саһарҕа саҕахха чугуйан
Сэмээрдик түгэххэ кирийдэ.
 
 
Үрдүбэр харабыл сулустар
Кэтиирдии чипчиҥнии көрөллөр,
 
 
Туолбут ый үөһэттэн тунаарар —
Сылыппат уотунан сырдатар.
 
 
Ол онтон арҕааттан халыйан
Былыта суорҕанныы бүрүйдэ,
 
 
Бигиирдии наҕыллык налыйан
Сыа маҥан хаарынан үллүйдэ.
 
 
Түүҥҥү хаар уйгурдуон сэрэнэн
Сир үрдүн бааталыы кылбатта,
 
 
Тиэтэйэ-саарайа хомунан
Түбүктээх айанын салҕаата.
 

Осенняя ночь

 
Не почудилось ли мне:
Небосвод вдруг потемнел,
 
 
И уже костёр зари
Над землёю не горит?
 
 
Но зато кристаллы звёзд
Пронизали чёрный холст.
 
 
И холодный жёлтый диск
В небе, как фонарь, повис.
 
 
Но и он пропал вдали —
Тучи с запада пришли
 
 
И периной снеговой
Разорвались над землёй,
 
 
Покрывая разом вдруг
Белым пухом всё вокруг.
 
 
И осталась в тишине
В белоснежном полотне
 
 
Вечная земная грудь.
Ну, а тучи – снова в путь…
 

Отой ылыммаппын

 
Олох бүтэр дииллэрин
Отой мин ылыммаппын.
Хайдах оннук буолуоҕай,
Олох быстан хаалыаҕай?
 
 
Хайдах кэрэ ньургуһун
Чаҕыл күнтэн өлүөҕэй,
Силлиэ, буурҕа сахсыйан
Симэлийэ сүтүөҕэй?
 
 
Хайдах мааны хатыҥчаан
Хагдарыйа хатыаҕай,
Хаарыс солко симэҕэ
Хара сиргэ түһүөҕэй?
 
 
Хайдах чыычаах ырыата
Чараҥнарга чуумпуруой,
Дууһа үөрэр дорҕооно
Иһиллибэт буолуоҕай?
 
 
Хайдах кылбаа маҥан хаар
Халдьаайыга ууллуоҕай,
Харалдьыкка халыйан
Халаан уута ылыаҕай?
 
 
Хайдах бэргэн тыллардаах
Хоһоон истиҥ иэйиитэ
Сүрэх уйан утаҕын
Таарыйбакка ааһыаҕай?
 
 
Олох бүтэр дииллэрин
Отой мин ылыммаппын.
Хаҕым баҕар өлүөҕэ,
Ырам тыыннаах хаалыаҕа.
 

Не приемлю

 
Что? После смерти жизни нет?
Не принимаю мысли этой!
Не может быть: жив белый свет,
А вот меня на свете нету!
 
 
Подснежник может умереть?
Не зря цветок подобен чуду!
Не верю! И, конечно, впредь
Я верить в смерть его не буду!
 
 
Берёзы нежная листва
Неужто может вдруг завянуть?
Нет! Красота всегда жива!
Я думать так не перестану!
 
 
Душа не примет никогда
Того, что может приключиться
Такая страшная беда:
Рассвет не будят больше птицы.
 
 
Чистейший снег лежит, искрясь,
Как бриллианты, под сосною.
Неужто превратиться в грязь
Ему назначено весною?
 
 
Что со стихами совершит
Круговращение земное?
Не тронувши ничьей души,
В небытие уйдут со мною?
 
 
Не верю, что прервётся нить,
Когда пройдут земные сроки.
В душе бессмертной будут жить
Заветные слова и строки!
 

Күһүн

 
Самаан сайын айманна —
Айан хааһын сайыста,
 
 
Дабыдалга олорсон
Сылаас сиргэ барыста.
 
 
Өксүөн тыалга мэҥэстэн
Курус күһүн кэлистэ,
 
 
Күндүл халлаан киэлитин
Тоҥмут былыт кэрийдэ.
 
 
Түүммүт ыйтан кыбыстан
Хара былаат бүрүннэ,
 
 
Сулус ууга умсаары
Кыдьымахтан иҥиннэ.
 
 
Тымныы кыһын илдьитэ
Сарсыардааҥҥы хаһыҥмыт
 
 
Оту – маһы хаарыйда,
Алтанынан дуйдаата.
 
 
Кырдьар сааспыт биһиэнэ
Эмиэ күһүн кэриэтэ,
 
 
Олох ааспыт хаһыҥа
Чанчыкпытын кырыарта.
 

Осень

 
У осени верней приметы нет —
Станиц гусиных в небе тает след.
 
 
На крыльях этих перелётных стай
И лето покидает милый край.
 
 
Ему холодный ветер дует вслед,
Осенней грустью кроет белый свет.
 
 
И снеговые облака вот-вот
Затянут опустевший небосвод,
 
 
Где даже пышнотелая луна
От холода сердита и бледна.
 
 
Звезде нежданно вздумалось нырнуть —
Шуга на речке преградила путь.
 
 
От заморозков по утрам не зря
В осенних лужах ёжится заря.
 
 
А днём лесов начищенная медь
Не устаёт под солнышком гореть.
 
 
Не остановишь дней круговорот —
И осень нашей жизни настаёт.
 
 
На берегах у вечности реки
Всё гуще иней серебрит виски…
 

Ааспыты эргитэ сатаама

 
Түннүкпэр нөрүйбүт Аар хатыҥ,
Туохтан эн эмискэ мунчаардыҥ?
Суугунуур ырыаҕын тохтотон,
Санааҕа баттатан чуумпурдуҥ?
 
 
Баҕардар, сайыныҥ ааспытын
Суохтааҥҥын сайыһа хааллаҕыҥ?
Эбэтэр, чээл солко симэҕиҥ
Саһара хаппытын сирдэҕиҥ?
 
 
Сарсыарда саһарҕа уһуктан
Сарыалга эйигин сууннарбыт,
Хаһыҥнаах аргыартан харыстаан
Сандал күн көмүскэ суулаабыт.
 
 
Кыталык ырыата аргыстаах
Кэлиэҕэ элбэх да күөх сайын,
Эн өссө чэчирии тупсуоҕуҥ
Саҥалыы киэргэлгин кэтэҥҥин.
 
 
Аар хатыҥ! Сайыны сайыһан,
Ааспыты төннөрө сатаама,
Кэм-кэрдии айгыстар айанын
Тохтотор кыах суоҕар саараама.
 

Не пытайся прошлое вернуть

 
Милая берёза за окном,
Отчего сегодня ты в печали?
Неужели вести о плохом
Принесли ветра из дальней дали?
 
 
Может, повторяешь наизусть
Лета отзвеневшего напевы?
Не к лицу тебе сегодня грусть
В золотом наряде королевы!
 
 
Не печалься, дорогая, зря —
Просто близко время увяданья.
И хотела бы согреть заря,
Но студёно у неё дыханье.
 
 
Неизбежен тот круговорот,
Что владеет жаркой силой солнца.
Не печалься: лето через год
С песней стерхов к нам опять вернётся!
 
 
Вечен этот заповедный путь:
За теплом являются морозы.
Не пытайся прошлое вернуть,
Будущим живи, моя берёза!
 

Тыыннаах буолар кэрэтиэн

 
Күлүмүрдүү күндээрэн
Күммүт күлэн мичийэр,
Кэлэр кэмим сандааран
Кэхтибэттии киэркэйэр.
 
 
Кустук курдуур халлааны
Сэттэ өҥүн оонньотон,
Санаам сырдык ырата
Ырыа буолан дьиэрэйэр.
 
 
Сарыал тыаллыын куустуһан
Хомус тыаһа лоҥкунуур,
Истиҥ иэйии уһуктан
Кутаа буолан умайар.
 
 
Тыыннаах буолар кэрэтиэн —
Күөрэгэйдиин ыллаһар,
Мүөттээх салгын сөрүүнүөн —
Утаппыттыы ыймахтыыр.
 

Чудесно быть живым

 
Ещё не наступил полдневный час,
Но так тепло нам на земной груди!
Друзья мои, я верю, что у нас —
Счастливейшие годы впереди!
 
 
В пронизанную солнцем синеву,
Чтоб семицветье радуги достать,
Душа моя стремится, сколь живу!
Вот и сейчас мечтой полна опять!
 
 
Мне на рассвете свежий ветерок
Принёс хомуса⁹ древнего мотив —
Тот, что я в сердце навсегда сберёг,
И буду там хранить, покуда жив.
 
 
О, как чудесно просто быть живым!
Целебный воздух пить, а не вдыхать!
Лучами солнца, шелестом листвы
Благослови меня, природа-мать!
 

Кутаалыы умайыам

 
Суһумнуур халлааҥҥа
Сулустар мусталлар,
Дьиримниир үрдүккэ
Дьиэрэҥкэй тэбэллэр.
 
 
Сулуһу быалааммын
Куйаары арҕарыам,
Эйигин буламмын
Бу сиргэ аҕалыам.
 
 
Умайар сулустуу
Уохтаахтык ууруоҕум,
Олоххун бүтүннүү
Күлүмнүү оонньотуом.
 
 
Тапталтан саҕыллаат
Кутаалыы умайыам,
Тулабын сырдатаат
Баҕардар умуллуум…
 

Запылаю я костром

 
Звёзды водят в поднебесье
Бесконечный хоровод.
И душа моя, как песня,
Рвётся к свету их полёт!
 
 
Там звезда подобна чуду —
На вопросы все ответ!
Отыщу, сорву, добуду —
Без неё мне жизни нет!
 
 
Пусть пылающей кометой
Упаду я с высоты —
Ничего дороже нету,
Чем объятья той звезды!
 
 
Пусть на землю возвратиться
Мне пылающим костром!
Неземной любви зарницей
Озарится всё кругом!
 

Күөх от бытыгыраан

 
Куорат килиэ таас иэнин быыһылаан
Күөх от бытыгыраан тахсыбыт,
Күн диэки нуоҕайа тардыстан
Көрүөхтэн истиҥник тыллыбыт.
 
 
Кини олус хачаайы, иинэҕэс,
Күнтэн хаххалыыллар таас дьиэлэр,
Куорат ыыра-дьаара тунуйан
Сайа охсор салгына тиийбэт.
 
 
Арыт саппыкылаах атах тэпсэр,
Массыына үрдүнэн айанныыр,
Ону ол диэбэккэ от үүнэр,
Көрөр, күөх сыһыыны түүлүгэр.
 
 
Сүгүрүйдүм төбөбүн хоҥкутан
Олоххо тардыһыы күүһүгэр.
Дойдубар тапталым улаатан
Баҕардым айыахпын, ыллыахпын.
 

Трава зелёная пробилась

 
Какая сила жизни у травы!
Сквозь городской асфальт поднявшись прямо,
С единственным желаньем – быть живым —
Пробился к свету стебелёк упрямый!
 
 
Ему бы только воздуха глоток
Среди потоков гари, дыма, пыли.
Как он сумел, как, обречённый, смог
Всю городскую нечисть пересилить?
 
 
Его не раздавить, не растоптать,
Его не подчинить жестокой воле,
Пока ведёт упрямая мечта
Об изумрудном необъятном поле!
 
 
О, Родина моя, как ты права
В своём извечном продвиженье к свету,
Коль даже эта горькая трава
Надеждою великою согрета!
 

Сайын хайдах кэлэрий?

 
Сайын кэлэр наҕыллык,
Сааһы сэмээр солбуйан,
 
 
Кэрии тыаҕа чобуотук
Кэҕэ кыылын ыллатан.
 
 
Сайын кэлэр дьиктитик,
Омуннурбат саас курдук,
 
 
Кырааскалаан, тупсаран,
Отун-маһын көҕөрдөн.
 
 
Сайын кэлэр киэмсийэн,
Эдэр кыыстыы кэрэтик,
 
 
Сибэккитин тэлгэтэн,
Сирбит иэнин киэргэтэн.
 
 
Сайын кэлэр дьоһуннук,
Далбар хотун кэриэтэ,
 
 
Үүттээх сүөгэй кэһиилээх,
Алла турар арыылаах.
 
 
Сайын кэлэр дьиктитик,
Саймаарыйан наҕыллык,
 
 
Эдэр кыыстыы кэрэтик,
Хотун курдук дьоһуннук.
 

Как приходит лето?

 
В края родные незаметно
Вместо весны приходит лето.
 
 
И первой на лесной опушке
Его приветствует кукушка.
 
 
Не с половодьем чувств весенним —
Приходит лето с настроеньем
 
 
Деревья и кусты в награду
Одеть в зелёные наряды.
 
 
Глядите: лето, как молодка,
Идёт танцующей походкой!
 
 
Не зря в народе белым светом
С любовью называют лето!
 
 
А вот оно мало-помалу
Хозяйкой величавой стало
 
 
И щедро делится плодами
Своих трудов со всеми нами!
 
 
Не знает ни конца, ни края
Его повадка молодая!
 
 
И потому, друзья, не спросим:
Неужто снова будет осень?
 

Туруҥ, суут иһэр…

 
Арай, санаан көр, биир түгэҥҥэ,
Суох буоллун суут кылгас да кэмҥэ,
Хайдахтаах олох ааҥныаҕын
Суута-сокуона суох эйгэҕэ…
 
 
Таҥара аатыттан үс идэ
Баар эбит дьалхааннаах бу сиргэ:
Учуутал, быраас уонна судьуйа.
Судьуйа – сокуоммут кулута —
Кырдьыгы сымыйа быыһыттан
Арааран буларга анала.
 
 
«Туруҥ, суут иһэр!» – диэн дуорайар.
Көрсөллөр сүһүөххэ тураннар,
Судьуйа үлэтэ салҕанар…
Кырдьык бу манна өрөгөйдүүр,
Сымыйа үөдэҥҥэ тимирэр,
Барыта орун-оннун булар.
 
 
Ардыгар эһиэхэ көстүөҕэ,
Дьоһумсуйбут нүһэр судьуйа.
Дьон тыйыс, улахамсык диэҕэ.
Оннук буолбатах, эрэн миэхэ —
Мантия иһигэр тэбиэлиир
Аһыныгас уйан сүрэҕэ…
 
 
Судьуйа үлэтэ ыарахан,
Ол онтон чугуйбат чаҕыйан.
Өйдөө, эн, мин курдук киһитин —
Кэрэни кэрэхсиир майгылаах,
Көһүтэр сирдээҕи аналлаах,
Сырдык, ыраас ыра санаалаах.
 
 
Итэҕэйбэппин мин отойун
Судьуйаны хараардар тыллары!
Оннук киһи баар да буоллаҕына
Кини судьуйа буолбатах —
Этигэр-хааныгар иҥэрэн
Андаҕар тылларын эппэтэх.
 
 
Арай, санаан көр, биир түгэҥҥэ,
Суох буоллун суут кылгас да кэмҥэ,
Хайдахтаах олох ааҥныаҕын
Суута-сокуона суох эйгэҕэ…
 

Встать, суд идёт…

 
Даже на миг представить не готов,
Как дерево, где без корней есть крона,
Тот страшный мир, в котором нет судов.
Я славлю мир, в котором власть закона!
 
 
Всевышний дал для нашего житья
Три главные профессии на свете:
Учитель, врачеватель и судья.
Они пред Богом за людей в ответе.
Они тех истин дорогих друзья,
Что не стареют в глубине столетий.
 
 
«Встать, суд идёт!» – великие слова,
Которыми, как прочною стеною,
Честных людей защищены права
От зла и лжи, обмана и разбоя.
В законе правда вечная жива
И наше правосудие земное!
 
 
Быть нелегко бесстрастным судьёй.
Пусть кажется суровым он кому-то,
Несправедливым, даже злым порой —
Но он на страже каждую минуту,
Как будто воин на передовой,
Что бой со злом ведёт без всяких шуток!
 
 
«Назад ни шагу!» – вот его завет!
За справедливость он привык бороться!
Но тот, кто бережёт наш мир от бед, —
Он тоже человеком остаётся!
Прекрасного ценитель, домосед,
Мечты его светлы, как ясно солнце!
 
 
Вы скажете, не все такие? Я
Отвечу: «Да! Но знайте, дорогие:
Нарушивший присягу – не судья,
И не спасут его регалии любые!»
На этих вечных истинах, друзья,
Стояла и стоять будет Россия!
 
 
Даже на миг представить не готов,
Как дерево, где без корней есть крона,
Тот страшный мир, в котором нет судов.
Я славлю мир, в котором власть закона!
 

Бокулуон уурабын

 
Айыыһыт алгыһын ылааччы,
Быраастар, эһиги буолаҕыт,
Бар дьоҥҥут иннигэр дуораччы
Андаҕар тылларын этэҕит.
 
 
Көстүбэт өстөөхтүүн сэриигэ
Сылдьаҕыи инники кирбиигэ,
Өлүүнү кытары киирсиигэ
Көмөҕө аан-бастаан кэлэҕит.
 
 
Ыарахан ыарыыга ылларбыт
Кэтэһэр эрэлэ – эмчитэ,
Киирэҕит сыдьаайа сандаарбыт
Күн уотун сырдыгын кэриэтэ.
 
 
Этэҥҥэ сылдьаммыт биһиги
Ардыгар аахайбат эбиппит —
Дьон-сэргэ олоҕор эһиги
Тыын биэрэр салгыҥҥа тэҥнээххит.
 
 
Үтүөнү баҕарар санааҕыт
Халааккыт өҥүнүү сып-сырдык,
Сүрэхтэн этиллэр тылларгыт
Эмэ суох эмтииллэр… Ол кырдьык.
 
 
Эһиэхэ махталбын этэргэ
Мин тылым дьадайар эмискэ,
Ол иһин тобуктаан тураммын
Сир уола бокулуон уурабын.
 

Мой поклон

 
Благословенье высших сил
На вас, кто клятве Гиппократа
В своей работе верен был,
И до сих пор ей верен свято.
 
 
Коварен и опасен враг.
Борьба за жизнь – передовая,
Где смерти множество атак
Отвага ваша отражает.
 
 
Когда приходит трудный час,
И наступает мгла недуга,
Перед надеждою на вас,
Как перед солнцем, гаснет вьюга!
 
 
Но так устроен человек,
Что, уцелев на поле боя,
Порою забывает тех,
Кто заслонил его собою.
 
 
А надо помнить! Я и ты,
Мы все пред вами виноваты!
А ваши души так чисты,
Как ваши белые халаты.
 
