Kitobni o'qish: «Шайтандар жайлаған мекен»

Шайтандар жайлаған мекен

Мазмұны

"Шайтандар жайлаған мекен" кітабы ХІХ ғасырдағы тоқырау кезінде қаңырап қалған ауылда ыстық мекендерін суытпай санаулы қалған отбасылардың басынан өткерген оқиғалар негізінде баяндалады. Иесіз қаңырап қалған үйлерді мекендеген шын – шайтандар мен перілердің ауыл адамдарына кері әсері. Шайтан қаққан адамдардың өміріне төңген қауіптер мен емделу жолдарының әсері туралы айтылады. Басты кейіпкер Ерболдың басынан өткен оқиғалармен таныса отырып, тылсым күштің адам өміріне қауіпі мен сақтану жолдары туралы баяндалады.

І тарау

Ерболдың шайтанның қармағынан қашып құтылуы

Бұл мекен қаладан 300 шақырымдай қашықтықта болатын. Ауыл тұрғындары малмен күн көріп отырған шағын ауыл еді. Техника дейтіндей көше толып гүрілдеген машиналар жоқтың қасы. Бірен – саран үйде ғана қалаға қатынайтын жеңіл көлік болатын. Оның өзі ауылға қалаға қатынағанда ғана қозғалатын. Қысқасы, ауылда техниканың дауысы жоқтың қасы. Яғни, малдың таң сәріде және кешкісін өрістен қайтқандағы у-шуынан басқа ауыл тып тыныш еді. Ал, ондай тыныштық жерді пері – қара, жын – шайтан иеленіп алатынын көнекөз қариялар жие тілге тиек ететін. Сондықтан ауыл тұрғындары кешкі он екіден және таңғы төрт – бес шамасында далаға шықпауға тырысатын. Ауылда жастарда аса көп жоқ болатын. Бірен саран қалада оқуда жолы болмай ауылда қалған жастардың бірі Ербол еді. Ербол досы Асхатқа кешкісін барып уақыт өткізбекші болады. Екеуі алдымен теледидар көреді, артынша уақыт өткізіп карта ойнап біраз уақыт отырып қалады. Уақыттың зырғып өткенін байқамайда қалады. Ол уақытта түнгі үш жарымдар шамасы болатын. Ербол үйіне қайтпақшы болады. Ерболмен Асхаттың үйі аса алыста емес еді. Тек екеуінің үйінің ортасында ескі бұзылған дүкеннің орны болатын. Ол дүкен иесіз түрғанына біраз жылдардың жүзі еді. Әрине, иесіз тұрған орынды шын – шайтандар иеленіп алатыны бар.