 
И у меня не хватит слов,
Чтоб вам воздать сейчас сторицей!
Я на колени встать готов
И до земли вам поклониться…
 

Доҕоруҥ кимин, эт миэхэ

 
Олох диэн илин-кэлин түсүһүү —
Ким ханна ыксыыра биллибэт,
Суолуттан туораабыт сүүрүктүү
Бииртэн биир сүтэллэр доҕоттор.
 
 
Ол онно дьэ биирдэ өйдүүгүн
Доҕоруҥ эйиэхэ күрдүтүн,
Ардыгар чуҥкуйа чуумпуран
Бу киирэн кэлэрин күүтэҕин.
 
 
Доҕордуун биир киһи кэриэтэ,
Үөрүүгэ, иэдээҥҥэ бииргэҕит,
Өйдөһөн, өйөнсөн бу сиргэ
Олоххут оломмун кэһэҕит.
 
 
Быһаарбат ахсаанын элбэҕэ,
Суолталаах, доҕоруҥ хайдаҕа,
Ыарахан кэмнэргэр биллиэҕэ
Ким атас, ким атын буолара.
 
 
Ыктаран ынчыктыыр түгэҥҥэр,
Кэпсэнэ, киэбирэ барбакка,
Сэмэйдик бэйэҥ да билбэккэр,
Эрэллээх саннытын тоһуйуо.
 
 
Санааҕын болҕойон истээччи,
Алҕаскын сирэйгэ этээччи,
Көмоҕо аан бастаан кэлээччи —
Ол буолар, эн дьиҥнээх доҕоруҥ!
 
 
Ол иһин этэн эрдэхтэрэ
Былыргы өйдөөхтөр бэртэрэ —
«Доҕоруҥ кимин, эн эт миэхэ,
Оччоҕо мин этиэм, эн кимҥин».
 

Скажи мне, кто твой друг

 
Жизнь – это марафон,
Бежишь за кругом круг,
Не слыша, что вдогон,
Кричит сошедший друг
 
 
С дистанции. За ним
Не выдержал второй
И третий. Где они?
Как пусто за спиной…
 
 
Как трудно сквозь года
Печальное понять:
Тебя им никогда
Уже не догонять…
 
 
У тайны бытия
Такой простой секрет:
Как дороги друзья,
Которых больше нет!
 
 
Всё больше их на том,
Незримом берегу.
И сам шатаюсь… Кто
Поддержит на бегу?
 
 
Кто скажет мне в лицо
Суровые слова,
Что надо быть бойцом,
Хотя стоишь едва?
 
 
О, как пронзает вдруг
Присловием простым:
«Скажи мне, кто твой друг,
И я скажу, кто ты»…
 

Кубалар

 
Аат эрэ харата дайбанан
Айанньыт кубалар ааһаллар,
Кырыарбыт былыты быыһынан
Кэм – кэрдии айанын сырсаллар.
 
 
Арахсыы кутурҕан ырыатын
Аймана хатаннык ыллыыллар,
Сайыҥҥы сылааһы сайыһан
Сылааны умналлар кинилэр.
 
 
Аллараа далбаатыы хаалаллар
Алардар, ачалар, сис тыалар,
Кыната суохтарын умналлар,
Көтөөрү өгдөҥнөөн ылаллар.
 
 
Эһиги бу ханна тиэтэйэн
Сынньанан көрбөккө бардыгыт,
Көччүйбүт күөлгүтүн хаалларан
Кый ыраах айаҥҥа турдугут?
 
 
Аат эрэ харата дайбанан
Айанньыт кубалар ааһаллар,
Кырыарбыт былыты быыһынан
Кэм-кэрдии айанын сырсаллар.
 

Лебеди

 
В холодном небе лебеди летят
Из наших мест на тёплый юг опять.
Но разве время повернёшь назад?
Как ни старайся, лето не догнать.
 
 
Но что им эта истина! Они
Упрямо свой выстраивая ряд,
Порядок неизменный сохранив,
Прощальным кличем душу бередят.
 
 
Леса, поля и нивы их привет
Хранят, грустя, до будущей весны.
О, как они лететь мечтают вслед!
Да вот без крыльев жить обречены…
 
 
Оставив зеркала родных озёр,
Что по утрам уже блестят ледком,
Одолевают лебеди простор,
Чтоб обрести чужой, но тёплый дом.
 
 
Гляжу на них, подсчитывая дни,
Когда увижу гордецов опять
Здесь, на земле отцов. А вдруг они
Сумеют лето всё-таки догнать?
 

Кэрэ кэммит илдьитэ

 
Оттоох күрүө таһыгар
Чаллах тииппит мутугар
Дьоһумсуйа туттубут
Тураах кэлэн олорбут.
 
 
Сандал сааһы аҕалбыт
Кынатыгар кыбытан.
Олус үөрдүм көрөммүн
Сэргэхсиппит көтөрбүн.
 
 
Күммүт күлэн мичийэр,
Тэбэнэттик имнэнэр,
Харах саатар сырдыга
Сатыылаабыт сыһыыга.
 
 
Кэрэ кэммит илдьитэ —
Хара тураах кэлиитэ,
Айманарын истэбин,
Күөрэгэйгэ тэҥниибин.
 

Вестник весны

 
На лиственнице, что за сеновалом,
Ворона завершила дальний путь:
Она на юге где-то зимовала
И вот присела, чтобы отдохнуть.
 
 
Я улыбаюсь, оценив усилья
Могучей птицы, чёрной, как смола:
А ведь она весну на крепких крыльях
На север наш с собою принесла!
 
 
И солнце улыбается со мною
Да так, что аж глаза слепит!
Не жаворонки к нам летят весною,
Как где-то там, в изнеженной степи,
 
 
А вот такие вестники закона
Природы, что никто не отменял!
А ну-ка, каркни, милая ворона!
Ты жаворонка круче для меня!
 

Хонууну туорааһын буолбатах

 
«Олоҕу олоруу киһиэхэ
Хонууну туорааһын буолбатах» —
Өбүгэ кэс тыла биһиэхэ
Өйдөтөр, үөрэтэр аналлаах.
 
 
Күһүҥҥү сэбирдэх кэриэтэ
Кыдьымах быыһынан устабын,
Кытылтан кытылга кэтиллэ
Көрдүүбүн тиксиэхтээх туонабын.
 
 
Көҥүл тыал миҥэбин көлүнэн,
Дьылҕабын кытары мэҥэстэн,
Күн сирин кэрийэ көтөбүн,
Дьол көмүс утаҕын көрдүүбүн.
 
 
Унньуктаах айантан сылайан,
Ардыгар, баҕара саныыбын,
Сүүрүккэ бэринэн, най баран,
Таҥнары, дьалбаара устуохпун.
 
 
Оччоҕо ахтылҕан кыһайар,
Төрүт буор дойдубар кэлэбин,
Түптэтин буруота унаарар
Төгүрүк алааспар тиийэбин…
 
 
Ол онтон күүс-күдэх эбиллэн
Кэрэмэс кэмнэрим эргиллэр,
Олоххо тапталым күүһүрэн
Аартыктар ааннара тэлэллэр.
 
 
Ырабар тийиэхтээх мин суолум
Ыраахха угуйа ыҥырар,
Ыраас киэҥ ый суолун кэриэтэ
Ыйдаҥа быыһынан тыргыллар.
 

Не поле перейти

 
«Жизнь прожить – не поле перейти…» —
Мудрость из глубин далёких лет
Нам, потомкам, – словно свет в пути,
Пращуров неведомых завет.
 
 
Жизнь прожить – не реку переплыть.
Как круты у жизни берега!
Бьют валы хулы и похвалы,
Топит безразличия шуга.
 
 
Жизнь прожить – не лошадь оседлать!
Дней грядущих мчатся табуны,
Урагану буйному под стать,
Бездорожьем гнать обречены…
 
 
Не бежать, не плыть и не скакать —
Может быть, вот так оно верней?
Пусть уносит времени река,
Как листок. Ни поля, ни коней…
 
 
Помоги мне, о, родной алас!
Пусть очистит душу отчий кров.
Пусть твой дымокур в раздумий час
Прогоняет лень, как комаров!
 
 
Смой усталость-мошкару с души,
Пробуди в ней гордого творца,
Чтобы жизнь хотелось совершить,
А не ждать безропотно конца!
 
 
Чтоб мечта заветная в горсти
Оказалась всё-таки в моей!
…Жизнь прожить – не поле перейти.
Нет, не поле – множество полей!
 

Санаабын кытары соҕотох

 
Ытыыры, ыллыыры булкуйан
Чысхаан тыал түүннэри улуйар,
Турары-турбаты уйгуурдан,
Түннүгүм таастарын тоҥсуйар.
 
 
Мин иэйиим уһуктан бүгэбин
Санаабын кытары соҕотох…
Аал уоппун күөдьүтэн биэрэбин,
Арахпат дьыбары кыйдыыбын.
 
 
Биир биллэр бөлүһүөк эппитэ:
«Бүппэт суох букатын бу сиргэ»,
Арай, дьэ, түгэҕэ көстүбэт
Санаалар сүүрүктүү усталлар…
 
 
Кырдьаҕас оһоҕум тыһырҕаан,
Хардаҕас үөрбүттүү умайар,
Кытарбыт чохторун тамнааттаан,
Ким эрэ кэлиэҕин билгэлиир…
 

С мыслями наедине

 
Во дворе всю ночь скулит пурга,
По-собачьи просится в тепло.
Только не пускают в дом врага —
Зря она царапает стекло.
 
 
Или нет? Ведь прогнала же сон!
Разжигаю печку в тишине.
С мыслями своими обречён
Быть теперь всю ночь наедине.
 
 
«Думать – это бесконечный труд!» —
Истина философов Земли.
Мысли бесконечные текут,
И пурга за окнами скулит.
 
 
Но утихнет всё ж в конце концов…
Печь опять стреляет угольком¹⁰.
Марш, пурга-собака, под крыльцо!
Чтобы гости в мой спешили дом!
 

Күһүн курдук…

 
Сааһыраммын дьаахханан
Күнү-дьылы ааҕабыт,
Сылларбытын сайыһан
Өрө тыына хаалабыт.
 
 
Чуумпу күһүн сыл ахсын
Кэлэ турар кэмигэр,
Сирбит үрдүн кэрийэн
Күмүһүнэн бүрүйэр.
 
 
Күһүн курдук кырдьар саас
Байылыаттык барҕардын,
Дьахтар мааны сайынын
Сылааһынан сыдьаайдын.
 
 
Күһүн курдук кырдьар саас
Сонун иэйии аҕаллын,
Олох дьикти сүүрээнэ
Айар дьарык ыалластын.
 
 
Күһүн курдук кырдьар саас
Кэрэ буоллун мэлдьитин,
Күһүн тыллар ньургуһун
Кэхтии кэмин киэргэттин…
 

Как осень

 
Неужто дни становятся короче?
Такой вопрос – как старости приход.
С волнением считаем дни и ночи:
Сколь было их и сколь ещё грядёт?
 
 
Всему свой срок. Но с истиною этой
Никак не примиряется душа.
А осень, поблуждав по белу свету,
В наш край вступает, листьями шурша.
 
 
Вот так и старость властно, словно осень,
Меняет нас снаружи и внутри…
А, может быть, она не злая вовсе
И вдохновеньем поздним озарит?
 
 
В конце концов ведь есть же бабье лето!
Пускай оно, природе вопреки,
Подольше длится нынче у поэтов,
Хотя они не бабы – мужики!
 
 
Всё просто: если быть не хочешь старым,
До срока старца из себя не строй!
…В Якутии подснежники недаром
Рождаются осеннею порой!
 

Эе эрэн!

 
Таайбыт суох туох миигин күүтэрин.
Оттон бүгүн олус дьоллоохпун!
Эгэлгэ өҥүнэн киэргэтэн,
Оһуордуом сирдээҕи олохпун.
 
 
Билбэппин эриэккэс бу сиргэ
Төһө өр ыалдьыттыы кэлбиппин,
Олоҕум тоҥуутун оймообут
Айаным ыллыга сүппэтин.
 
 
Аахпаппын саастарбын харааста,
Барыта анаммыт кэмигэр:
Таптыырга, айарга, тутарга,
Олохтон дуоһуйуу ыларга.
 
 
Куоппаппын ардахха баттатан,
Халлыаҕа – кустугун уматыа,
Хараҥа дьиппиэрбит халлаантан
Былыта дьайҕаран – күн тахсыа.
 
 
Күүтэбин дьол сырдык чыычаҕа
Кыната кылбаҥнаан кэлиэҕин,
Арахсыы кэнниттэн көрсүһүү
Туохха да тэҥнэммэт түгэнин.
 
 
Эн эрэн! Барыта үчүгэй!
Ааспыт күн өйдөбүл кэрэтэ,
Бүгүҥҥү – дьылҕа хаан бэлэҕэ,
Сарсыҥҥы – таайбараҥ эйиэхэ…
 

Ты верь!

 
Изводясь, гадать что впереди,
И какой там у судьбы исход?
Будущее здесь, в твоей груди,
Прямо в сердце у тебя живёт!
 
 
И какой оставишь в жизни след,
Сколько на земле тебе гостить —
Только в сердце ты найдёшь ответ,
Только там все сходятся пути.
 
 
Лишь оттуда вдруг придёт: не зря
Столько повидал уже в судьбе,
Коль над лесом каждая заря
Кажется прекрасною тебе!
 
 
Если веришь: ливень для того,
Чтоб на небе радуга зажглась!
Если знаешь: тучи торжество
В небесах развеет солнце-князь!
 
 
Птица счастья для того лишь друг,
Кто живёт сегодня и сейчас,
Ведая: всегда после разлук
Наступает новой встречи час!
 
 
Лишь к тому всегда судьба добра,
Кто не тщится знать всё наперёд.
Для того, кто не забыл Вчера,
Завтра обязательно придёт!
 

Олох сааскыта

 
Тэһэ аспыт кэриэтэ
Санаан кэллим эмискэ
Ойор тэбэр сылларбын,
Оҕо сааһым сааскытын.
 
 
Доҕоттордуун булсарбыт,
Үрдүк сыырга тахсарбыт,
Салаасканы миинэммит
Сырылаттан түһэрбит.
 
 
Төхтүр сиртэн тэптэрэн
Бурҕас гына суулларбыт,
Санаабытын ол онтон
Түһэрбэппин оҕо дьон.
 
 
Ойон туран тэбэнээт
Дабайарбыт сыырбытын,
Тоҥуу хаары кэһэммит
Ыллыкпытын тэлэрбит.
 
 
Биирдэ өйдөөн аастахха
Оҕо сааспыт барыта
Олох суолун барарга
Бэлэмнэнии курдуга.
 

Весна детства

 
Детства бесшабашная пора —
Словно бесконечная игра!
Именно такою вот она
В памяти моей заключена.
 
 
Мчатся там среди счастливых дней
Санки самодельные друзей!
И мои от них не отстают
Там, где склон горы заветной крут!
 
 
Бугорок? Ну, экая беда!
Мы не унывали никогда,
Даже если санок быстрый бег
Прерывался вдруг полётом в снег!
 
 
Отряхнёшься – и опять вперёд.
Нас горы вершина снова ждёт!
И туда тропу за шагом шаг
Пробивали мы упрямо так,
 
 
Что сегодня верю: в той борьбе —
Подготовка к будущей судьбе,
К одоленью взрослого пути.
В гору жизни по нему идти…
 

Санаабын ситээри

 
Былыттар бытааннык усталлар,
Саҥа хаар наҕыллык суккуллар,
Санаабын былыттар сүгэннэр
Мин ырам биэрэгэр илдьэллэр.
 
 
Халтараан буобутун умнаммын
Санаабын ситээри сүүрэбин,
Халтары тэбинэн охтоммун
Сирдээҕи эйгэбэр төннөбүн.
 
 
Саҥа хаар илиигэ туттарбат,
Салгыҥҥа тэлээрэр туллуктуу,
Ытыспар түһэрэн ылыахпын
Халбарыс гынаннар куоталлар.
 
 
Санаалар саҥа хаар курдуктар,
Ыраҕар тиэрдиэхтии тырымнаат,
Күннээҕи түбүккэ күөйтэрэн,
Күрэнэн мэлийэн хаалаллар…
 

Я бегу вдогонку мыслям

 
«Мыслями витает в облаках!» —
Это ведь про юного меня.
Первый снег вокруг тогда мелькал,
За мечтой несбыточной маня.
 
 
Я бежал, забыв про гололёд,
Наважденью этому вдогон.
Был короткий в небеса полёт
Жёстким приземленьем завершён!
 
 
Что коленка, если я вот-вот
Мысли, как снежинки, обрету!
Но пугливый дивный хоровод
Таял не в руках, а на лету…
 
 
Много лет прошло с тех давних пор.
Но не изменился, видно, я —
За мечтой лечу во весь опор,
А вокруг – снежинки бытия…
 

Соҕотох таммахпын

 
Сүрэхтии ибирдиир
Соҕтох таммахпын,
Сэбирдэх бүүрүгэр
Ыйанан турабын.
 
 
Сиккиэр тыал үрүөҕэ —
Суккуруу сууллуоҕум,
Сир ийэ түөһүгэр
Топ гына түһүөҕүм.
 
 
Таммахтар мустаммыт
Таһымныы туолуохпут,
Эниэни буламмыт
Элэҥнии устуохпут.
 
 
Үтүмэн сүүрүктээх
Үрүйэ буолуохпут,
Үс үөстээх сүнньүлээх
Үрэххэ түһүөхпүт.
 
 
Байҕалаҕа киирэммит
Барылыыр сүүрээм мит
Балкыйар-дьалкыйар
Баараҕай баалланыа.
 
 
Сүрэхтии ибирдиир
Соҕотох таммахпын,
Сириэдийэр байҕал
Сорҕото буолабын.
 

Одинокая капля

 
Я – росинка на листке зелёном,
И с него – на счастье ль, на беду? —
Подчиняясь вечности законам,
Я вот-вот на землю упаду.
 
 
Жизнь моя – не годы, а мгновенья.
Да и те уже наперечёт.
Утреннего ветра дуновенье —
Первый и последний мой полёт.
 
 
А за мною с дерева вдогонку,
Не дождавшись солнечных лучей,
Ринутся весёлые сестрёнки.
И родится на земле ручей!
 
 
А за ним ещё второй и третий,
Все, наверно, и не сосчитать!
Неба одного родные дети,
Будем вместе мы внизу опять,
 
 
Чтобы влиться без раздумий в реку
Всей роднёй – в заветную одну.
А потом отправиться с разбегу
Прямо в океанскую волну!
 
 
Как судьба такая мне желанна —
Испытать единства торжество
Каплей неба, каплей океана,
Каплей силы рода моего!
 

Иккиһин тыллыаҥ дуо, ньургуһун?

 
Элбэх сыл сыл кэнниттэн көрсөммүт
Дууһабын олуһун аймаатыҥ,
Эдэркээн кыыс оҕо буолаҥҥын
Мин уйан сүрэхпин туппутуҥ.
 
 
Эн кэрэ куоласкын сэргээммин
Долгуйа иһийэн истэрим,
Тырымныыр хараҕыҥ мичээрин
Сааскы күн уотугар тэҥниирим.
 
 
Ньургуһун кэриэтэ наскыйан
Хаамаргын кэрэхсии көрөрүм,
Аналым бу баар дии санааммын
Сүрэҕим талбаара тааларым.
 
 
Тулаҕын сулустуу сырдатан
Үҥкүүлээн дьиэрэҥкэй тэбэриҥ,
Ахтыбыт санаабын уоскутан
Түүн түүлбэр кытары киирэриҥ.
 
 
Элбэх сыл кэнниттэн көрсөммүн
Ааспыты эргитэ санаатым,
Сааскы кэм илдьитин аҕалан
 

Иккиһин тыллыаҥ дуо, ньургуһун?
Зацветёшь ли снова ты?

 
Вот и встретились с тобою
Снова через много лет.
Почему не стал судьбою
Той любви далёкой след?
 
 
Почему умолкли струны
Нашей нежности ручья?
О, какой была ты юной,
Первая любовь моя!
 
 
Мой подснежник… Разве создан
Был тогда не для меня?
В небе вспыхивали звёзды,
Счастьем призрачным маня.
 
 
Но тогда оно, казалось,
Наполняло всё вокруг.
О, как сладко танцевалось
Нам, не чаящим разлук!
 
 
Неужели ты готова
Расцвести сегодня вновь?
Но цвести готова ль снова
Наша прежняя любовь?
 

Сиэннэрбэр көрөбүн бэйэбин

 
Күһүҥҥү халлааны кырыйан
Кубалар кылбаҥнаан ааһаллар,
Ханнаный оҕо саас кырдала
Этиҥ дуу, эһиги, кубалар.
 
 
Хаһыҥнаах сарсыарда туманныын
Барсыбыт кырачаан саастарбын
Сүтүктээн мэлдьитин көрдүүбүн,
Түүн түүлбэр кытары көрөбүн.
 
 
Хас күһүн аайытын кэлэллэр
Ол оҕо саастарым эргиллэн,
Оскуолам чуораанын тыаһыныын,
Кырааска абылыыр сытыныын.
 
 
Сиэннэрбэр көрөбүн бэйэбин,
Кырачаан саастарбар төннөбүн,
Олоҕум утума салҕанан
Муҥутуур дьоллоохпун дэнэбин.
 

Во внуках вижу себя

 
В осеннем небе доброе соседство —
Лечу со стаей белых лебедей.
Увидеть бы оттуда снова детство.
Но нет его, беспечного, нигде…
 
 
Не разглядеть его в густом тумане
Плывущих над землёю долгих лет.
Где тот костёр, который не обманет,
Которым был я в детстве обогрет?
 
 
А, может, и не стоит, словно в сказке,
За детством устремляться в облака?
И чудится мне запах свежей краски,
И слышится трель школьного звонка,
 
 
Когда гляжу на внуков в день осенний.
Они сегодня – это прежний я!
Они – моё земное продолженье,
Не повторенье – сущность бытия…
 

Ырыа күрэҕэ

 
Төрөөбүт Туой Хайам аатынан
Ырыа күрэҕэр мин сырыттым,
Ырыаттан – тойуктан астынан,
Дьайҕарда халлааҥҥа былытым.
 
 
Куйаарга эҥсиллэ көтөллөр
Эриэккэс алыптаах дорҕооннор,
Харахпар элэҥнээн көстөллөр
Дойдубун санатар омооннор.
 
 
Арай мин санааҕа баттатан
Хараҕым уулара ыгыллар,
Ахтылҕан арахпат баастара
Аһыллан нүөлүйэн ыллылар.
 
 
Уйатын былдьаппыт көтөрдүү
Ыһыллан тус-туспа барбыппыт,
Амырыын уйулҕа ыарыытын
Аһарар тугу да булбаппын.
 
 
Төлкөтүн түөрэҕин түһэрбит
Төрөөбүт түөлбэлээх буолуохтаах.
Үс кута айыллан үөскээбит
Төгүрүк алааһа күүтүөхтээх.
 

На фестивале песни

 
Для слуха нету ничего чудесней,
Чем сочетанье слов – Туой Хая.
Лишь это имя фестиваля песни
Осталось от тебя, земля моя…
 
 
О, родина моя, где отчий дом когда-то
Был для меня началом всех начал!
Мелодии рассвета и заката
Я столько раз с восторгом там встречал…
 
 
Былое – под свинцовою водою
Да в песнях, что над тундрою звучат.
Но память не смиряется с бедою,
Она, как эти слёзы, горяча.
 
 
Туой Хая… На празднике я плачу.
Птенцами, потерявшими гнездо,
Отсюда мы на поиски удачи
Все разлетелись. А родимый дом…
 
 
Нам некуда на старости вернуться,
Чтобы сказать прощальные слова.
Пусть о земле родимой песни льются,
И слёзы льются. Знать, душа жива…
 

Сөбүлээбэппин

 
Сөбүлээбэппин!
Киһиэхэ аахайбат буолууну,
Бэйэттэн аллараа көрүүнү,
Сэнэбиллээх хаҕыс сыһыаны.
 
 
Сөбүлээбэппин!
Үрдүк сололоох иннигэр
Сирэй көрбөх ньылаҥнастары,
Албыннаһан хаптаҥнааччылары.
 
 
Сөбүлээбэппин!
Иҥсэ-обот быһыыны,
Халыҥ харчыга хараҥаран
Атыыланар суобастаахтары.
 
 
Сөбүлээбэппин!
Тэскэйэр бартыбыал иһин
Бар дьонун сидьиҥник албынныыр
Сыалаах сымыйа тыллаахтары.
 
 
Сөбүлүүбүн!
Көнө судургу сыһыаны,
Үрүҥү үрүҥ диэччилэри
Киһиэхэ киһилии сыһыаннаахтары.
 

Не принимаю сердцем и душою

 
Не принимаю сердцем и душою
Людские равнодушие и спесь.
Хоть отгорожен гонора стеною,
Такой субъект – как ладони весь.
 
 
Не принимаю сердцем и душою
Стремленье подхалимствовать в других.
О, как же любит кое-кто порою
Вылизывать начальству сапоги!
 
 
Не принимаю сердцем и душою
Я жадных и продажных. Никогда
Обманов и афёр антигерои
Быть не должны у века в господах!
 
 
Не принимаю сердцем и душою
Надменное презрение дельцов
К обычаям, заветам и устоям,
Готовых за портфель продать отцов!
 
 
Я принимаю сердцем и душою,
Когда в чести всегда простой народ.
Когда одной судьбой, одной мечтою
Страна, словно одна семья, живёт!
 

Таптал таабырына

 
Таптал таабырынын таайаары
Сүрэх уонна өй мөккүһэллэр,
Үтүмэн үйэлэр тухары
Биир тылы булбакка иирсэллэр.
 
 
Таптал таабырынын кистэлэ —
Киһи аймах олоҕун дьиктитэ.
Мэлдьитин угуйуо, долгутуо,
Эриэккэс эйгэҕэ тириэрдиэ.
 
 
Тапталга ананаллар хоһооннор,
Ырыа иһирэҕэ ылланар.
Тапталтан иэйиилэр үөскээннэр
Күлүмнүүр халлааҥҥа көтөбүт.
 
 
Табыа таптал бэргэн оҕунан,
Иэйии кутаа уотун саҕыаҕа,
Сылаас сүүрээн саба халыйан
Сүрэх өрүкүйэ мөхсүөҕэ.
 
 
Сүрэх, тойон сүрэх дохсуннук
Тапталын туһугар хорсуннук
Ууга-уокка да киирэн ылыа,
Байҕал мууһун уулларыа.
 
 
Өркөн өй бу мантан сонньуйан
Сүрэҕи сэмээрдик сэмэлиэ,
Туһата суох дьарыкка холуйан
Толкуйдаан таптыырга такайыа.
 
 
Сүрэх отой ону ылыммат —
Сүгүрүйэр кини тапталга.
Эдэрдии эрчимэ бараммат,
Хайдах да буомнартан хаайтарбат.
 
 
Сүрэх уонна өй мөккүөрдэрэ
Бүтэр буоллун, арай дьэ биирдэ.
Тулабыт чуумпуруо, иһийиэ,
Таптал кутаа уота өһүөҕэ.
 
 
Баҕарбаппын мин суох буолуоҕун
Сүрэх уонна өй мөккүөрдэрэ,
Таптал таабырына таайыллан
Олох биир дьиктитэ сүтүөҕүн.
 

Тайна любви

 
Тайну эту ни сердце, ни разум
Не могли никогда разгадать.
«Я люблю…» – над заветною фразой
Бьются вместе опять и опять.
 
 
Видно, в этом космическом чуде
Никогда не понять до конца,
Как оно разум дремлющий будит,
Трепетать заставляя сердца.
 
 
Объяснить нам пытались поэты,
Что такое любовь, много раз.
Но, в бесчисленных песнях воспета,
Ускользает загадка от нас.
 
 
Как находят коварные стрелы
Беззащитное сердце в груди?
Почему в ком-то царствует смело
Пламя страсти, а в ком-то чадит?
 
 
Почему этой страсти под силу
Растопить антарктический лёд?
Почему она в нас до могилы,
До последнего вздоха живёт?
 
 
Нет у разума внятных ответов
С незапамятных лет до сих пор:
Что лететь по всему белу свету
Нас во весь заставляет опор?
 
 
Впрочем, сердце совсем и не тщится
Этой тайны разгадку найти.
И без компаса вещая птица
Никогда не собьётся с пути,
 
 
Что начертан любовью земною!
Ну, а если представить, что вдруг
Тайну вечную кто-то откроет?
Сразу станет всё скучным вокруг!
 
 
Разум, спи! Пусть у белого света
Будет вечным сердечный секрет…
Что такое любовь? Пусть на это
Никогда не найдётся ответ!
 

Үрүҥ түүн

 
Нарын-намчы чап-чараас
Кынаттарын сапсынан
Сүрэх үөрэр сып-сылаас
Үрүҥ түүннэр түстүлэр.
 
 
Үөрүү-көтүү үрдээтэ,
Үҥкүү-битии үксээтэ,
Ырыа-тойук дьиэрэйдэ,
Ыһыах ыһар кэм кэллэ.
 
 
Кэрии тыаҕа талахтар
Оһуохайдаан тэйдилэр,
Үрүҥ көмүс утахтар
Толбоннура тохтоллор.
 
 
Түүнү күнү бутуйдум,
Утуйарбын умуннум,
Күнү көрдөөн булбатым,
Ыйы кытта сүтэрдим.
 
 
Таптал уота саҕыллан
Сулус буолан умайда,
Сылааһынан сыдьаайан
Күнү ыйы солбуйда.
 

Белые ночи

 
Над якутским отчим кровом,
Украшением земли
К нам явилось чудо снова —
Ночи белые пришли!
 
 
Ходит радость молодая
Здесь в распахнутых сердцах,
Долгожданный принимая
Праздник солнца – ысыах!
 
 
Это света праздник древний
Оживил родимый край!
Чудится: встают деревья
В хоровод осуахай!
 
 
Спать сегодня не придётся,
Нас несёт заветный круг!
В небе – ни луны, ни солнца,
Но светлым-светло вокруг!
 
 
Свет души Саха – воочью
Кто не видел этот свет,
Приезжайте белой ночью.
Ничего прекрасней нет!
 

Алы гын

 
Түгэхтэн байааммын таһааран
Түһэхпэр оҕолоуу уурабын,
Тарбахпын мөдөөттүк таарыйан
Тимэхтэн тимэҕи баттыыбын.
 
 
Эрэллээх доҕорум, байааным,
Эн туохтан бу маннык хомойдуҥ,
Кэрэҕэ бар дьоҥҥун угуйар
Алгыстаах аналгын умуннуҥ?
 
 
Кылыһах лыҥкыныы тыаһаабат,
Күөрэгэй дьырылыы ыллаабат,
Ытатар-ыллатар дорҕооннор
Күөрэйэн үрдүккэ көппөттөр.
 
 
Өйдүүгүөн, мустубут дьоммутун
Үҥкүүгэ эргитэн үөрдэрбит,
Таптаһар сүрэхтэр булсуһан
Кулууп дьиэ дьолунан туоларын.
 
 
Бастакы тапталбын көрсөрбөр,
Доҕоруом, эн баарыҥ миигинниин,
Алыптаах музыка тылынан
Эппитиҥ киниэхэ иэйиибин…
 
 
Кэм-кэрдии аастаҕын аайытын
Олохпун анааран ылабын…
Тарбаҕым мастыйбыт диибин да,
Мин дууһам мастыйбыт быһыыта.
 
 
Алы гын, байааным барахсан,
Кэрэттэн мин улам тэйбиппин,
Бу олох түбүгэр баттатан
Эйигин ум нубут эбиппин.
 

Прости

 
Свой старый баян, как ребёнка, кладу на колени.
Давно чёрно-белые кнопки его не ласкал.
И кажется, что, отвечая на прикосновенья,
Ответною лаской дрожат инструмента бока.
 
 
Мой преданный друг, не грусти. Хоть и мне тоже грустно.
Негоже печалиться детям родимой земли.
Ведь мы рождены, чтобы общее наше искусство
Могло бы, заветное, добрых людей веселить.
 
 
Отвыкли мы оба от счастья рожденья мелодий,
От тех заповедных, единственных, чистых минут,
Когда говорили о нашем дуэте в народе:
«Вот это душевно! Вот это ребята дают!»
 
 
О, как мы давали! В деревне и танцы – не танцы
Без нашей, напарник, с тобой вдохновенной игры!
И в памяти нашей беспечные пары кружатся,
Как звонкое счастье далёкой прекрасной поры.
 
 
Оно и сейчас каждой ночью в моём изголовье —
С тех танцев приносит его молодой ветерок.
Мой мудрый баян, ты и мне с настоящей любовью
Когда-то увидеться тоже впервые помог.
 
 
Но не повторится заветное чудо… Едва ли…
Осталась лишь в памяти наша с тобою игра.
И пальцы мои, как кора, заскорузлыми стали.
Иною у старого дерева быть и не может кора…
 
 
Прости, мой баян, за преступную краткость мгновений,
Которые я отдаю не во сне – наяву
Тебе одному. Вот держу я тебя на коленях —
И, значит, не зря я на белом на свете живу…
 

Сахам тылын таптыыбын

 
Сахам тылын таптыыбын:
Сэттэ өҥөөх кустуга
Күндүл халлаан күөнүгэр
Күлүмүрдүү оонньуурун.
 
 
Сахам тылын таптыыбын:
Хоһуун булчут өбүгэм
Сыыспат бэргэн ытыытын
Санатарын сэргиибин.
 
 
Сахам тылын таптыыбын:
Хоту дойдум кэриэтэ
Хостоотоххо хороммот
Барҕа баайын сөҕөбүн.
 
 
Сахам тылын таптыыбын:
Сындалыйбыт сөрэхпин
Саамал кымыл утахтыы
Сөрүүкэтэн киирэрин.
 

Люблю якутский язык

 
Язык саха – на белом свете
Прекрасней не было, чем он!
Он – радужное многоцветье
Во весь якутский небосклон!
 
 
Язык саха – о, как он меток!
Стрелять не в бровь, а прямо в глаз
Умение охотник-предок
Оставил каждому из нас!
 
 
Язык саха – любая фраза
В нём, удивительном, всегда,
Подобно вечному алмазу,
По-настоящему тверда!
 
 
Язык саха – в нём столько смысла!
Якуту он – отец и мать,
Что чашей доброго кумыса
Гостей нас учат привечать!
 

Ытык иэс

 
Уол оҕо саас туолан, барбыта
Саллааттыы – ытык иэс толоро,
 
 
Хаалбыта Чуоната харааста,
Оонньообут Хайата сайыһа.
 
 
Үс сыл ааспыта биир күннүү,
Саллаат уол кэлбитэ эргиллэн,
 
 
Кэтэһэр дойдутун көрсөөрү,
Ахтылҕан аргыстаах тиэтэйэн.
 
 
Бу тугуй?! Кимэ да көрсүбэт —
Бар дьоно үүрүллэн көспүттэр,
 
 
Иэримэ дьиэлэрин быраҕан,
Төрөөбүт сирдэрин хаалларан.
 
 
Дойдутун сүтэрбит саллаат уол
Сөҥүөрэ иһийэн тураахтыыр,
 
 
Эдэркээн сүрэҕэ ылыммат,
Түүлэ дуу, илэ дуу, саарбахтыыр.
 
 
Тимирбит дойдутун үрдүгэр
Хоптолор аймана көтөллөр.
 
 
Барыны барытын мэҥиэстэр
Иҥсэлээх долгуннар мөхсөллөр.
 
 
Ол көстөр үс хас оройо
Олоххо тардыһыы туоһута,
 
 
Дойдутун ордубут сорҕото
Күүһүгэр эбии күүс куппута.
 
 
Аҕалыы алгыс тыл эҥсиллэр:
Эрэлгин сүтэрэр буолума,
 
 
Дойдутун үтүөтү ааттатар
Ол эн ытык иэһиҥ – умнума!
 
 
Олохпут бу манан тохтообот —
Ньургуһун саас аайы тыллыаҕа,
 
 
Күөрэгэй чыычааахпыт ыллыаҕа,
Удьуорбут утума салҕаныа…
 

Долг перед родиной

 
Гора Туой Хая, любимая гора.
Призывнику пришла прощаться с ней пора.
 
 
С Чуоною-рекой, подружкой с детских лет.
Она ему потом бежала долго вслед…
 
 
Всегда дней ручейки к потоку лет спешат…
Три года отслужив, пришёл домой солдат.
 
 
Вела его назад, прекрасна и чиста,
О стороне родной заветная мечта,
 
 
Где радостью большой закончится поход!
Но ничего солдат сейчас не узнаёт…
 
 
Растерянно глядит на родину окрест:
Неужто нет на ней уже родимых мест?
 
 
Как сердце примирить с огромною бедой:
Старинное село сегодня под водой…
 
 
Он слышит наяву печальный плеск волны:
Его очаг и дом под ней погребены…
 
 
Запомнит навсегда он горький этот миг:
Свинцовая вода и жадных чаек крик.
 
 
Отныне так и жить с израненной душой?
Нет родины его – ни малой, ни большой…
 
 
Злой дух крыла свои над нею распростёр.
Что это? Над водой – вершины прежних гор!
 
 
Туой Хая жива! Всевышний уберёг
Для сердца паренька заветный островок.
 
 
Оттуда ветерок как будто шелестит:
«Да будут у тебя счастливыми пути!
 
 
Благословил тебя в дорогу отчий край.
Ты никогда, сынок, о нём не забывай!
 
 
Пусть испытанья ждут тебя в судьбе земной,
Но знай: зима всегда сменяется весной!
 
 
И жаворонок вновь победно запоёт
О том, что жив наш род, а, значит, жив народ!»
 

Бу да ааһыаҕа

 
Санаам түспүт кэмигэр
Халлаан кытта бүрүйэр,
Халыҥ былыт кэннигэр
Курус күнүм кирийэр.
 
 
Эркин хааччах иһигэр
Өйүм-санаам тууйуллар,
Ыраас ымыы иэйиилэр
Ырааҕынан тумналлар.
 
 
Орто туруу дойдуга
Устар уостар барыта,
Бу да эмиэ ааһыаҕа
Симэлийэн сүтүөҕэ.
 
 
Дьолуо халлаан халлыаҕа,
Былыттарын ыһыаҕа,
Күммүт күлэн тахсыаҕа,
Сүргэм үөрэн ыллыаҕа…
 

И это пройдёт

 
Если душа твоя стонет, скорбя,
Кажется, тяжестью всех облаков
Давит небесная твердь на тебя
Так, что от боли ты сдаться готов
 
 
Горю, тоске, безысходности, но
Противоядьем целебным от бед
В душу прорвётся твою всё равно
Вечной надежды загадочный свет.
 
 
Силою слова зовётся она —
Неодолимая жажда творить!
Вера в неё стихотворцу дана,
Словно к спасенью заветная нить.
 
 
Солнечным будет опять небосклон,
Сгинут неверия в жизнь облака,
Коль выполняя извечный закон,
Строчки выводит поэта рука…
 

Бүгүн уонна бэҕэһээ

 
Кэрэ кэми кэтэһэ,
Кэрэ дьолго эрэнэ,
Сырдык ыра санаалаах
Саҕалыыбыт хас күнү.
 
 
Бүгүн уонна бэҕэһээ
Олох икки кэрчигэ —
Хатыламмат түгэннэр
Хаҥыл аттыы түргэннэр.
 
 
Бэҕэһээҥҥи кэмнэргэ
Бүгүҥҥүбүт түстэнэр,
Оттон бүгүн олохпут
Саҥа хаарын оймуубут.
 
 
Биһигири күүтэллэр
Дабайбатах очуостар,
Ыраах көстөр саҕахтар,
Ылламматах ырыалар.
 
 
Кэрэ кэми кэтэһэ,
Кэрэ льолго эрэнэ,
Сырдык ыра санаалах
Саҕалыыбыт хас күнү.
 

Сегодня и завтра

 
Начинается завтра сегодня!
Чтоб удача ждала впереди,
Ты поступки свои, словно сходни,
В основанье дороги клади!
 
 
Той дороги, которою к счастью
Завтра мчаться мгновеньям твоим.
Каждый, верю, над будущим властен,
Коль живёт по законам любви.
 
 
Как же это действительно просто —
Только доброе нынче верши —
И вчерашняя злобы короста,
Глядь – сегодня сползает с души.
 
 
Утверждаю, друзья: завтра – это
То, что сделать сегодня готов!
Столько песен прекрасных не спето,
Столько главных не сказано слов!
 
 
И поэтому нет путеводней
Этой истины вечной звезды:
Начинается завтра сегодня,
Счастье дарит оно за труды!
 

Кинигэ – үтүө учуутал

 
Кинигэ курдук үтүө
Учуутал суох бу сиргэ,
Кини курдук эрэллээх
Доҕор эмиэ көстүбэт.
Санаа самнар кэмигэр
Хоһоон көмүс тылынан
Куккун-сүргүн көтөҕүө,
Өрөгөйгүн үрдэтиэ.
 
 
Кинигэ суох дьиэтигэр
Курус-чуҥкук буолааччы,
Оннук дьиэттэн тоҕо эрэ
Кутум сүрүм куотааччы.
Кинигэ аахпат киһи
Муммут оҕо кэриэтэ,
Уута уолбут үрэхтии
Куура хатар мэйиитэ.
 
 
Кинигэлэр симиллэн
Долбуур сиһэ хотойбут,
Элбэхтик да ааҕыллан,
Элэйбиттэр имиллэн.
Ыалдьытымсах ыаллардыы
Үөрэ-көтө көрсөллөр,
Сэһэннэрэ-сэппэннэрэ
Элбэҕинэн сөхтөрөр.
 
 
Үйэлэртэн үйэҕэ
Киһи аймах өйүнэн
Ситиһиитин, билиитин
Муспут эбит кичэйэн.
Кинигэбит биһиэхэ
Дьүүктэ ыраас уутунуу,
Утахпытын ханнарар,
Билиибитин хаҥатар…
 

Книга – лучший учитель

 
Лучше книги учителя нет,
Да и друга верней не найдёте.
Обойди ты хоть весь белый свет,
Облети на ковре-самолёте,
Только в книге – совет и завет,
Только в книге – лекарство для плоти
И души от печалей и бед.
Только в этом! Поэт – он не против!
 
 
Потому что одна лишь строка,
Коль прочитана вовремя будет,
Дождевые пробьёт облака
И заветное солнце разбудит!
Дом без книги – не дом, а тоска.
И живётся невесело людям,
Если книга – уже не река,
А вонючая жидкость в сосуде.
 
 
О, Создатель, никто и не пьёт
Эту мёртвую горе-водицу.
Но бывает наоборот,
Если к чтению сердце стремится,
И потерян давно уже счёт,
Сколько раз шелестели страницы,
Выпуская в заветный полёт
Долгожданную вещую птицу!
 
 
Ту, что вечную мудрость несёт
И могучую силу открытий.
Крылья с ней обретает народ,
Только с ней он – народ-победитель
В битве зла и добра, где исход —
Лишь за правдой, иного не ждите!
В путь за ней, книгочеи, вперёд!
Ждёт вас книга – и друг, и учитель!
 

Суруллубатах хоһоонум

 
Суруллубатах хоһоонум —
Төрүү илик мин оҕом
Кэлэр кэмин кэтэһэбин.
Хайдаҕын туоҕун билбэппин,
Билбэппин сириллэрин
сөбүлэтэрин,
Төһө уһун үйэлэнэрин…
 
 
Суруллубатах хоһоонум
Туох туһунан туойуон,
Кими иэйэ хоһуйуон,
Сэрэйбэппин, таайбаппын.
Баҕар маҥмн хаар туһунан,
Эбэтэр таптал таабырынын
Таба таайан арыйыа…
 
 
Суруллубатах хоһоонум,
Сүрэҕим кыымыттан
Саҕыллыбыт айымньым!
Эрэҥкэдийэ эрэнэбин,
Ыал кыра-мааны оҕотунуу,
Күүттэрилээх күндү киһитинии
Нарын-намчы, истиҥ-иһирэх
буолуоҕар.
 

Стихи, которые ещё не написал

 
Нерождённые стихи,
Вы – как будущие дети.
Не хочу, чтобы плохим
Этот мир вас чем-то встретил,
Чтобы за мои грехи
Оказались вы в ответе.
 
 
Нерождённые слова,
Суждено соединиться
Вместе, долгожданным, вам.
Вам, прекрасным вещим птицам,
Может, суждено открыться
Тайне: чем любовь жива…
 
 
Нерождённые мои…
Муза, творческие муки
И поэзии ручьи…
Жить недолго нам в разлуке,
Дети, счастья соловьи,
К вам протягиваю руки…
 

Киһи кыайыа өйүнэн

 
Киһи аймах айманна,
Аан алдьархай ааҥнаата —
Хоруоналаах дьаҥ дьайа
Аан дойдуну сутуйда,
Өлүү-сүтүү үксээтэ,
Харах уута халыйда.
 
 
Мөкү сурах тарҕаата,
Үрүҥ күммүт өлбөөрдө,
Огдолуйда олохпут…
Туох таҥнары кыраата,
Ханнык ыар аньыы иэһин
Биһигиттэн ирдээтэ?
 
 
Айылҕабыт айгырыыр
Содула эбитэ дуу?
Сиэри-туому кэһиибит
Иэстэбилэ кэллэ дуу?
Эбэтэр икки атах
Бэйэтинэн айда дуу?
 
 
Харах көрбөт өстөөҕүн
Киһи кыайыа өйүнэн,
Сиэмэх ыарыы хотторон
«Хоруоната» туллуоҕа,
Үрдүк мэҥэ аналбыт
Бу да дьаҥы кыйдыаҕа!
 
 
Оччоҕуна сир ийэ
Өссө ордук чэлгийиэ,
Атааннаһыы умнуллуо,
Сэрии уота умуллуо,
Кэрэ кэммит кэлиэҕэ,
Ырыа-тойук дьиэрэйиэ.
 

Человек победит

 
В наш мир пришла беда —
Проклятая «корона».
Неужто навсегда
Страданье миллионам?
Неужто слово «да» —
Ответ на эти стоны?
 
 
Кто человечий род
Проклятьем припечатал?
За что огнём невзгод
Сейчас земля объята?
Откуда он грядёт
В родимые пенаты?
 
 
Неужто белый свет
Отныне чёрным будет?
А, может, в том ответ,
Что виноваты люди?
Природу столько лет
Своим бездумьем губим!
 
 
Спасенья берега
В реке безверья тонут…
Но пропадут снега
По солнечным законам!
С незримого врага
Слетит его «корона»!
 
 
И доброты лучу
Откроет мир объятья!
Так верить я хочу,
Что мы сметём заклятье!
Всё миру по плечу,
Когда все люди – братья…
 

Эн ыллаа, хомуһум

 
Кэрэ кыыс хомуһун таһааран
Килбиктик уоһугар даҕайар,
Тарбаҕын быыһынан сыыйыллан
Абылыыр дорҕооннор дайаллар.
 
 
Дьырылыыр бу дьикти сүүрээннэр
Куйаартан кутуллан түһэллэр,
Эрчиммэр эрчими эбэннэр
Мин этим сааһынан сүүрэллэр.
 
 
Хомуһум дьүрүскэн тыаһыгар
Истэбин күөх дуолга көтүтэр
Хаҥыл ат дэгэрэҥ айанын,
Өлүөнэ эҥсиллэр балкыырын.
 
 
Истэбин Туймаада ыһыаҕар
Оһуохай оһуордаах алгыһын,
Ыйдаҥа абылаҥ түүнүгэр
Сур бөрө улуйар эҥсиэлин.
 
 
Сөрү-сөп быһыылаах-таһаалаах
Хомуспут сүрэххэ майгынныыр,
Уйаҕас-сайаҕас дууһулаах,
Ытыыры-үөрэри да сатыыр.
 
 
Эн ыллаа, киэн тутта хомуһум!
Саймаархай сахалыы тылынан,
Хас киһи сүрэҕин долгутан,
Санньыйбыт санаатын саататан…
 

Пой, хомус!

 
Так льнёт к устам красавицы хомус,
Как будто с ними долго был в разлуке.
И, ощутив их долгожданный вкус,
Рождает удивительные звуки!
 
 
Как будто из космических глубин
Мелодия приходит неземная,
В меня, владельца старческих седин,
Энергию могучую вливая!
 
 
И снова я – весёлый боотур¹¹,
Летящий на коне у вечной Лены,
Готовый быстрокрылую мечту
Догнать, ручною сделать непременно!
 
 
Подарит мне моя Туймаада¹²
Благословение осуохая.
Хомус поёт об этом. Молода
Всегда его мелодия святая!
 
 
На сердце инструмент похож не зря —
Звучит его космическая песня,
Как над Якутском вещая заря,
О том, что в мире доброта воскреснет!
 
 
О том, что злобы человечьей груз
Развеет утро, словно злые тучи!
Целуй, целуй красавицу, хомус,
Пусть каждый слышит голос твой певучий!
 

Дьылҕам чаһыта

 
Мин дьылҕам чаһыта тыһырҕаан
Олоҕум күннэрэ таммалыыр,
Сүрэҕим сүр күүскэ тэбиэлээн
Үйэбит кылгаһын санатар.
 
 
Чиргэл тиит мутугар биэтэҥнии
Туолбут ый мөлбөйөн олорор,
Кэпсээбэт кистэлбин билээри
Хардыыбын аахтара одуулуур.
 
 
Кэридэх тыал түбүктэн сылайан
Түлүк уу абыгар ылларар,
Сымара таас буолан барыйан
Түлэй түүн сабардыы халыйар.
 
 
Бу курдук олоҕум айанын
Биир күнэ аастаҕа түргэнин,
Дьылҕа хаан чаһытын хаамыытын
Бытаардар кыах суоҕа абатын…
 

Часы судьбы

 
Часов судьбы неумолимый ход.
Сосулек-суток тающих капели.
Как быстро время на земле течёт!
И сердце бьётся чаще… Неужели?
 
 
Спросить об этом разве у луны,
Что вечною совой сидит на ветке?
Перед её бесстрастностью равны
Все на земле – мои друзья и предки…
 
 
Бродяга-ветер, ну-ка, отвечай:
Неужто время потекло быстрее?
Молчит. Заснул до первого луча,
Который утром землю обогреет.
 
 
Что спрашивать? Известен мне ответ:
Нет у судьбы обратного отсчёта.
Её часы. На них немало лет
Моих. Но как же их продлить охота…
 

Ыйытыма

 
Саастаах киһи түүлүгэр
Сатаан көппөт дэһэллэр,
Санаам сырдык сыырыттан
Түһээн көттүм мин бөлүүн.
 
 
Ыйытыма миигиттэн
Сааһым төһө буолбутун,
Чанчыктарбын саҥа хаар
Хаста саба түспүтүн.
 
 
Өссө даҕаны астына
Тыҥ хатыыта, сарсыарда,
Саҥа күммүт тахсыытын
Көрсүбэтим барытын.
 
 
Сибэккилээх кырдалга
Тахсан сэргии иликпин —
Айыы мааны көтөрүн
Кыталык дьикти үҥкүүтүн.
 
 
Чуумпу нуурал киэһэҕэ,
Сүрэх иэйэр кэмигэр,
Халлаан баһаам сулуһун
Ситэ кыайан аахпатым.
 
 
Ыйытыма миигиттэн
Сааһым төһө буолбутун,
Чанчыктарбын саҥа хаар
Хаста саба түспүтүн…
 

Не спрашивай

 
«Летать во сне лишь молодым дано», —
Так говорят. Но ведь неправда это!
Хоть в юных я не числюсь, все равно
Во сне летаю. Вот и верь приметам!
 
 
Не спрашивай меня: «А сколько лет
Оставил ты сегодня за спиною?»
Ну, что с того, что я давно уж сед?
У нас снега зовутся сединою!
 
 
Не надоело мне встречать пока
Рассветы над любимою землёю!
Взлетаю я во сне под облака,
А утром полон радостью ночною!
 
 
Я видел белых стерхов много раз
Волшебный танец¹³. Значит, по поверью,
Скопил я столько счастья про запас,
Что больше и не надо! Нет, не верю!
 
 
Не нагляжусь на чудо всё равно,
На чудо, что Якутией зовётся!
Не знаю, сколько мне ещё дано
С улыбкой любоваться этим солнцем
 
 
Моей Саха, моей святой звезды,
Но только в ней моя судьба и доля!
И потому останусь молодым
И полетаю в сновиденьях вволю…
 

Толкуйдаа

 
Күннээҕи түбүккэ ыктаран
Чугастык алтыһар дьоммутун
Ардыгар холустук саҥаран,
Хоммотон кэмсинэ саныыбыт.
 
 
Биһиги саҥарар хас тылбыт
Көтөр чыычаах буолбатах,
Кинини кыайан туппаккын,
Килиэккэҕэ хаайбаккын.
 
 
Хаҕыстык этиллибит тыллар
Кырыктаах оноҕос курдуктар,
Сүрэххин кинилэр табаллар,
Арахпат ыарыылыы аалаллар.
 
 
Ханнык да куйцаҕы кэтэҥҥин
Сүрэҕи көмүскүүр кыаллыбат,
Ытыскын хаххалыы туттаҥҥын
Дууһаҕын даҕаны саппаккын.
 
 
Саҥарыах иннинэ толкуйдаа
Хас тылыҥ суолтатын кичэйэн,
Хомолто мунньуллан, улаатан
Бэйэҕэр төннөрүн умнума…
 
 
Күннээҕи түбүккэ ыктаран
Чугастык алтыһар дьоммутун
Ардыгар холустук саҥаран
Хомотон кэмсинэ саныыбыт.
 

Подумай

 
Обижаем близких в суете,
Торопясь на жизненной аллее.
Говорим слова совсем не те,
А потом о сказанном жалеем.
 
 
Правду говорят: «Не воробей —
Каждое нечаянное слово!»
Хоть потом порою без затей
В клетку посадить его готовы.
 
 
Только где там… Слово – как стрела,
Да ещё пропитанная ядом,
И от сотворённого им зла
Нет в душе защиты и преграды…
 
 
Чтоб родное сердце уберечь,
Поднимись над вечной суетою,
Придержи язык. Пусть лучше речь
Будет ручейком, а не рекою.
 
 
О, не зря в народе говорят
Про святую чистоту колодца.
Испоганишь воду – и назад
Прежним слово больше не вернётся…
 
 
Обижаем близких в суете,
Торопясь на жизненной аллее.
Говорим слова совсем не те,
А потом о сказанном жалеем…
 

Улуу худуоһунньук

 
Айылҕа – улуу худуоһунньук,
Дьүһүйбүт күһүнү ураннык,
Кырааска арааһын булкуйбут,
Хартыына ааттааҕын суруйбут.
 
 
Көрөбүн, үөр куба кылбаҥнаан
Дойдутун хаалларар айанын,
Кырдьаҕас хатыҥтан арахсан
Сэбирдэх тэлимниир үҥкүүтүн.
 
 
Атахсыы, атаарыы түгэнин
Бэргэнник даҕаны арыйбыт —
Көтөрдөр бараллар төннөөрү,
Сэбирдэх иккиһин тыллаары…
 
 
Сис тыаны, астыгыан, көрөргө —
Саһархай өҥүнэн дуйдаабыт,
Араҕас, от күөҕэ өҥнөргө
Кыһылы булкуйан тупсарбыт.
 
 
Абылыыр эриэккэс көстүүттэн
Дойдубар тапталым күүһүрэр,
Бу маннык кырдьар саас күһүнэ
Күлүмнүүр көмүскэ сууланнар…
 

Великая художница

 
Как же славно, матушка-природа,
Нынче осень написала ты!
Разве есть под этим небосводом
Краски ярче, чем твои холсты?
 
 
Как же трудно лебединой стае
Расставаться с этой красотой!
Кажется, что нехотя взлетают
Птицы над берёзой золотой…
 
 
Расставанья грустною картиной
Как же ты внушить сумела мне
Веру в то, что стае лебединой
Суждено вернуться по весне?
 
 
Что цвета разлуки и печали
Сменят краски лучезарных дней,
И зазеленеют снова дали
Под рукой волшебною твоей?
 
 
Так да будет! Чудо-мастерица,
Нет твоих прекраснее картин!
Золотою осенью гордится
В ожидании весны твой сын…
 

Хотугу сулуһум

 
Ханна да сылдьаммын,
Ханнык да халлаантан
 
 
Суохтааммын көрдүүбүн
Хотугу сулуспун.
 
 
Хотугу сулуһум
Үөһэттэн мичээрдиир,
 
 
Тапталлаах мин дойдум
Сыдьаайын бэлэхтиир.
 
 
Хотугу сулуһум,
Эйигин көрөммүн
 
 
Тус хоту кыраайым
Илдьитин тутабын.
 
 
Үөрүүбүн үллэстэн
Чаҕылла сырдыыгын,
 
 
Мунаарар кэмнэрбэр
Эн суолдьут буолаҕын.
 
 
Хотугу сулуһум,
Эйигин көрдөрбүн
 
 
Ыраах да сылдьаммын
Дойдубар чугаспын.
 

Полярная звезда

 
Пусть далеко от дома я,
На небесах в чужих краях
 
 
Я обязательно найду
Мою Полярную звезду.
 
 
Мою! Её высокий свет —
Далёкой родины привет!
 
 
От края холода и вьюг,
Где всё полярное вокруг!
 
 
Сияньем северным она
Для нас, якутов, рождена!
 
 
Укажет верный путь всегда
Саха Полярная звезда!
 
 
Ведёт за счастьем мой народ
И заблудиться не даёт!
 
 
Мы с незапамятных времён
Глядим на звёздный небосклон
 
 
В родных, чужих ли нам местах,
Как говорится, неспроста.
 
 
С тобой, Полярная звезда,
Мы дома всюду и всегда!
 

Бэҕэһээҥҥи мууһунан

 
Бэҕэһээҥҥи мууһунан
Киһи туоруур өрүһү,
Куттанарын да умнан
Сарсыҥҥыны көрсөөрү.
 
 
Олох, өлүү быыһынан
Барар кини сэрэнэ,
Сытыы быһах биитинэн
Хааман иһэр кэриэтэ.
 
 
Киһи көҥүл майгыта,
Хаҥыл, хорсун санаата
Хааччахтартан иҥнибэт,
Күөмчүлүүрү билиммэт.
 
 
Уҥуор көстөр кытылга
Тиийэр баҕа кэнэйдиир,
Хотолдьуйар чэҥ мууска
Атах суола кэккэлиир.
 
 
Бэҕэһээҥҥи мууһунан
Киһи туоруур өрүһү,
Сэрэх, бигиир хардыынан,
Саҥа хаамар оҕолуу.
 

По вчерашнему льду

 
Встал на реке вчера лишь лёд,
В который превратился снег.
К другому берегу идёт
Нетерпеливый человек.
 
 
Как будто подождать не мог,
Когда окрепнет скользкий путь…
Он по реке наискосок
Идёт. А, может, жизни суть
 
 
В этом и есть? Преодолеть
Сомнения, шагнув туда,
Где прямо под ногами смерть
Проносит времени вода,
 
 
Где лишь мгновенье до беды,
Где откровенье – каждый шаг.
Зато оставит здесь следы
Первопроходца тот смельчак!
 
 
Дитя, мудрец иль идиот
Который год, который век
К другому берегу идёт
Нетерпеливый человек…
 

Айылҕа уйаннык ытаата

 
Хараҥа халлааны хайытан
Саа уоһа уотунан уһуурда,
Уу нуурал чуумпуну соһутан
Эмискэ тэргэннии эһиннэ.
 
 
Туруйа сүрэххэ табыллан
Суулунна, хатаннык кыланаат,
Доҕорун соҕотох хаалларан
Кырдалга кынатын тэлгээтэ.
 
 
Айылҕа уйаннык ытаата —
Биир кэрэ симэҕин сүтэрдэ,
Күлүм күн кытары өлбөөрдө —
Сир үрдэ боруора лүҥкүрдэ?
 

Плач природы

 
Грянул выстрела гром над землёй на рассвете,
И окрасилась алою краской заря.
Что ж, одним журавлём стало меньше на свете —
Знать, заряд не пропал у охотника зря…
 
 
И опять на земле стало чинно и тихо.
Только в небо подняться напрасно зовёт
Неудачника-друга его журавлиха.
Для него навсегда завершён перелёт…
 
 
Люди, слышите: плачут листва и хвоинки.
Неужели с природой утрачена связь,
Чтоб не видеть: багрова роса, как дробинки,
На которых безвинная кровь запеклась?
 

Саахымат

 
Саахыматы сөбүлээн
Оҕо саастан ооньуубун,
Үрүҥ-хара килиэккэ
Кистэлэҥин көрдүүбүн.
 
 
Улууттуйа чонойор
Хоруол тойон сэрэйбэт —
Уҥа-хаҥас хаамтарар
Муҥур тойон мин эбээт.
 
 
Икки өҥнөөх дьураанан
Сулуоннарым сүүрэллэр,
Килиэккэлээх хонуунан
Аттаах сэриим көтүтэр.
 
 
Сатыы сэрии чугуйбат —
Сатаан хаампат кэннигэр,
Көнө суолтан туораабат
Толук буолар аналлаах.
 
 
Хааннаах сэрии буолбатах —
Эстибэттэр тэргэннэр,
Сытыы албас суолталаах —
Өркөн өйдөр киирсэллэр.
 
 
Саахымакка ылларан
Сыралаһан оонньоотум,
Үрүҥ хара солбуйсан
Күммүн-түүммүн бутуйдум.
 
 
Арыт кыайыы үөрүүтүн
Билэн санаам өрөйөр,
Хоттороммун хараастан
Тула өттүм өлбөөрөр.
 
 
Ыра санаам ымыытын —
Ситтэрбэти ситтэрбиэн,
Алта уон түөрт килиэккэ
Таайбараҥын биллэрбиэн.
 

Шахматы

 
Друг мой, в шахматы играю
Я с далёких детских лет,
Но никак не разгадаю
Чёрно-белый их секрет.
 
 
Вот король – хоть главный, вроде,
А послушен мне вполне!
По моей команде ходит
Прямо с пешкой наравне!
 
 
Где ещё слонов видали,
Кроме шахматной доски,
Чертящих диагонали,
А не прущих напрямки?
 
 
Здесь у конницы забота —
Сделать похитрее ход.
Лишь пехота – как пехота —
Только прямо и вперёд!
 
 
О, волшебные мгновенья,
Где идёт без дураков
Не кровавое сраженье —
Состязание умов!
 
 
Пораженье и победа,
Ночь и день – как череда
Клеток, где азарт неведом?
Ведом! Да ещё какой! О, да!
 
 
Шестьдесят четыре тайны —
Вот их сколько на доске!
Замираю не случайно
Я с фигурою в руке…
 
 
Я – философ и мыслитель,
Полководец и стратег.
Шахматы мои, храните
От войны наш бурный век…
 

Кырдьык уонна сымыйа

 
Кырдьык уонна сымыйа
Утарыта икки күүс,
Сырдык уонна хараҥа —
Бииргэлэспэт күннээх түүн.
 
 
Улуу Тукаай эппитэ,
Бөлүһүөктүү анааран:
«…Кырдьык ууга тимирдэ
Сымыйаҕа хотторон…»
 
 
Дьааттаах моҕой – сымыйа,
Сүлүһүнэ сутуйар,
Хобу-сиби тарҕатан
Сиэри-туому булкуйар
 
 
Көһүтэбит эрэнэ
Кырдьык үөһэ дагдайыан,
Сытыы-хабыр сэриигэ
Сымыйаны кыайыаҕын.
 
 
Тимириэҕэ Сымыйа
Хара дириҥ далайга,
Ньамах буолан сытыйыа,
Симэлийэ сүтүөҕэ.
 
 
Оччоҕуна Сир ийэ
Өссө ордук киэркэйиэ,
Үөрүү-көтүү үрдүөҕэ,
Хааннаах кыргыс сүтүөҕэ…
 

Правда и ложь

 
Да, ложь и правда, тьма и свет —
Две стороны медали.
И неразлучней пары нет.
А, может, есть? Едва ли!
 
 
Не зря Тукай писал о том,
Что правды больше нету —
Ложь правду в омуте речном
Сгубила без ответа.
 
 
Ложь – ядовитая змея.
Но есть противоядье.
Оно из чистого ручья,
Где очень тесно правде.
 
 
За веком век, за годом год
Как чуда, жаждут люди,
Что будет всё наоборот.
Как? А вот так всё будет:
 
 
Правда из омута всплывёт,
Ручей рекою станет.
Ложь обретёт один исход —
В том омуте и канет!
 
 
О, как же хочется, чтоб так
На самом деле было!
Да будет каждый новый шаг
Наполнен правды силой!
 

Бүлүү сиэнэ – бүлүүчээн

 
Бүтэй Бүлүү хонноҕор
Бүгэн сытар Бүлүүчээн,
Сааскы кэмим сирэмэр
Эргиллэммин тиийдэрбин.
Онно кулан санаабар
Күнүм ордук сырдыга,
Халлаан бары сулуһа
Миэхэ тыгар курдуга.
Дойдубуттан аан бастаан
Тэлэһийэн барбытым,
Уһуйуллан, үөрэнэн
Билии-көрүү ылбытым.
Оҕо дьоннуун билсиһэн
Доҕор-атас булбутум,
Атах тэпсэн олорон
Ыраланар буоларбыт.
Күүстээх үлэ күүрээнэ
Оргуйара бу манна,
Олох сырдык сүүрээнэ —
Ырыа-тойук баһаама.
Бүлүү көмүс сүүрүгэ
Күлүмүрдүү сүүрэрэ,
Ахтар дойдум сонунун
Ааһан иһэн кэпсиирэ.
Сырдыгынан сыдьаайар
Бүлүү сиэнэ – Бүлүүчээн,
Ыраах сиртэн ыҥырар
Ыальытымсах Хордоҕой.
 

Вилючан¹⁴

 
Глухой Вилюй, на берег твой
Хочу вернуться я порой.
Там для моих односельчан
Был краем света Вилючан!
Село, куда нас, школяров
Впервые из родных краёв
Учиться привезли туда,
Где солнце ярче, а вода
Светлее, чем в родной реке…
Она осталась вдалеке.
Гостеприимный Вилючан
Добром на улицах встречал.
Как будто дружная семья
Мне были новые друзья!
Ходил я с ними в школьный дом
Мечтать о будущем своём,
Где к счастью путь – один для всех!
Учиться плохо было грех.
И помню я через года,
Как весело жилось тогда.
Глухой Вилюй, вот берег твой.
Вот Вилючан иль Хордогой —
По-разному зовут село,
В котором жить мне повезло.
Как память о тебе сладка,
Моя студёная река.
Я знаю, встреча впереди.
К тебе приеду скоро. Жди…
 

Эн миэхэ этимэ, сулусчаан

 
Алгыстаах Саҥа дьыл түүнүгэр
Кууһаллар уйаҕас иэйиилэр,
Дьүкээбил күлүмүн анныгар
Киирэллэр саргылаах санаалар.
 
 
Киэргэммит харыйа күөнүгэр
Мөһүүрэ толбоно кутуллар,
Кэлэр кэм кэрэтин кэпсиирдии
Хаар түһэн эргийэр тэлимнии.
 
 
Эргэрбит саҥалыын солбуйсар
Эриэккэс түгэнэ үүннэ дии,
Барытын билэбит дэһэрдии
Сулустар тыгаллар чипчиҥнии.
 
 
Арай биир соҕотох сулусчаан
Билгэлии одуулуур ыраахтан,
Бу сылга туох миигин күүтэрин
Сиһилии кэпсиэҕин баҕаран.
 
 
Айаным хайдахтык салҕаныан,
Уҥу дуу, хаҥас дуу салаллыан,
Тиийиэхтээх тоҕойбор туох баарын
Эн миэхэ этимэ, сулусчаан.
 
 
Барытын соһуччу көрсүөҕүм,
Ол онтон сороҕор үөрүөҕүм,
Хараастан даҕаны ылыаҕым,
Ол эрэн, суолбунан барыаҕым.
 

Не говори мне, звёздочка

 
Новогодняя ночь озарилась сиянием северным.
Новогодние мысли волшебной картине под стать.
Видно, каждого делает это величье уверенным,
Что теперь на земле будет он красоту созидать!
 
 
Всё прекрасно вокруг: и сугробы, и ёлка-красавица,
Осенённая вечною, в небе парящей мечтой.
Вот сейчас из мороза и добрый волшебник появится,
И закружится всё в хороводе весёлом. Постой!
 
 
Дай вдохнуть полной грудью заветное это мгновение,
Что меняет былое на новых надежд торжество.
Знают звёзды одни, что несёт в этот край обновление,
И насколько мы будем с тобою достойны его.
 
 
Подмигнула мне звёздочка ласково. Может быть, кажется?
А, была – не была! Попрошу-ка я эту звезду:
Пусть она мне о главном сказать – о грядущем – отважится:
Что сумею свершить на земле в наступившем году!
 
 
Укажи мне дорогу, судьбы заповедная вестница,
Пусть её осветят для меня золотые лучи.
Подниматься иль падать я буду на жизненной лестнице?
Что там ждёт впереди? Нет, не надо, пока помолчи…
 
 
Сам я выберу путь! Ни к чему мне твои предсказания!
Не сверну всё равно, и не стану жалеть о былом!
Пусть свидетелем будет тому новогоднее это сияние —
То, что северным мы и якутским сияньем зовём!
 

Олоххо тардыһыы

 
Күүтүүлээх харалдьык, дьэ, тахсан,
Дьиктини кэрэхсии көрөбүн —
Бастакы ньургуһун барахсан
Биир сиргэ бөлөхтүү үүммүтүн.
 
 
Кырачаан оҕолор кэриэтэ
Ыгыта куустуһан тураллар,
Сааскы кэм дьыбара хаарыйан,
Тоҥоннор титириир курдуктар.
 
 
Кыргыттар нарыннар-намчылар,
Кинилэр ортоку турбуттар,
Уолаттар хорсуннар-хоодуоттар,
Кытыыттан хаххалыы быкпыттар.
 
 
Бу күүстээх санааны сөҕөммүн,
Чуумпура иһийэн ылабын,
Ньургуһун сибэкки бөлөҕүн
Сүрэҕим сылааһар суулуубун.
 
 
Тымныыттан толлору билбэттэр,
Олоххо тардыһыы күүһүнэн
Күн сирин сырдыгын таптааннар,
Кэлэллэр саас аайы эрдэлээн.
 
 
Сахалар биһиги ол иһин
Бэйэҕэ ханыылыы саныыбыт,
Ньургуһун сибэкки кэрэтин
Ырыаҕа хоһуйан ылыыбыт.
 

Сила любви к жизни

 
На снежном поле собрались в кружок
Подснежники бесстрашные, глядите —
Зиме напоминая: вышел срок,
Притягивают солнечные нити.
 
 
Похожие на маленьких детей,
Весенние шальные первоцветы
Друг дружку обнимают без затей,
И этими объятьями согреты!
 
 
Подснежников-мальчишек внешний круг,
Как полагается, – опора и защита
Для девочек-подснежниц, для подруг —
Они от ветра зябкого прикрыты.
 
 
Воистину здесь духом так сильны
С морозом спор ведущие герои!
О, нежные посланники весны,
Я сердцем вас от холода укрою!
 
 
Пускай его заветное тепло
Вам, дорогие, выстоять поможет,
Пурге и стуже нынешней назло,
До дней, по-настоящему погожих!
 
 
О, как похожи вы на мой народ —
Он жив наперекор морозам лютым!
Недаром о подснежниках поёт,
Как о душе своей, народ якутов!
 

Барыта кэмигэр

 
Күһүммүт кэллэҕэ түргэниэн,
Күүппэтэх эбиппит, бары да,
Сайыҥҥы куйааһы үтэйэн
Силбигин, ардаҕын аҕалла.
 
 
Төннөрөр кыах суоҕун билэбит,
Ол эрэн, эрэнэ кэтиибит,
Күһүммүт айантан сылайан
Кылгастык сынньанан ылыаҕын.
 
 
Сэрэйбит кэриэтэ, күн уота,
Сандаара, чаҕылла умайда,
Ааспыт кэм иккиһин төнүннэ —
Дьахтарын сайынын аҕалла.
 
 
Көмүскэ сууламмыт чараҥҥа
Туойдулар чыычаахтар чугдаара,
Күөх салгын лыҥкынас дорҕооно
Ол онно доҕуһуол ооньоото.
 
 
Ыаҕайа тутуурдаах далбардар
Сис тыаҕа сир астыы тахсаллар,
Күһүҥҥү быйаҥтан сомсоннор
Хороммот баайыттан үөрэллэр.
 
 
Бүппэт суох бур сиргэ, ол чахчы,
Барыта кэмигэр буолааччы,
Дьахтарбыт сайына ааһыаҕа,
Кэм-кэрдии айанын салҕыаҕа…
 

Всему своё время

 
Куда девалась летняя жара?
Дождь ледяной обрушился обвалом.
И не поймёшь, что нынче за пора?
Неужто осень сразу поздней стала?
 
 
Уж больно резок этот переход!
Глядим на небо, где не видно солнца,
И ждём, что наваждение пройдёт,
Что доброе тепло ещё вернётся.
 
 
Неужто исполняется мечта?
На небе были облака – и нету!
Желанный день в Якутии настал,
Который называют бабьим летом.
 
 
Надолго ли оно? Ах, всё равно!
Хоть день – да наш! И роща золотая
В неповторимом воздухе хмельном
Весёлым птицам звонко подпевает.
 
 
Иль это наши женщины поют,
И смехом, и грибами наполняя
Лукошки, вёдра, за весну свою,
Наверно, бабье лето принимая?
 
 
«Любая баба ягодка опять!» —
Присловье это вспомнишь поневоле.
О, ягодно-грибная благодать
И туесов берестяных раздолье!
 

Сиэнчээммэр, махтал этэбин

 
Бүгүн мин олуһун дуоһуйан
Сиэн уолбун кытары оонньоотум,
Күннээҕи түбүктэн уоскуйан
Бэйэбин киниэхэ холоотум.
 
 
Сиэнчээммин ситээри сырсаммын
Кимтэн да дьоллоохтук сананным,
Аан-бастаан көрбүттүү сэргээммин
Тулабын көрөммүн астынным.
 
 
Кумааҕы хараабыл ыытаммын
Хапытаан бастыҥа ааттанным,
Туорааҕы бэргэнник тамнааммын
Сэрииһит ааттааҕа аатырдым.
 
 
Кырачаан үөрүүтүн үллэстэн
Эргийдим оҕочоон саастарбар,
Мин сиэммэр махталбын этэбин
Олоҕу саҥалыы көрбүппэр…
 

Спасибо, внук!

 
Сегодня был я в детстве вновь,
Хотя давно уже как сед.
О, как играли внук и дед —
Воистину – едина кровь!
 
 
На равных наперегонки
За счастьем – краше нет погонь!
А вот уже я – добрый конь —
Натягиваю постромки!
 
 
Два капитана – это мы!
Корабль мерит лужи ширь.
Мой внук – боотур-богатырь
Среди весёлой кутерьмы!
 
 
Как стал мальчишкой – не пойму,
Но в детство весело впадать!
И вот за эту благодать
Спасибо внуку моему!
 

Халандаар илииһэ

 
Кылгаабыт күлүмнэс күннэрим
Курустук ыгыта кууһаллар,
Уһаабыт ыас хара түүннэрим
Уйгуурдар мөккүөрү тардаллар.
 
 
Сарсыарда уһуктаат, аан-бастаан
Халандаар сирэйин көрөбүн,
Сайыспыт санаабын санньытан
Сыл-хонук сырыытын сөҕөбүн.
 
 
Кэм-кэрдии айанын тиэтэтэн
Быһабын ааспыт күн илииһин,
Кэлбит күн ордугар эрэнэн
Күүтэбин бу олох дьиктитин.
 
 
Тулаайах халандаар илииһэ —
Туллубут сэбирдэх ханыыта,
Өксүөн тыал эрийиэ, мускуйуо,
Ийэ сир буоругар буккуйуо…
 
 
Халандаар илииһин быһаммын
Сорукпун толорбут сананным,
Олохпун сарбыйбыт быһыыбын
Отойун билбэтим абатын.
 
 
Бэйэбин халандаар кэриэтэ
Сарсыарда тураммын сананным,
Хас быспыт кырачаан илииһим
Олоҕум күннэрэ эбиттэр…
 

Листок календаря

 
Чудится, что дни короче стали
И длиннее ночи. Не беда!
Просто вместо радости печали
Чаще стали приносить года.
 
 
Не пора ли, ставши старцем мудрым,
Прогонять из мыслей злую хмарь?
Не глядеть бы первым делом утром
На худой настенный календарь,
 
 
Чтоб оттуда прежнюю страницу
Вздохом сожаленья провожать.
Может быть, не стоит торопиться
В новый день? Да повернёт он вспять!
 
 
Только разве остановишь солнце?
И ветрами сорванный листок
Никогда на ветку не вернётся.
У всего живого есть свой срок.
 
 
Эта мудрость не Бог весть какая.
Но её настойчиво даря,
Мчится время, руку заставляя
Обрывать листки календаря.
 
 
Дни и ночи – видно, их немного
Остаётся. Близок листопад.
Бесконечна времени дорога.
Но не повернёшь по ней назад…
 

Олох

 
Олох диэн Дьылҕа Хаан киһиэхэ
Биирдэ эрэ биэрэр бэлэҕэ —
Дьол мүөттээх утаҕын иһиэххэ,
Хас күнү үөрүүнэн көрсүөххэ.
 
 
Олох диэн бэйэлиин күөнтэһэн
Дьоҕус да кыайыыттан дуоһуйуу,
Үктэлтэн үктэли дабайыы,
Кыра да алҕастан хомойуу.
 
 
Олох диэн күөгэҥнэс мууһунан
Уҥуоргу кытылга талаһыы,
Кырыалаах кыһыны атааран
Күөх саастыын астына көрсүһүү.
 
 
Олох диэн тапталтан умайан
Өрүтэ уһуутуу тыынарбыт,
Таҥнарыы хаһыҥа хаарыйан
Утуйар ууну да умнарбыт.
 
 
Олох диэн дьолунан угуттаан
Сүрэҕиҥ долдгуйар кэмнэрэ,
Ардыгар амырыын ыарыыттан
Уйулҕаҥ кыланар түүннэрэ.
 
 
Олох диэн Дьылҕа Хаан киһиэхэ
Биирдэ эрэ биэрэр бэлэҕэ —
Дьол мүөттээх утаҕын иһиэххэ,
Хас күнү үөрүүнэн көрсүөххэ.
 

Жизнь

 
Жизнь – это дар Всевышнего великий,
Который нам даётся только раз.
Его мы все – счастливцы, горемыки —
Пьём на земле сегодня и сейчас.
 
 
Жизнь – вечная борьба с самим собою,
Добро в душе сражается со злом.
Гордиться вправе только тот судьбою,
Кто не жалел себя в сраженьи том.
 
 
Жизнь – это риск. По ней идёшь порою,
Как по реке, где тонок первый лёд.
Жизнь – как мороз якутскою зимою,
Как долгожданный, грозный ледоход!
 
 
Жизнь – это первородное волненье,
Которое в крови не потушить
Ничем, кроме ответного движенья
Любви навстречу той, другой души.
 
 
Жизнь – это море. Радости и горя
Для каждого хватает в бурной ней.
Лишь Небо знает, сколько в этом море
Отпущено для плавания дней.
 
 
Жизнь – это дар Всевышнего великий,
Который нам даётся только раз.
Его мы все – счастливцы, горемыки —
Пьём на земле сегодня и сейчас.
 

Кэмчилээмэ, сылаас тылларгын

 
Хардаҕас маһы харыстаама,
Оттон биэр оһоххун кытаатан,
Сылаас тылларгын кэмчилээмэ,
Элбэхтик эт дьоҥҥо туһаайан.
 
 
Аал уотуҥ тигинии умайыа,
Алаһа дьиэҥ иһинн сылытыа,
Бар дьонуҥ иһирэх сыһыана
Сайдам ыал оһоҕун санатыа.
 
 
Үтүө тыл чиргэл мас кэриэтэ —
Сылааһа сыдьаайыа, ириэриэ,
Ардахтаах сиппэрэҥ кэмнэргэ —
Күүс-күдэх кутуллан киириэҕэ.
 
 
Хардаҕас маскын харыстаама,
Оттон биэр оһоххун кытаатан,
Сылаас тылларгын кэмчилээмэ,
Элбэхтик эт дьоҥҥо туһаайан.
 

Не скупись на добрые слова

 
Сухих поленьев не жалей.
Пускай в печи трещат дрова.
И не скупись: пусть для людей
Звучат хорошие слова!
 
 
Пускай душевное тепло
Струит заветные лучи
Морозу лютому назло,
Словно дыхание печи.
 
 
Оно согреет и тебя
Ответной силой добрых слов.
Надеясь, веря и любя —
Лишь только так жить будь готов.
 
 
Сухих поленьев не жалей.
Пускай в печи трещат дрова.
И не скупись: пусть для людей
Звучат хорошие слова!
 

Оҥочом

 
Сүүрүгү утары эрдинэн
Кэм-кэрдии айанын сипэппин,
Түгүрүк сир иэнин кэрийэн
Тиийиэхтээх муннукпун булбаппын…
 
 
Оҥочом доллгуҥҥа дагдаҥнаан
Соҕотох хоптолуу туртаҥныыр,
Устабын олому көрдөөммүн
Уҥуоргу кытылга туораары.
 
 
Үөһэнэн кыһыл күн батыһар,
Түгэхтэн иккис күн имнэнэр,
Күлүкпүн көрөммүн үөрэбин
Соҕотох буолбатах эбиппин.
 
 
Тунаарар дьирбиигэ тиэтэйэн
Эрдиибин тардыалаан биэрэбин,
Салбахтар сылайан ытыыллар,
Икки күн хаалбакка сырсаллар.
 
 
Оҥочом, эрэллээх оҥочом,
Кэм-кэрдии айанын ситиэхпит!
Төгүрүк сир иэнин кэрийэн
Муннугун булгуччу булуохпут!
 

Моя лодка

 
На ней против течения гребу.
Не поддаётся времени река.
Ах, изменить бы прошлую судьбу!
Да вот не получается пока…
 
 
Упрямо лодку двигаю вперёд,
Лелея заповедную мечту.
И кажется, что близок берег тот,
Где счастье обновленья обрету.
 
 
Подбадривает солнышко меня,
Подмигивая отраженьем мне.
И мой двойник – зеркальная родня —
Ему рукою машет на волне.
 
 
Нет, я не одинок! Они со мной.
Хоть призрачны, но мне верны всегда!
Пусть двигаются вёсла вразнобой,
Пускай упряма вечности вода,
 
 
Подбадривают спутники: «Держись!
Чтобы на лодке этой обрести
Открытие великое, что жизнь —
Она в предолении пути!»
 

Оо, тойон сүрэҕим

 
Оо, нохтолоох тойон сүрэҕим —
Баар суох эрэллээх доҕорум!
Эйигиттэн ордук тулуурдаах,
Кимтэн да кыраҕы харахтаах,
Сэргэхтик истэр чуор кулгаахтаах
Ханна баарын отой билбэппин.
 
 
Алы гын миигин, көрдөһөбүн,
Олоҕум эндирдээх суолларын
Түһүүтүн – тахсыытын уйбуккар,
Ардыгар эдэрбэр тэптэрэн
Чэрдийбит баастары хаалларан,
Эйигин хомоппут буруйбар.
 
 
Эн бааргын сылааны кэрэйбэт,
Хардатын тугу да эрэйбэт,
Кыраттан оҕолуу үөрэҥҥин,
Сылааскын дэлэйдик биэрэҕин,
Сороҕор хомойон, хараастан,
Хаҥыл ат буолаҥҥын мөхсөҕүн
 
 
Оо, сүрэҕим, эн баар буолаҥҥын,
Күлүм күн мичээрин көрөбүн,
Киэһээҥҥи сарыалга тахсаммын,
Дириҥник дуоһуйа тыынабын,
Дьон тэҥэ бу сиргэ олорон,
Таптыыбын, ытыыбын, ыллыыбын…
 

Сердце

 
О, сердце моё, мой хозяин и друг!
Присвоил тебе эти званья не вдруг.
Воистину нету владыки мудрей —
С иным не прожить в тесном мире людей.
Рождаешь с любовью ты каждый совет,
Другого такого приятеля нет.
 
 
Прости, что в дороге тебя не берёг
От спусков, подъёмов, ухабов-тревог.
За то, что моя кочевая судьба —
За честь, справедливость и правду борьба.
За то, что я в ней никогда не робел,
Рубцы оставляя навек на тебе.
 
 
Без жалоб всегда принимало их ты,
Полно сострадания и доброты
К успехам моим, неудачам моим.
А помнишь, когда я конём молодым
За счастьем летел, удилами звеня,
Ты, благословив, торопило меня?
 
 
Спасибо за всё, что мне жизнь отдаёт:
За воздух морозный, за этот восход
Светила заветного в небе Саха,
За строки того дорогого стиха,
Что нынче в тебе начинает разбег,
За счастье открытия: я – человек!
 

Таһыччы умнубут

 
Кулун тутар ыйбыт
Оҕолуу улдьаарбыт,
Сааскы ый буоларын
Таһыччы умнубут.
 
 
Сарсыарда эрдэлээн
Дьыбарын түһэрэр,
Тумана дьээбэрэн
Иэдэскин кымаахтыыр.
 
 
Чысхаан тыал иһиирэн,
Тибиинэн тыбыырар,
Суоллары тибийэн
Массыына буксуйар.
 
 
Арай хаар кылбааран
Санаабыт ылаарар,
Үөр чыычаах үөһэттэн
Үҥкүүлээн битийэр.
 
 
Дьон-сэргэ күлсэллэр,
Саас кэлэн үөрсэллэр,
Кубулҕат дэһэллэр,
Күн уотун күүтэллэр…
 

Напрочь забыл

 
Снег, за ним мороз вдогонку —
Невесёлая волна.
Видно, месяц жеребёнка —
Март – забыл, что он – весна!
 
 
Солнце, где ты? Утром рано
Был иль не был твой восход?
Сквозь холодные туманы
К нам заветный свет дойдёт?
 
 
Но в ответ рычит со злобой
Вьюга, рыская во мгле,
И высокие сугробы
Наметает на земле.
 
 
Только мы не унываем
И надеждою живём,
Что и в нашем снежном крае
Будем с мартовским теплом,
 
 
Что ещё чуть-чуть, и звонко
С крыш покатится капель —
Это месяц жеребёнка
К нам пробьётся сквозь метель!
 

Дьолу миэхэ түстүөҕэ

 
Киэһэ тахсан көрөбүн
Халлаан бүппэт түбүгүн —
Сулустарын уматар,
Дьүкээбилин оонньотор.
 
 
Онно олох оргуйар,
Үрүҥ, хара охсуһар.
Дьоннор уонна сулустар
Майгыннаһар курдуктар.
 
 
Ыраах көстөр сулустар
Чугаһыыллар намтааннар,
Тугу эрэ кэпсиирдии
Имнэнэллэр чипчиҥнии.
 
 
Күммүт ыйдыын алтыһар,
Күнүс түүннүүн быысаһар,
Чуумпу нуурал налыйар,
Санаам-оноом уоскуйар.
 
 
Маннык сэргэх түгэҥҥэ
Тулам тупсар киэркэйэ,
Сүрэх иэйэн иһийэр,
Тугу эрэ кэтэһэр…
 
 
Хомуос сулус санньыйыа,
Сырдыгынан сыдьаайыа,
Түөрэх буолан түһүөҕэ,
Дьолу миэхэ түстүөҕэ.
 

Загадает мне счастье

 
Неодолимое желанье —
Глядеть, как в небе звёздный рой
Спешит над северным сияньем
Заняться вечною игрой.
 
 
Нет, не игрой! Борьбою света
Против всевластья темноты!
И потому на битву эту
Глядим с надеждой я и ты.
 
 
В извечном противостояньи —
Существование людей.
О, как в борьбе за свет познанья
Подобен человек звезде!
 
 
Луна и солнце, ночь и утро —
Природою соблюдена
Их очерёдность в небе мудро.
Вот так бы на земле и нам!
 
 
Гляжу на небо с восхищеньем,
Где всем сомнениям ответ:
Лишь только тьмы преодоленьем
Прекрасен этот белый свет!
 
 
Он над моей душою властен!
Не зря – глядите! – сквозь года,
Желая мне земного счастья,
Горит Полярная звезда!
 

Ырыа буолбут хоһооннор

 
Ырыа буолбут хоһооннор
Дьикти-кэрэ куттаахтар,
Ылбаҕайдар, ыраастар,
Үтүө кэмҥэ үөрүүгэ,
Курус-санньыар түгэҥҥэ
Биһигинниин бииргэлэр.
 
 
Ырыа көмүс тыллара
Дьүрүһүйэр дорҕооннор
Дууһалара буолаллар,
Ыалдьыбыты үтүөрдэр,
Сылайбыты сэниэлиир
Абылаҥнаах күүстээхтэр.
 
 
Арыт ырыа эйиэхэ
Ааспыт кэми эргитэр,
Таптал кэлэн ыалдьыттаан,
Эдэр сааһы санатар,
Сүрэх кылын таарыйан
Харах уутан таһаарар.
 
 
Ырыа буолбут хоһооннор
Атаах-мааны оҕолор,
Бүөбэйдэнэн, чочуллан.
Айар муҥар үөскүүллэр,
Ситэн-хотон дайаллар
Кылбаа маҥан кубалыы…
 

Стихи, ставшие песней

 
Если строки песней стали,
Значит, в них высокий свет —
Тот, что в счастье
И в печали —
Нам опора
И завет.
 
 
Этих строк святая сила,
С музыкой соединясь,
Столько хворых излечила,
С душ людей
Смывая
Грязь!
 
 
Льются песенные строки,
На добро и на любовь
Наставляя мир жестокий
Каждым словом
Вновь
И вновь.
 
 
Об одном теперь мечтаю:
Чтобы и моя строка
Вместе с песенною
Стаей
Поднялась
Под облака…
 

Айанньыт кубалар намтааннар…
Поэма

1

Киирии тыл

 
Соҕотох сулуһу санатан
Кулуһун кытылга кыламныыр,
Ыар дьэбир санааҕа баттатан
Кырдьаҕас төлөнү одуулуур.
 
 
Аарыма кырдьаҕас дьылҕата,
Эриирдээх, эндирдээх олоҕо
Мин уйан дууһабын аймаата,
Сүрэҕим утаҕын таарыйда.
 
 
Биллим мин, эдэркээн саастааҕар
Дойдутун хаалларан кэлбитин,
Төһө да үтүөкэн сир дойду
Төрүт буор сылааһын биэрбэтин.
 
 
Бу өрүс кытылын үрдүгэр
Түөрт уон сыл устата киирэрин,
Ахтылҕан ыарыытын чэпчэтэр
Айылҕа суугунун истэрин.
 
 
Эт эрэ, кырдьаҕаас, билиэхпин,
Эн тоҕо сылааҕын умнаҥҥын
Кытылга кулуһун оттоҥҥун
Өрүстүүн сэлэһэр буолаҕын?
 
 
Бастатан тураҥҥын, эн миэхэ,
Кэпсээрий ол дойдуҥ туһунан,
Хайдахтаах айылҕа кэрэтэ
Арчылыы харыстаан турбутун?
 
 
Туох ааттаах манньаны ылаҥҥыт
Төрөөбүт түөлбэттэн бардыгыт,
Сэһэргиэҥ этэ дуо, кырадьаҕаас,
Дьон – сэргэ кэнэҕэс билиэҕин?
 
 
Кырдьаҕас аал уотун иннигэр
Санааҕа баттатан сөҥүөрдэ,
Хараастыы арахпат күлүгэ
Чарчыйбыт сирэйин бүрүйдэ.
 
 
Хамсалаах табаҕын соппойоот
Атаҕын оллооннуу уурунар,
Хахсайан күөмэйин оҥостоот
Наҕыллык сэһэнин саҕалыыр:
 

2

Ахтылҕан

 
Хас бииридии киһини дойдута,
Төрөөбүт түөлбэтэ күүтүөхтээх,
Үс кута үөскээбит уйата
Күүс-күдэх киниэхэ биэриэхтээх.
 
 
«Өтөх хайаан да төҥүргэстээх,
Сурт кэриэстээх буолуохтаах» —
Үйэлэри туораан кэлистэ
Мындыр өбүгэбит кэс тыла.
 
 
Ол иһин, төрөөбүт дойдуга,
Ананар ырыабыт бастыҥа,
Саҥарар тылбыт иһирэҕэ,
Олорор олохпут барыта.
 
 
Оттон мин, төрөөбүт түөлбэбэр
Төннөр кыаҕа суоҕум да иһин,
Кини мин сүрэхпэр баар ээ, баар,
Күн сирин биир кэрэ муннуга.
 
 
Баҕарабын дойдум ааттаныан
Симэлийэ сүтэн хаалбакка,
Кэнэҕэски көлүөнэм өйдүөҕүн
Төрөөбүт төрүт буор күндүтүн.
 
 
Түүн түүлбэр түһээммин көрөбүн
Төрөөбүт түөлбэбин, дойдубун,
Бар дьоммун ол онно көрсөбүн,
Алгыстаах тылларын истэбин.
 
 
Өбүгэм өтөҕөр сылдьаммын
Аал уокка бэлэхпин биэрэбин,
Удьуорум ыллыгын омоонун
Көрдөөммүн сэмээрдик хаамабын.
 
 
Силбиги күөммүнэн силэйэн
Сүүрэбин кырдалы кэрийэ,
Кыталык үҥкүүтүн көрөммүн
Дьол-соргу кынатын кэтэбин.
 
 
Биһигим ыйаммыт сиригэр
Тиийэбин ыалдьыттыы, ардыгар —
Туой Хайа оройун үрдүгэр,
Киэҥ Чуона кытылын сырдыгар.
 

3

Туой Хайа

 
Хайалар бу сиргэ үгүстэр:
Бааллар суорума чыпчааллар,
Былыты былааттыы бүрүнэр,
Халлааҥҥа харбаһар очуостар.
 
 
Туой Хайа, аар саарга аатырар
Аарыма хайа да буолбатар,
Сүрэхтэн отойун арахпат,
Санааттан хаһан да тахсыбат:
 
 
Үс хайа кэккэлээн тураллар
Ини-бии кэриэтэ сиэттиһэн,
Кэм – кэрдии өксүөнүн тулуйар
Кырдьыктаах кэрэһит буоланнар.
 
 
Туой Хайа киил-киппэ санныгар
Сылайан дьиппиэрбит үйэлэр
Тайанан күүс – күдэх ыланнар
Дьоһуннаах айаны салҕыыллар.
 
 
Сааһыран саһарбыт иэдэһин
Сыл-хонук тыалыгар тоһуйар,
Ардах-хаар үөһэттэн суккуллан
Өбүгэм суолларын суурайар.
 
 
Кыһынын үрүҥ хаар үллүктээх
Чысхааҥҥа бигэнэн утуйар,
Сайынын күөх баархат көбүөргэ
Сибэкки дьиэрэҥкэй үҥкүүлүүр.
 
 
Тахсар күн чыпчаалы сырдатан
Уон араас өҥүнэн сыдьаайар,
Ол онтон сэмээрдик халыйан
Сир дойду иэнигэр тарҕанар.
 
 
Туой Хайа сирэйин дабайан
Бастакы үрдэлбин ылбытым,
Олоххо эрэлим улаатан
Оттомноох оҥкулун уурбутум.
 
 
Дойдубун үөһэттэн анааран
Долгуйа, кэрэхсии көрбүтүм,
Киистэлээх симэхтээх айылҕа
Кэхтибэт кэрэтин сөхпүтүм.
 

4

Чуона

 
Сир үрдүгэр алмаас таас түһэн
Сүүс араас өҥүнэн оонньообут,
Сыралҕан күн уота уулларан
Суһумнуур уу буолан устубут.
 
 
Систэри, маардары туораабыт,
Сыһыылар, хочолор силэллэн,
Сыркылар, сүүрээннэр тардыстан
Таһымныы, дьалкыйа кэҥээбит.
 
 
Киирбиттэр уҥаттан, хаҥастан
Кэккэлии сиэттиспит үрэхтэр,
Кудуххай биир үөһү тутаннар
Кыаҕыран, күүһүрэн барбыттар.
 
 
Бачыр таас хапчааннар бүөлээннэр
Бааллара түллэҥнии мөхсөллөр,
Көҥүлгэ тардыһар долгуннар
Кыыһыра – абара кыынньаллар.
 
 
Бу курдук быраман дьылларга
Кыыс кэрэ Чуонабыт үөскээбит,
Өрүллэр суһуохтуу субуллар
Маанылаах хотуммут нэлэйбит.
 
 
Кэҥээбит урсуна налыйан
Кытылын сибэкки симээбит,
Кырылас кумаҕа тэлгэнэн
Кырыымпа кэриэтэ ыллаабыт.
 
 
Күөрэгэй ырыалаах хонууга
Күөх ача күөгэйэ долгуйбут,
Хатыҥнаах чараҥын суугуна
Сэбирдэх сиккиэрин түһэрбит.
 
 
Чуонаны харыстыыр, көмүскүүр
Тиит мас хаххалаах дьирбиилэр,
Имигэс, күөгэҥнэс талахтар,
Эркиннии сабардыыр хайалар.
 
 
Туой Хайа уоланныы дьоһуннаах,
Аллараа кыыс Чуона күндээрэр,
Бу курдук айыллан үөскээбит
Дьол-соргу төлкөлөөх түөлбэтэ.
 

5

Дьоллоох түөлбэ

 
Туой Хайа күөх баархат тэллэҕэр,
Өҥ Чуона быйаҥнаах хонноҕор,
Дьон – сэргэ сөбүлээн мустубут,
Дьол – соргу түөрэҕин түһэрбит.
 
 
Ас кээспиттэр аал уот оттоннор,
Аар айыылартан көрдөспүттэр,
Айанньыт кубалар намтааннар
Алҕааннар эргийэ көппүттэр.
 
 
Бу кэмтэн ылата Чуонаҕа
Баай талым олохпут устубут,
Тэлэллибиттэр тэргэн суоллар,
Арыллыбыттар киэҥ аартыктар.
 
 
Байанай маанылаах бэлэҕэ
Кыыл – көтөр ойуурга мустубут,
Күөллэргэ, өрүскэ кылбаҥныы
Көмүс хатырыктаах оонньообут.
 
 
Айылҕа сиэдэрэй симэҕэ
Сибэкки нуоҕайа наскыйбыт,
Күөрэгэй чыычаахпыт ырыата
Сир дойду аайытын дьиэрэйбит.
 
 
Бу маннык уу нуурал дойдуга
Таптал уйата тутуллубут,
Оҕо аймах көрдөөх күлүүтэ
Сүрэҕи үөрүүнэн толорбут.
 
 
Уйгулаах ыһыахха мустаннар
Ырыаны-тойугу тиспиттэр,
Үтүөнү – ырааһы түстээннэр
Оһуохай улуута долгуйбут.
 
 
Бааллара эрчимнээх эрэттэр,
Быыппастар былчыҥнаах уоланнар,
Кыталык кэриэтэ кылбаарар
Кылыстыы кылааннаах кыргыттар.
 
 
Алмаас таас көстүбүт сураҕын
Истэммит олус да үөрбүппүт,
Алдьархай ааҥнаан кэлиэхтээҕин
Түүлбүтүгэр да көрбөтөхпүт.
 

6

Алдьархай ааҥнааһына

 
Арҕааттан халҕаһа былыттар
Алдьархай илдьитэ буоланнар
Сир дойду үрдүнэн ааҥнааннар
Сабардыы халыйан тахсаллар.
 
 
Туой Хайа ыаһыран, уордайан
Тыйыстык хаастара түрдэстэр,
Чуонабыт өрүтэ түллэҥнээн
Балысхан бааллара ынчыктыыр.
 
 
Этэллэр эҥсиллэр этиҥнэр,
Лиһигир, лүһүгүр сүүрэннэр,
Чуонаны далайга тимирдэр —
Хомолто сураҕа тарҕанар.
 
 
Алмааһы өлгөмнүк хостоору
Килиэ таас куораты туппуттар,
Бүлүүнү бохсоннор, хаайаннар
Чуонаны тимирдэр буолбуттар.
 
 
Дьон – сэргэ хараастар, айманар
Төрөөбүт түөлбэтин аһыйан,
Үҥэн – сүктэн туран көрдөһөр
Үрдүк өһүөлээхтэргэ тиийэн.
 
 
«Тот киһи аччыгы өйдөөбөт» —
Истэ да барбаттар тойоттор,
Оннооҕор Москуба өйөөбөт —
Алмаас таас күндү – дьоннооҕор.
 
 
Көһөрүү айдаана тэнийэр,
Көмүскэ уутунан ньүөлсүйэр,
Кыраны-хараны түүрэйдээн
Төрөөбүт сириттэн кыйдыыллар.
 
 
Ынах маҥырыыр, дьон ытаһар,
Олорор дьиэлэр умайаллар,
Буруо хара санаалыы тэнийэр,
Барытын күл-көмөр бүрүйэр.
 
 
Уйатын былдьаппыт көтөрдүү
Хаһан да төннүбэт дьылҕалаах,
Дьон-сэргэ уон аҥы ыһыллан
Дойдутун хаалларан куотаахтыыр.
 

7

Хараҥа далай

 
Дьоллоох дьон олорбут түөлбэтэ
Дьалкыырдаах байҕалга тимирэр.
Күүгэннээх долгуҥҥа бигэнэ
Туолбатах ырата дагдаҥныыр.
 
 
Кэлэр күн кэрэтин уруйдаан
Күөрэгэй чараҥҥа ыллаабат,
Кэскиллээх олоҕу билгэлээн.
Кэҕэ кыыл кэриигэ чоргуйбат
 
 
Арай дьон олорбут бэлиэтэ
Тымныы уу хараҥа түгэҕэр
Ньамаҕы бүрүммүт балаҕан
Түннүгэ, үөлэһэ оҥойор.
 
 
Туой буортан сыбаммыт эркинэ
Туналҕан өҥүнэн туртайбат,
Күөх солко буруота тэнийэ
Үөлэстэн унаара тахсыбат.
 
 
Тиэргэнин омоонун өйдөтөн,
Кумахха аҥаара тибиллэн
Кииллийбит аар сэргэ барыйар
Күн-түүн сүүрүктүүн эрийсэн.
 
 
Соҕотох тураахтыыр сүөм түһэн —
Быр – бааччы олох кэрэһитэ,
Көрүҥнүүн – дүһүннүүн буомуран —
Сырдык ыра санаа түҥнэстэн.
 
 
Эр бэрдэ, бу сири сөбүлээн,
Тоҥ буору хоһууннук тобулан,
Соргулаах олоххо эрэнэн
Үйэлээх сэргэни туруорбут.
 
 
Салахай суорҕаннаах балаҕан,
Бадараан симэхтээх аар сэргэ,
Эһиги, бар дьоҥҥут сүрэҕэр,
Баалаамаҥ, мэлдьитин сылдьаҕыт.
 
 
Санаабар самныбыт балаҕан
Оһуордаах ойуунан симэннэ,
Сытыйан иҥнэйбит киил сэргэ
Күн диэки тардыһан чиккэйдэ.
 

8

Таас дьахтар

 
Мин дойдум чэлгийбит дуолугар
Киэҥ байҕал көччүйэ көрүлүүр,
Күөрэгэй күйгүөрбүт күөнүгэр
Кэриим тыал санньыардык улуйар.
 
 
Долгуннар сиэмэх кыыл кэриэтэ
Барытын мэҥиэстиэх курдуктар,
Бааллара барылыы, часкыйа
Бачыр таас очуоһу кырбыыллар.
 
 
Таас Дьахтар атаҕар кэтиллэн
Күүгэннии оргуйаат тохтууллар,
Уҕараан, уохтара намыраан,
Эриэн – үөн буоланнар сыналлар.
 
 
Таас Дьахтар Туой Хайа үрдүттэн
Бар дьонун арчылыыр аналлаах
Өксүөннүүн, хахсааттыын хапсыһан
Үгүс да сылларга тураахтыыр.
 
 
Улахан сүтүгүн күүтэрдии
Уу кырсын кэрийэ одуулуур,
Күннээх-түүн сылааны билбэккэ
Кэлэр күн сарыалын кэтэһэр.
 
 
Чуҥкунуур чуумпуттан чуҥкуйан
Чээл ойуур суугунун иһиллиир,
Тимирбит дойдутун туһунан
Уйулҕа ыарыытын сэһэргиир.
 
 
Өксүөннээх сэһэҥҥэ сиэттэрэн
Өҥөйөн көрөбүн сэрэнэн
Үйэлэр бүрүйбүт кэмнэрин,
Тааллыбат таабырын дьылларын.
 
 
Харахпар элэҥнээн ааһаллар
Буор кутум үөскээбит түөлбэтэ,
Төрүтүм килбиэннээх олоҕун
Түбүктээх, дьалхааннаах кэрчигэ…
 
 
Айанньыт кубалар намтааннар
Уу кырсын кырыйа көтөллөр,
Күөх ньэкээ түөлбэни суохтааннар
Кутурҕан ырыатын тардаллар.
 

9

Түмүк тыл

 
Халлааммыт саҕахха сабыллан
Хойдубут салгыммыт тэлгэнэр,
Сулустар намтааннар, наардаһан
Сир иэнэ кэрэтин сэргииллэр.
 
 
Кырдьаҕас олбоҕун оҥостоот,
Аал уотун буккуйан күөдьүтэр,
Балачча сөҥүөрэн олороот,
Хамсалаах табаҕын уматтар.
 
 
Чуонатын омоонун көрдүүрдүү
Өрүһү одуулуур курустук.
Уонна дьэ хааһаҕын сабардыы
Сэһэнин түмүктүүр, бу курдук:
 
 
Күн – дьыл айана дьулурхан,
Олох-дьаһах тэтимэ түргэн.
Санаам-оноом сүрэхпин тууйар
Дойдум миэнэ симэлийиэ диэн.
 
 
Бар дьонум олорбут олоҕун
Сэргээҥҥит истэҥҥит биллэххит,
Дойдубут эгэлгэ көстүүтүн
Бу илэ баар курдук көрдөххүт.
 
 
Күн сирэ Аар саарга аатырар —
Барыта кээмэйдээх, кэрдиистээх,
Айылҕа айбытын алдьатар
Сэттээх – сэмэлээх, иэстэбиллээх.
 
 
«Олорор мутугун кэрдээччи» —
Олоххо тирэҕин сүтэрэр,
Уу иһэр күөлүгэр силлээччи —
Ычата кыратын биллэрэр.
 
 
Кэбэлийдин үөдэн түгэҕэр
Күүһүнэн көһөрүү айдаана,
Бар дьону букатын тумуннун
Дойдуну сүтэрии иэдээнэ.
 
 
Кэхтибэт кэрэ кэскилбитин
Олоруоҕуҥ кэҕиннэрбэттии!
Аан ийэ дойдубут мэлдьитин
Чэчирии, чэлгийэ туруохтун!
 

Кружат перелётные лебеди
Поэма

1

Костёр на берегу

 
Звезда в тумане – то огонь костра.
Его хозяин, что ты так печален?
Старик, зачем до самого утра
Глядишь опять в невидимые дали?
 
 
Зачем ты снова память ворошишь,
Как эти угли у костра ночного?
Не горький дым, а боль твоей души
Слезами на щеках осесть готова…
 
 
Ответил он, что сорок лет назад
Расстался навсегда с родной землёю.
В иной земле года его летят,
Но оставаться, видно, ей чужою
 
 
Навеки…
– Вот сижу на берегу,
Судьбы перебираю неудачи.
Как горько сознавать, что не смогу
Я ничего уже переиначить…
 
 
Но утишает пламя боль мою,
И плеск воды мою тоску врачует.
Мне кажется, я вновь в родном краю,
В который наяву не прилечу я…
 
 
Ты спросишь, почему? Неужто путь
На родину сейчас не одолею,
Чтоб силы предков сердцем зачерпнуть?
Ползком бы я отправился за нею!
 
 
Да некуда ползти…
– Но как же так?
Почтенный старец, не пойму я что-то:
Да разве трудно сделать нужный шаг,
Коль ты готов к заветному полёту?
 
 
Он долго не решался на ответ,
Наверно, были для того причины.
Подчёркивал костра неверный свет
Печали многолетние морщины.
 
 
Он трубку закурил, и горький дым —
Была со всхлипом сказанная фраза.
Ещё бы – ведь история беды
Легла в основу этого рассказа…
 

2

Ностальгия

 
У каждого быть родина должна.
И хоть её зовут небрежно «малой»,
Трёх Духов дарит каждому она,
Которые души любой начало.
 
 
Они – как пуповина, что всегда
Людей соединяет с местом силы,
Незримые, они через года
Хранят нас от рожденья до могилы
 
 
Всех! Даже тех, кому оплот
Земли родимой отчего-то тесен, —
Их родовая память бережёт
Великой силой языка и песен!
 
 
И для меня земля родная тут! —
Груди коснулся он, – навек со мною!
Три Духа и сейчас во мне живут!
А я живу надеждою одною,
 
 
Что не сотрётся родина моя
Из памяти грядущих поколений.
Пускай они живут в иных краях,
Но да пребудут с ними предков тени!
 
 
А если я забуду о былом,
То кто им будет на земле гордиться?
Как часто снится мне родимый дом
И пращуров моих глаза и лица…
 
 
Урочищами предков я иду,
Духу Огня готовлю подношенье,
Чтобы узнать: на радость иль беду
На родину такое возвращенье.
 
 
Во сне туманы рассекаю я.
В полёте землю озираю сверху
И обретаю чудо: у ручья
Я вижу танец заповедный стерхов!
 
 
Туой Хая… Отсюда целый мир
Увидел я когда-то несмышлёным,
Мир, населённый добрыми людьми, —
Иные не селились у Чуоны!
 

3

Туой хая

 
Гора судьбы. У ней иная стать,
Чем у великих горных исполинов,
Что облаками могут утирать
Свои непобедимые вершины.
 
 
Туой Хая в сравненьи с ними, как
Речная галька рядышком с палаткой!
Но для меня она так велика,
Что сердце наполняет без остатка.
 
 
О, эта трёхголовая гора —
Реки Чуоны верная защита!
Несчётно в наступлении ветра
Здесь не жалели звонкие копыта.
 
 
Ворча, они смирялись до поры
И, раны зализав, бросались снова
На приступ удивительной горы,
Каменья в порошок стереть готовы.
 
 
А в помощь им морозы и дожди
Вели свои могучие дружины
И бились, оставляя на груди
Туой Хаи глубокие морщины.
 
 
Я гладил эти шрамы много раз,
Где тропы предков пролегли по склонам.
Они коврами радовали нас:
Зимою – белым, а весной – зелёным.
 
 
Но был ещё один заветный цвет,
Им солнышко вершину золотило.
И хоть сейчас уже я хром и сед,
Но помню, как однажды встречь светилу
 
 
Поднялся на Туой-Хаю впервой,
И гордость, и восторг мальцом изведав.
Заветною победой над собой
Была та долгождання победа!
 
 
Внизу посёлок и реки вода —
Глядел с вершины, сердцем их вбирая.
И в памяти осталась навсегда
Святая красота родного края…
 

4

Чуона

 
«На землю, – говорили старики, —
Швырнуло небо щедрое когда-то
Алмазов горсти, чтобы в родники
Те обратились в мерзлоте проклятой.
 
 
Чтобы текла хрустальная вода
Упрямо через мари и болота!»
…Чуона наша родилась тогда.
Пусть опровергнет это нынче кто-то!
 
 
Небесной силой родников полна
Моей реки стремительная сила!
О, как прекрасно вёснами она,
Разбуженная солнышком, бурлила!
 
 
Вобрав в себя якутские снега,
Неукротима в радостном весельи,
Раздвинуть норовила берега
И сотрясала горные ущелья!
 
 
О, как кипенье белопенных струй
Хотел бы увидать сейчас опять я
Там, где могучий богатырь Вилюй
Чуону принимал в свои объятья!
 
 
А летом на реке царил покой,
Пески на плёсах там дремали важно.
Вода была прозрачною такой
Что камешек на дне был виден каждый.
 
 
Там жаворонок трели разливал
Над разнотравьем луга то и дело.
И на берёзах юная листва
Ему в ответ призывно шелестела.
 
 
Там лиственниц могучих тесный ряд
Стоял стеной у самого обрыва,
Чтоб не увидел посторонний взгляд,
Как моются в Чуоне девы-ивы.
 
 
Река судьбы, сестра Туой-Хаи
В моей душе струится и струится
Туда, где корни вечные мои,
Туда, где жизни лучшие страницы…
 

5

Место силы и счастья

 
Здесь, у подножия Туой-Хаи,
На землях плодородных и богатых
Давно селились пращуры мои.
Легенда нам не сохранила даты.
 
 
Зато святой костёр пылает в ней,
И к этому костру из дальней дали
С кумысом перелётных лебедей,
Благословляя, Айыы¹⁵ прислали.
 
 
От светлых сил принявши благодать,
Не покладая рук, трудились предки.
О, как им вольно было заселять
Места, где люди были очень редки.
 
 
Тайги богатства – вот они, в руке! —
Многих и многих прокормить могли бы
Пушниной, дичью! Сколько здесь в реке,
В озёрах и ручьях прекрасной рыбы!
 
 
Полны цветами сочные поля,
Пьянят их ароматы крепче хмеля.
Внимает безмятежная земля
Здесь славящим живое птичьим трелям.
 
 
Любовью и покоем всё вокруг
Столетиями долгими дышало
В долине счастья. И за кругом круг
Сменилось поколений здесь немало.
 
 
Не сосчитать, сколь раз тут ысыах —
Начало лета – праздновали люди.
Казалось, наш осуохай в веках
Богами данным хороводом будет.
 
 
В священном круге юноши свою
Казали ловкость – стерхами в полёте!
А девушки… Ну, где, в каком краю
Ещё таких красавиц вы найдёте!
 
 
В окрестностях царили мир и лад
Над лесом, над горами, над водою.
Нашли алмазы. Поначалу рад
Был каждый. А потом стал клад бедою…
 

6

Нагрянула беда

 
Чернее ночи с запада ползли,
Как вестники беды великой, тучи,
Грозя просторам солнечной земли
Нежданным горем, лютым, неминучим.
 
 
Нахмурилась гора Туой-Хая,
К сестре Чуоне в гордом сердце – жалость.
А та внизу, тревоги не тая,
Вся в белой пене в берегах металась.
 
 
Страшней ударов молний грозовых,
Страшнее бури буйного набега
О затопленьи новость из Москвы
Волною прокатилась по наслегам.
 
 
Отныне лишь одно имеет вес —
Караты… Что для них людское горе!
«Алмазы Родине!» А, значит, будет ГЭС.
А для неё необходимо море,
 
 
Которое долину всю зальёт…
Не дожидаясь этого итога,
О, сколько писем написал народ,
Сколько оббил начальственных порогов!
 
 
Но слышали просители в ответ:
– Необходимость! —
Что равно приказу.
Как будто заслонили белый свет
Грядущие якутские алмазы…
 
 
– Переселить! Нуждается страна
В богатствах, что таятся в синих глинах!
В сравненьи с ними, видно, – грош цена
У горьких судеб жителей долины.
 
 
Решенье – плод холодного ума
Тех, кто, наверно, не лишался крова…
О, как пылали яростно дома,
О, как ревели жалобно коровы…
 
 
Слезами злое слово «навсегда»
Написано судьбой на многих лицах.
Им не вернуться никогда сюда,
Чтобы могилам предков поклониться…
 

7

Чёрная пучина

 
И вот земли счастливой больше нет —
Погребена под чёрною водою.
Но сколько б ни прошло над миром лет,
Сердца людей не свыкнутся с бедою.
 
 
Умолкли жаворонки навсегда.
Угрюмой тишины стоит завеса.
И не сулит счастливые года
В лесу кукушка. Нету больше леса…
 
 
На дне недогоревшие дома
Затянуты давно зелёной тиной.
Но не идёт из сердца и ума
Былой их облик. Голубою глиной
 
 
Украшены хозяйскою рукой,
Крещённые дождями и снегами,
Стоят они. Над каждою трубой
Витает дым, рождённый очагами.
 
 
Теперь вода в родимом очаге,
А во дворе былом, не видя солнца,
Наперекор судьбе стоит сэргэ[Сэргэ – столб коновязи],
Как будто ждёт, что прошлое вернётся…
 
 
То прошлое, где звонок детский смех,
Где радостью наполнены колодцы,
Чтобы её хватило здесь на всех!
А радость эта Родиной зовётся…
 
 
Ради неё охотник удалой,
Как говорится, «в творческом экстазе»
Невиданной, причудливой резьбой
Украсил главный столб для коновязи.
 
 
Чтоб родичи, соседи, земляки
Полюбоваться на неё могли бы.
Но видят красоту на дне реки
Одни только бесчувственные рыбы…
 
 
Тот дом был мой, и коновязь, и двор.
Сэргэ бы мне достался по наследству.
…Коль слово «счастье» слышу, до сих пор
Перед глазами проплывает детство…
 

8

Каменная женщина

 
Над родиною малою моей
Безжизненное море рукотворно.
Не море даже – водоём ничей,
Где ветер у разбойников – дозорный…
 
 
Разбойники – кипящие валы —
Здесь погубить всё сущее готовы.
Вгрызаются в подножие скалы
Они остервенело снова, снова…
 
 
Но в брызги разбиваются у ног
Святого изваяния. Змеино
Шипенье их, когда – один итог —
Ползут обратно в чёрную пучину.
 
 
Там, на горе, застыла скорбно та,
Что Каменною Женщиной зовётся.
И нет важнее этого поста
Для порождения людей и солнца.
 
 
Защитница былой Туой-Хаи,
Печальница людской великой муки
Простёрла к небу скорбные свои,
Взывающие к покаянью руки.
 
 
Надеясь, что опомнятся враги
Загубленной красы, и на просторе
Покроет голос вековой тайги
Голодный вой искусственного моря.
 
 
Как будто чудо, явится рассвет,
Рассеивая напрочь злые чары.
Один лишь миг – и наважденья нет!
Забыты затопления кошмары!
 
 
О, как бы я хотел, чтобы сбылись
Заветные желанья и надежды!
Чтоб снова Жизнью стала наша жизнь,
Такой, какой была у предков прежде!
 
 
Но не вернуть свершённого назад
Ни душам человечьим, ни природе…
Опять печально лебеди кружат,
Не родину ли ищут? Не находят…
 

9

Завет

 
Ушли светила вечного лучи
С последнею полоскою заката.
И я, и собеседник мой молчим,
Как будто оба в чём-то виноваты.
 
 
У деда в трубке стал золой табак,
Почти дотла в костре сгорели сучья.
И воцарился над рекою мрак,
Как будто звёзды проглотили тучи.
 
 
Зашевелился наконец старик,
Подбросил в угли новое полено.
– В любой реке, – сказал, – Чуоны лик
Я отыскать пытаюсь непременно.
 
 
Кому-то это, может, и смешно:
Мол, и на солнце ты отыщешь пятна!
Что ворошить былое? Всё равно
Не повернуть историю обратно…
 
 
Так да не так! Без правды на земле
О том, что с ней, многострадальной было,
И будущее у людей во мгле!
Не будешь знать, где пращуров могилы,
 
 
Забудешь о трагическом былом,
О малой родине, надежде и опоре, —
И Мир Срединный, где мы все живём,
Не превратится ли однажды в море?
 
 
И не получат ли тогда в ответ
Беспамятные дерзкие потомки,
Пускай не сразу, через много лет
Не свет природы, а её потёмки?
 
 
А потому, земляк мой, и тебе,
И всем другим под этим небосводом
Я завещаю помнить о судьбе
Лишённого своей земли народа!
 
 
Благословляю вас на добрый путь!
Да будет с вами Родина большая!
Но мой завет в пути не позабудь.
 
 
…Отец, я помню. Я не забываю.
 

Өтөҕүм сэргэтин кэс тыла
Поэма

1

 
Былыргы өтөххө кэлэммин
Хойдубут чуумпуну аймаатым,
Аастыйбыт салгыны ыймахтаан
Хас да сүүс саастаахтыы сананным.
 
 
Хойдубут чуумпуну аймаатым
Буор саха сыдьаана буоламмын,
Үйэлэр быылларын оймоотум
Ситтэрбэт номоҕу сырсаммын.
 
 
Аастыйбыт салгыны ыймахтаан
Ааспыт кэм амтанын амсайдым,
Очуостуу дьиппиэрбит сыллартан
Кырыарбыт илдьити мин туттум.
 
 
Хас да сүүс саастаахтыы сананным
Кырдьаҕас сэргэлиин алтыһан.
Өйбөр – сүрэхпэр иҥэринним
Өспүт үйэлэр дуорааннарын.
 

2

 
Хаһаата, хотоно көстүбэт,
Саас баттаан балаҕан сиҥнибит,
Барытын эрбэһин бүрүйбүт,
Дьыл – хонук ардаҕа суурайбыт.
 
 
Саас баттаан балаҕан сиҥнибит,
Халтаҥ буор булгунньах боруорар,
Кытыастар кыымнарын сүтэрбит
Көмүлүөк турбата барыарар.
 
 
Барытын эрбэһин бүрүйбүт
Сыыс оттуун ыгыта куустуһан,
Тамылҕан талахтыын сиэттиспит
Сэтиэнэх үктэлгэ тирэнэн.
 
 
Дьыл – хонук ардаҕа суурайбыт
Дьон – сэргэ ыллыгын омоонун,
Сэргэни көрөммүт суохтуубут
Дьөһөгөй маанылаах оҕотун.
 

3

 
Томторго, бэс чагда быыһынан,
Өлбүтү кэриэстиир тас мастар,
Кыргыһыы сэмнэҕин санатан,
Кэккэлии тэлгэнэн сыталлар.
 
 
Өлбүтү кэриэстиир тас мастар
Олохпут ыар кэмин кэпсииллэр,
Элбэҕи эргитэн аҕалар
Эркээйи охсубут курдуктар.
 
 
Кыргыһыы сэмнэҕин санатан
Кыа – хаанныы кытарар эмэхтэр
Кыдыйсар кыдьыктаах сахтартан
Кырыыстаах үйэни кэпсииллэр.
 
 
Кэккэлии тэлгэнэн сыталлар
Дьоллоох да, сордоох да кэмнэрбит,
Өксөкү буоланнар көтөллөр
Өрөгөй төргүүлээх күннэрбит.
 

4

 
Арай дьон хаалларбыт мэҥэтэ
Тэлгэһэ сэргэтэ тураахтыыр,
Ааспыт кэм им – дьим кэрэһитэ
Саҥата суох элбэҕи кэпсиир.
 
 
Тэлгэһэ сэргэтэ тураахтыыр
Үйэлэр тыыннарын тулуйан,
Наҕыллык мин диэки иэҕэйэн
Нүһэрдик сэһэнин саҕалыыр:
 
 
Ааспыт кэм им – дьим кэрэһитэ
Ааттанан, бу сиргэ турабыт,
Сылгыны быалаабыт кэмнэртэн
Сахалыын мэлдьитин бииргэбит.
 
 
Саҥата суох элбэҕи кэпсиир
Олоҥхо саастыыта буолабыт,
Умнуллан сүппүтү эргитэр
Иэспитин биһиги билэбит.
 

5

 
Былыргы быраман дьыллартан,
Күн тохтуур биир ытык күнүгэр,
Аар Кудук чэрчи мас чыпчаалын
Үөһээҥҥи айыылар булаллар.
 
 
Күн тохтуур биир ытык күнүгэр
Сахалар түөлбэлээн мусталлар,
Түһүлгэ түмүллэр сиригэр
Аар баҕах сэргэни анньаллар.
 
 
Аар Кудук чэрчи мас чыпчаалын
Халлааҥҥа харбаһар үрдүттэн,
Күн көмүс ардаҕа таммалаан
Болҕомто мааныта ууруллар.
 
 
Үөһээҥҥи айыылар булаллар
Алгыстаан, арчылаан алҕаары,
Сэргэни тайахтыы тайанан
Үүт – тунах ыһыаҕы ыһаары.
 

6

 
Былыргы төрүккүт, ол иһин,
Сэргэни сиэрдээхтик туруорар:
Түҥ былыр саҕаттан тутуһан —
Сиэдэрэй оһуордаан түһэрэр.
 
 
Сэргэни сиэрдээхтик туруорар:
Элбэх сыл инниттэн буланнар
Чиргэл тиит бастыҥын суллууллар,
Харыстаан харайа уураллар.
 
 
Түҥ былыр саҕаттан тутуһан
Алгыстаах тыллары этэллэр,
Уус бэрдэ чочуйан, ойуулаан
Сүрэҕин сылааһын иҥэрэр.
 
 
Сиэдэрэй оһуордаан түһэрэр
Урааҥхай олоҕун ойуулаан —
Оччоҕо сылгылар кистииллэр,
Халлааҥҥа тойон кыыл элиэтиир
 

7

 
Устар кэм өксүөнүн көрдөҕүм —
Бар дьонум ыарахан түгэнин,
Үтүө да кэмнэри биллэҕим,
Ол бэйэм бу буолан турабын.
 
 
Бар дьонум ыарахан түгэнин
Соруттан – муҥуттан хараастан,
Умнаспын хайыта суруйан
Хараҕым уулара сүүрдэҕэ.
 
 
Үтүө да кэмнэри биллэҕим —
Дьон – сэргэ баай – талым олоҕун,
Хонноҕум сылааһар туттаҕым
Дьөһөгөй маанылаах оҕотун.
 
 
Ол бэйэм бу буолан турабын —
Иччитэх өтөҕү манааммын,
Күн диэки тардыһан ылабын
Урукку кэмнэрбин санааммын.
 

8

 
Арҕааҥҥы аргыарга үрдэрэн
Олоххут дохсуннук айанныыр,
Эрдиитэ суох оҥочо буолан
Долгуҥҥа бэринэн дагдаҥныыр.
 
 
Олоххут дохсуннук айанныыр,
Туох да күүс тохтоппот тэтимнээх.
Алааскыт сайыһан далбаатыыр
Быыппастар маҥан ат миҥэлээх.
 
 
Эрдиитэ суох оҥочо буолан
Тиксиэхтээх кытылын сүтэрбит,
Арчылыыр алгыстар ыһыллан
Хоптолуу аймана көтөллөр.
 
 
Долгуҥҥа бэринэн дагдаҥныыр
Дьылҕа хаан дьэ ханна тириэрдэр?
Хатаннык часкыйан хаһыытыыр
Сата тыал бу туохтан кыыһырар?
 

9

 
Бу сэргэ иннигэр тураммын,
Иһиттим, сэһэнин сэргээммин,
Элбэҕи даҕаны билэммин
Сурукпар киллэрдим тиһэммин.
 
 
Иһиттим, сэһэнин сэргээммин,
Үгэспит сүмэтин өйдөөтүм,
Үйэлэр быыстарын сэгэтэн,
Былыргы сахтары өҥөйдүм.
 
 
Элбэҕи даҕаны билэммин
Хараҕым аһыллан сырдаата,
Сэргэҕэ ыксары сыстаммын
Эрчим – уох тымырбын сылытта.
 
 
Сурукпар киллэрдим тиһэммин,
Кэлэр кэм дьүүлүгэр хааллардым,
Кэнчээри ыччакка кэпсээммин
Кэнэҕэс кэмнэргэ кыым сахтым.
 

Сэргэ
Поэма

1

 
В урочище такая тишина,
Как будто все, как есть, Саха земли
На этом древнем месте времена,
Глубоким сном объятые, легли.
 
 
Я потревожил этот вечный сон —
Да будет это предкам не во гнев! —
И тени незапамятных времён
Почудились отчаянному мне.
 
 
О, нет печальней в прошлое тропы,
Той, на которую ступил сейчас,
Где множества былых столетий пыль
Незримо обволакивает вас
 
 
И потрясает… Здесь, в глухой тайге
Не кажется ли мне: через века
Со мною говорит сейчас сэргэ,
Которого касается рука…
 

2

 
Остался от былого только он.
Хранит его тайги глухая падь.
Всё стало прахом – изгородь, хотон¹⁶.
И прежний дом теперь не отыскать.
 
 
Ну разве что вот этот бугорок,
Похожий на могилу, где бурьян
За долгие года кошмою лёг
На жалкие останки бытия
 
 
Людей. Вот здесь топили печь —
Нежданно камень хрустнет под ногой.
Он помнит, как любил в печи разжечь
Огонь хозяин лютою зимой.
 
 
Как весело струился тёплый дым,
Над крышею с морозами борясь…
Далёкой жизни редкие следы
Хранит упрямо эта коновязь.